مزگینیا یوحەننای 2:4 - ئنجیلا پیرۆز

⁴ عیسای گۆتە وێ: «خانم، من چ پەیوەندی پێڤە هەیە؟ دەمێ من هێشتا نەهاتیە.»

مزگینیا یوحەننای 2:4 ပူးပေါင်းရင်းမြစ်များ

مزگینیا مەتتای 15:28

ئێدی عیسای بەرسڤا وێ دا: «خانم، باوەریا تە یا ب هێزە! داخوازا تە ب ج‍‌ھ هات.» ئینا د وێ گاڤێ دا كچا وێ ساخ بوو.

مزگینیا مەتتای 8:29

ژ نشكەكێ ڤە كرنە گازی و گۆتن: «تە چ ژ مە دڤێت، عیسایێ كوڕێ خودێ؟ ئەرێ تۆ بەری دەمێ دەستنیشانكری هاتی، دا مە ئەشكەنجە بدەی؟»

مزگینیا لوقای 2:49

عیسای بەرسڤا وان دا و گۆت: «بۆچی هوین ل من دگەڕیان؟ ئەرێ ما هەوە نەدزانی كو پێدڤیە ئەز ل مالا بابێ خۆ بم؟»

مزگینیا یوحەننای 12:23

عیسای بەرسڤا وان دا و گۆت: «دەم هات كو كوڕێ مرۆڤ بهێتە مەزنكرن.

مزگینیا یوحەننای 13:1

بەری جەژنا دەربازبوونێ، عیسای دزانی كو دەمێ وی هات دا ژ ڤێ جیهانێ بار كەت و بچیتە نك بابی. ئەوی كو حەز ژ كەسێن خۆ یێن ل ڤێ جیهانێ كربوو، ب تەمامی حەز ژ وان كر.

مزگینیا یوحەننای 2:3

دەمێ شەراب نەمای، دایكا عیسای گۆتە وی: «وان شەراب نەما.»

مزگینیا یوحەننای 20:13

ئینا ئەوان پرسیار ژێ كر: «خانم، تۆ بۆچی دكەیە گری؟» وێ بەرسڤا وان دا: «وان خودانێ من بر و ئەز نزانم دانایە كیرێ!»

مزگینیا یوحەننای 20:15

ئینا عیسای پرسیار ژێ كر: «خانم، تۆ بۆچی دكەیە گری؟ تۆ ل كێ دگەڕیێی؟» وێ هزر كر ئەو باغچەڤانە، ئینا گۆتێ: «ئەزبەنی، ئەگەر تە بریە، بێژە من تە دانایە كیرێ، دا ئەز ببەم.»

مزگینیا یوحەننای 7:30

وی دەمی وان بزاڤ كر كو وی دەستەسەر بكەن، لێ كەسەكی دەستێ خۆ درێژ نەكرێ، چنكو هێشتا دەمێ وی نەهاتبوو.

مزگینیا یوحەننای 7:6

عیسای بەرسڤا وان دا: «هێشتا دەمێ من نەهاتیە، لێ بۆ هەوە هەمی گاڤان دەم یێ گونجایە.

مزگینیا یوحەننای 7:8

هوین ب خۆ هەڕنە جەژنێ، لێ ئەز ب خۆ نوكە ناهێمە ڤێ جەژنێ، چنكو دەمێ من هێشتا نەهاتیە.»

مزگینیا یوحەننای 8:20

عیسای ئەڤ ئاخفتنە ل نێزیكی سندوقێن بەخشینان، دەمێ وی فێركرن ل پەرستگەهێ دكر، گۆت. لێ كەسێ ئەو دەستەسەر نەكر، چنكو دەمێ وی هێشتا نەهاتبوو.

2 كورنتۆس 5:16

ژ نوكە و پێڤە ئەم ب دیتنەكا مرۆڤكانی ل كەسێ نانێڕین. هەر چەندە مە ب دیتنەكا مرۆڤكانی ل مەسیحی نێڕیە، لێ ئێدی ئەم وەسا ل وی نانێڕین.