مزگینیا یوحەننای 2:19 - ئنجیلا پیرۆز

¹⁹ عیسای بەرسڤ دا و گۆتە وان: «ئەڤێ پەرستگەهێ بهەڕفینن و د سێ رۆژان دا دێ ئاڤا كەم.»

مزگینیا یوحەننای 2:19 ပူးပေါင်းရင်းမြစ်များ

مزگینیا مەتتای 12:40

هەروەكو یونس سێ شەڤ و سێ رۆژان مایە د زكێ نەهنگی دا، هەروەسا كوڕێ مرۆڤ ژی سێ شەڤ و سێ رۆژان دێ مینیتە د دلێ ئەردی دا.

مزگینیا مەتتای 16:21

د وی دەمی دا، عیسای دەست پێ كر شاگردێن خۆ ئاگەهدار كرن، كو پێدڤیە ئەو بچیتە ئورشەلیمێ و ژ لایێ ریهسپی و سەرۆكێن كاهنان و مامۆستایێن دەستووری ڤە بهێتە ئازاردان و كوشتن و ل رۆژا سێیێ راببیتەڤە.

مزگینیا مەتتای 27:40

و دگۆت: «هەی ئەوێ دا پەرستگەهێ د سێ رۆژان دا هەڕفینیت و ئاڤا كەتەڤە، خۆ قورتال بكە! ئەگەر تۆ كوڕێ خودێی ژ خاچێ وەرە خوار!»

مزگینیا مەتتای 27:63

و گۆتن: «ئەزبەنی، بیرا مە هات، وی خاپینۆكی ب ساخیا خۆ گۆتبوو: ‹ئەز دێ پشتی سێ رۆژان رابم.›

مزگینیا مەرقۆسی 14:58

«مە یێ گو‍‌ھ لێ بووی دبێژیت: ئەز دێ ڤێ پەرستگەهێ هەڕفینم، ئەوا دەستان ئاڤا كری و دێ د سێ رۆژان دا ئێكا دی ئاڤا كەم كو ب دەستان نە هاتبیتە ئاڤاكرن.»

مزگینیا مەرقۆسی 15:29

یێن كو د وێرێ را دهاتن و دچوون ئەو كرێت دكر و سەرێ خۆ لێ دهەژاند و دگۆت: «ها! هەی ئەوێ دا پەرستگەهێ د سێ رۆژان دا هەڕفینیت و ئاڤا كەتەڤە!

مزگینیا مەرقۆسی 8:31

عیسای دەست ب فێركرنا وان كر، كو دڤێت كوڕێ مرۆڤ گەلەك ئازارێ بكێشیت و ژ لایێ ریهسپی و سەرۆكێن كاهنان و مامۆستایێن دەستووری ڤە بهێتە رەتكرن و بهێتە كوشتن و پشتی سێ رۆژان راببیتەڤە.

مزگینیا یوحەننای 11:25

عیسای گۆتێ: «ئەزم رابوون و ژیان. یێ باوەری ب من هەبیت، ئەگەر بمریت ژی، دێ زیندی بیتەڤە

مزگینیا یوحەننای 5:19

ئینا عیسای بەرسڤا وان دا و گۆتێ: «ب راستی ب راستی دبێژمە هەوە: كوڕ نەشێت چ تشتان ژ نك خۆ بكەت، لێ ئەو وێ دكەت یا كو دبینیت باب دكەت. هەر تشتەكێ باب بكەت، كوڕ ژی دكەت.

كارێن هنارتیان 2:24

لێ خودێ ژ مرنێ راكرەڤە و ژ ئێشانێن مرنێ ئازاد كر، چنكو مرن نەشیا وی دەستەسەر بكەت.

كارێن هنارتیان 2:32

خودێ ئەڤ عیسایە ژ مرنێ ساخ كرەڤە و ئەم هەمی بۆ وێ راستیێ شاهدین.

كارێن هنارتیان 3:15

هەوە ژیاندەر كوشت، لێ خودێ ژ ناڤ مریان راكر. ئەم ل سەر ڤێ چەندێ شاهدین.

كارێن هنارتیان 3:26

خودێ خزمەتكارێ خۆ ژ ناڤ مریان راكر و ل بەراهیێ بۆ هەوە هنارت، داكو هەر ئێك ژ هەوە ژ كارێن وی یێن نەباش ڤەگەڕینیت و هۆسا هەوە بەرەكەتدار بكەت.»

كارێن هنارتیان 6:14

چنكو مە گو‍‌ھ لێ بوو یێ دبێژیت، كو عیسایێ ناسیرەیی دێ ڤێ پەرستگەهێ هەڕفینیت و ئەو داب و نەریتێن مە ژ مووسای وەرگرتین دێ گوهۆڕیت.»

رۆما 4:24

لێ ژ بۆ مە ژی هاتیە نڤیسین. بۆ مە ژی دێ هێتە هژمارتن، ئەم یێن مە باوەری ب وی هەی، یێ خودانێ مە عیسا ژ ناڤ مریان راكری،

رۆما 6:4

ئەڤجا ب تافیركرنێ ئەم بووینە هەڤپشكێن مرنا وی و ل گەل وی هاتینە ڤەشارتن، داكو كا چەوا مەسیح ب مەزناهیا بابی ژ ناڤ مریان هاتیە راكرن، هۆسا ئەم ژی د ژیانا نویبووی دا بژین.

رۆما 8:11

ئەگەر گیانێ وی یێ عیسا ژ ناڤ مریان راكری، د هەوە دا یێ ئاكنجیە، ئەوێ كو مەسیح ژ ناڤ مریان راكری، دێ ب گیانێ خۆ یێ د هەوە دا ئاكنجی، لەشێن هەوە یێن مربار ژی ڤەژینیت.

1 كورنتۆس 15:12

مادەم ئەم هەمی رادگەهینین كو مەسیح ژ ناڤ مریان رابوویە، چەوا هندەك ژ هەوە دبێژن: «رابوونا مریان نینە»!

كۆلۆسی 2:12

ب تافیركرنێ هوین ل گەل وی هاتینە ڤەشارتن و هەر ب وێ هوین ل گەل وی هاتینە راكرن ژی، چنكو هەوە باوەری ب شیانا خودێ یێ ئەو ژ ناڤ مریان راكری، ئینا.

1 پەترۆس 3:18

چنكو مەسیح ژی جارەكێ و بۆ هەروهەر ژ پێخەمەت گونەهان هاتە ئازاردان، یێ راستدار ژ پێخەمەت نەڕاستداران، دا هەوە بگەهینیتە خودێ. ئەو د لەشی دا هاتە كوشتن، لێ ژ لایێ گیانی ڤە هاتە ڤەژاندن.