مزگینیا یوحەننای 17:3 - ئنجیلا پیرۆز

³ ژیانا هەروهەر ژی ئەڤەیە: ئەو تە، ئانكو خودایێ راستەقینە یێ ئێكانە، و عیسایێ مەسیح یێ تە هنارتی، بنیاسن.

مزگینیا یوحەننای 17:3 ပူးပေါင်းရင်းမြစ်များ

مزگینیا مەرقۆسی 9:37

هەر كەسێ زاڕۆكەكێ وەكو ڤی ب ناڤێ من قەبیل بكەت، ئەوی ئەز قەبیل كرم و یێ من قەبیل بكەت، ئەوی نە ب تنێ ئەز قەبیل كرم، لێ ئەو ژی قەبیل كر یێ ئەز هنارتیم.

مزگینیا لوقای 9:48

و گۆتە وان: «هەر كەسێ ب ناڤێ من ڤی زاڕۆكی قەبیل بكەت، ئەوی ئەز قەبیل كرم و یێ من قەبیل بكەت، ئەوی ئەو قەبیل كر یێ ئەز هنارتیم. هەر كەسێ د ناڤ هەوە هەمیان دا یێ هەری بچویك بیت، ئەوە یێ مەزن.»

مزگینیا یوحەننای 10:36

ئەڤجا ئەوێ بابی پیرۆز كری و بۆ جیهانێ هنارتی، هوین چەوا دبێژنە وی: ‹تۆ كوفریان دكەی،› چنكو من گۆت: ‹ئەز كوڕێ خودێمە›؟

مزگینیا یوحەننای 11:42

ئەز دزانم كو تە هەردەم گو‍‌ھ ل من هەیە، لێ ژ بەر ڤی جەماوەرێ ل ڤێرێ راوەستیای، من ئەڤ تشتە گۆت، دا ئەو باوەریێ بینن كو تە ئەز یێ هنارتیم.»

مزگینیا یوحەننای 14:26

لێ هاریكار، گیانێ پیرۆز، ئەوێ كو باب دێ ب ناڤێ من هنێریت، ئەو دێ هەوە فێری هەمی تشتان كەت و هەمی تشتێن من گۆتینە هەوە، ئەو دێ ئینیتە بیرا هەوە.

مزگینیا یوحەننای 17:18

هەروەكو تە ئەز هنارتیمە جیهانێ، من ژی ئەو هنارتنە جیهانێ.

مزگینیا یوحەننای 17:21

داكو هەمی ببنە ئێك. باب، هەروەكو تۆ د ناڤ من دا و ئەز د ناڤ تە دا، بلا ئەو ژی د ناڤ مە دا بن، دا جیهان باوەریێ بینیت كو تە ئەز یێ هنارتیم.

مزگینیا یوحەننای 17:23

ئەز یێ د ناڤ وان دا و تۆ یێ د ناڤ من دا، داكو ئێكبوونا وان یا تەمام بیت، دا جیهان بزانیت كو تە ئەز یێ هنارتیم و تە حەز ژ وان كر هەروەكو تە حەز ژ من كری.

مزگینیا یوحەننای 17:25

بابێ راستدار، جیهان تە نانیاسیت، لێ ئەز تە دنیاسم و ئەڤە دزانن كو تە ئەز یێ هنارتیم.

مزگینیا یوحەننای 17:8

چنكو ئەو پەیڤێن تە داینە من، من دانە وان و وان وەرگرتن و ب راستی زانی كو ئەز یێ ژ نك تە هاتیم و وان باوەری ئینا كو تە ئەز یێ هنارتیم.

مزگینیا یوحەننای 3:17

خودێ كوڕێ خۆ نەهنارتیە جیهانێ، دا جیهانێ گونەهبار بكەت، لێ دا جیهانێ ب وی قورتال بكەت.

مزگینیا یوحەننای 3:34

ژ بەر كو یێ خودێ ئەو هنارتی، ئەو ئاخفتنێن خودێ دبێژیت، چنكو خودێ بێ پیڤان گیانێ خۆ ددەت.

مزگینیا یوحەننای 5:44

هوین دێ چەوا شێن باوەریێ ئینن، مادەم هوین مەزناهیێ ژ ئێكودوو وەردگرن و بزاڤێ بۆ وێ مەزناهیێ ناكەن، یا ژ خودایێ ئێكانە دهێت؟

مزگینیا یوحەننای 6:57

كا چەوا بابی، یێ كو سەرەكانیا ژیانێیە، ئەز هنارتم و ئەز ب وی دژیم، هۆسا ئەوێ من بخۆت، دێ ب من ژیت.

مزگینیا یوحەننای 7:29

لێ ئەز وی دنیاسم، چنكو ئەز ژ ویمە و ئەوی ئەز یێ هنارتیم.»

مزگینیا یوحەننای 8:19

ئینا وان پرسیار ژێ كر: «كا بابێ تە؟» عیسای بەرسڤ دا: «هوین نە من دنیاسن، نە ژی بابێ من دنیاسن. ئەگەر هەوە ئەز نیاسیبام، دا بابێ من ژی نیاسن.»

1 كورنتۆس 15:34

وەرنە سەر هشێ خۆ یێ دروست و ئێدی گونەهێ نەكەن، چنكو دەربارەی خودێ هندەك ژ هەوە د نەزانن. ئەز ڤێ دبێژم دا هوین شەرم ژ خۆ بكەن.

1 كورنتۆس 8:4

ئەڤجا سەبارەت خوارنا قوربانێن بۆ پووتان دهێنە پێشكێشكرن: ئەم دزانین پووتان هەبوونا خۆ یا راستەقینە ل جیهانێ نینە و ژبلی ئێكی چ خودێیێن دی نینن.

2 كورنتۆس 4:6

چنكو ئەو خودایێ گۆتی: «بلا رۆناهی ژ تاریاتیێ شەوقێ بدەت»، ئەوە یێ د دلێ مە دا شەوق دای، دا ئەم ب رێكا وێ شەوقا ژ دێمێ عیسایێ مەسیحی دەردكەڤیت، رەونەقیا خودێ بنیاسین.

فیلیپی 3:10

من دڤێت مەسیحی بنیاسم و هێزا رابوونا وی ژ ناڤ مریان بزانم و پشكدارێ ئازارێن وی بم و وەكو وی لێ بهێم د مرنا وی دا،

فیلیپی 3:8

هێشتا ژ وێ زێدەتر، ئەز هەمی تشتان ب زیان ددانم، ل هەمبەری بهاگرانیا بێ سنوور یا نیاسینا مەسیح عیسایێ خودانێ من، ئەوێ ژ پێخەمەت وی من هەمی تشت زیانكرین و ئەز وان تشتان وەكو گلێش دبینم، دا مەسیحی قازانج بكەم

1 سالونیكی 1:9

چنكو خەلكێ وان دەڤەران بەحس دكەن، كا سەرەدانا مە بۆ هەوە چ كارتێكرن هەبوو و كا چەوا هوین ژ پووتان بۆ خودێ ڤەگەڕیان، دا خودایێ زیندی یێ راستەقینە بپەرێسن

2 سالونیكی 1:8

و ئەو د ئاگرەكێ ب گوڕی دا تۆلێ ژ وان ڤەكەت یێن خودێ نانیاسن و گوهداریا مزگینیا خودانێ مە عیسای ناكەن.

عیبرانی 3:1

ئەڤجا گەلی خویشك و برایێن پیرۆز، پشكدارێن وێ گازیا ئەم پێ بۆ ئەسمانی گازی كرین، هزرێ د عیسای دا بكەن، یێ ئەم دانپێدانێ دكەین كو هنارتی و سەرۆككاهنێ مەیە.

2 پەترۆس 1:2

ب نیاسینا خودێ و عیسایێ خودانێ مە، كەرەم و ئاشتی ب زێدەیی ل سەر هەوە بن.

2 پەترۆس 1:3

هێزا وی یا خودایی هەمی تشتێن پێدڤی بۆ ژیانێ و خودێترسیێ داینە مە، ب رێكا نیاسینا وی یێ ئەم ب مەزناهی و چاكیا خۆ گازی كرین.

2 پەترۆس 1:8

چنكو ئەگەر ئەڤ تشتە ل نك هەوە هەبن و زێدە ببن، دێ هەوە كەتە مرۆڤێن بكێرهاتی و بەرهەمدار د نیاسینا خودانێ مە عیسایێ مەسیح دا.

1 یوحەننا 1:2

ژیان دیار بوو، مە ئەو دیتیە و شاهدەییێ بۆ ددەین و وێ ژیانا هەتا هەتایی بۆ هەوە رادگەهینین، ئەوا ل گەل بابی بوو و بۆ مە دیار بووی.

1 یوحەننا 1:3

ئەوا مە دیتی و بهیستی بۆ هەوە رادگەهینین، دا هەوە ژی هەڤپشكی ل گەل مە هەبیت. هەڤپشكیا مە ژی ل گەل بابی و ل گەل كوڕێ وی عیسایێ مەسیحە.

1 یوحەننا 2:23

هەر كەسێ كوڕی ماندەل بكەت، وی بەهر د بابی دا نینە، لێ یێ دانپێدانێ ب كوڕی بكەت، بەهر د بابی ژی دا هەیە.

1 یوحەننا 4:6

ئەم ژ خودێینە. ئەوێ خودێ دنیاسیت گوهێ خۆ ددەتە مە و ئەوێ نە ژ خودێیە، گوهێ خۆ نادەتە مە. ژ بەر وێ چەندێ ئەم گیانێ راستیێ و گیانێ شاشیێ ژ ئێك جودا دكەین.

1 یوحەننا 5:20

دزانین ژی كو كوڕێ خودێ هاتیە و تێگەهشتن دایە مە، دا یێ راستەقینە بنیاسین. ئەم د ناڤ یێ راستەقینە داینە، د ناڤ كوڕێ خودێ عیسایێ مەسیح دا. ئەوە خودایێ راستەقینە و ژیانا هەروهەر.