مزگینیا یوحەننای 17:1 - ئنجیلا پیرۆز

¹ دەمێ عیسای ئەڤ ئاخفتنە گۆتین، بەرێ خۆ دا ئەسمانی و گۆت: «باب، دەم هات. كوڕێ خۆ مەزن كە، دا كوڕێ تە ژی تە مەزن كەت،

مزگینیا یوحەننای 17:1 ပူးပေါင်းရင်းမြစ်များ

مزگینیا مەرقۆسی 14:41

بۆ جارا سێیێ ڤەگەڕیا و گۆتە وان: «ئەڤە هێشتا هوین د نڤستینە و بێهنا خۆ ڤەددەن؟ بەسە! دەم هات، ئها ئەڤە كوڕێ مرۆڤ رادەستی گونەهكاران دهێتە كرن.

مزگینیا لوقای 18:13

لێ یێ باجگر دویر راوەستیا و شەرم دكر خۆ بەرێ خۆ ژی بدەتە ئەسمانی، ل سینگێ خۆ ددا و دگۆت: ‹خودێ، دلۆڤانیا خۆ ب من ببە، ئەز گونەهكارم.›

مزگینیا لوقای 22:53

هەر رۆژ ئەز ل پەرستگەهێ د ناڤ هەوە دا بووم، هەوە دەستێ خۆ درێژ نەكرە من. لێ ئەڤەیە دەمێ هەوە و دەستهەلاتا تاریستانێ.»

مزگینیا یوحەننای 11:4

دەمێ عیسای ئەڤ چەندە بهیستی، گۆت: «ئەڤ نەساخیە نە بۆ مرنێیە، لێ بۆ مەزناهیا خودێیە، دا ب رێیا وێ نەساخیێ كوڕێ خودێ بهێتە مەزنكرن.»

مزگینیا یوحەننای 11:41

ئەڤجا وان بەر راكر. عیسای ژی بەرێ خۆ دا ئەسمانی و گۆت: «باب، ئەز سوپاسیا تە دكەم، كو تە گو‍‌ھ ل من بوو.

مزگینیا یوحەننای 12:23

عیسای بەرسڤا وان دا و گۆت: «دەم هات كو كوڕێ مرۆڤ بهێتە مەزنكرن.

مزگینیا یوحەننای 13:1

بەری جەژنا دەربازبوونێ، عیسای دزانی كو دەمێ وی هات دا ژ ڤێ جیهانێ بار كەت و بچیتە نك بابی. ئەوی كو حەز ژ كەسێن خۆ یێن ل ڤێ جیهانێ كربوو، ب تەمامی حەز ژ وان كر.

مزگینیا یوحەننای 16:32

ئەڤە دەمەك دێ هێت و نوكە یێ هاتی ژی، كو هوین دێ بەڵاڤ بن، هەر ئێك دێ چیتە مالا خۆ و دێ من ب تنێ هێلن. لێ ئەز نە یێ ب تنێمە، چنكو باب یێ ل گەل من.

مزگینیا یوحەننای 7:30

وی دەمی وان بزاڤ كر كو وی دەستەسەر بكەن، لێ كەسەكی دەستێ خۆ درێژ نەكرێ، چنكو هێشتا دەمێ وی نەهاتبوو.

مزگینیا یوحەننای 7:39

عیسای ئەڤ چەندە دەربارەی گیانێ پیرۆز گۆت، كو دێ ئەو كەس وەرگرن، یێن باوەری ب عیسای ئیناین. هێشتا گیانێ پیرۆز نەهاتبوو دان، چنكو هێشتا عیسا نەهاتبوو مەزنكرن.

مزگینیا یوحەننای 8:20

عیسای ئەڤ ئاخفتنە ل نێزیكی سندوقێن بەخشینان، دەمێ وی فێركرن ل پەرستگەهێ دكر، گۆت. لێ كەسێ ئەو دەستەسەر نەكر، چنكو دەمێ وی هێشتا نەهاتبوو.

كارێن هنارتیان 3:13

خودایێ ئیبراهیمی و خودایێ ئیسحاقی و خودایێ یەعقوبی، خودایێ بابكالێن مە، خزمەتكارێ خۆ عیسا پایەبەرز كر، یێ كو هەوە دایە دەستێ پیلاتۆسی و ماندەل كری، دەمێ وی دڤیا عیسای ئازاد بكەت.

1 پەترۆس 1:21

ب رێكا وی هەوە باوەری ب خودێ هەیە، ئەو خودایێ ئەو ژ ناڤ مریان راكری و مەزناهی دایێ، لەوما باوەری و هیڤیا هەوە ب خودێیە.