مزگینیا یوحەننای 15:8 - ئنجیلا پیرۆز

⁸ ب ڤێ چەندێ بابێ من دهێتە مەزنكرن: هوین گەلەك بەرهەمی بدەن و ببنە شاگردێن من.

مزگینیا یوحەننای 15:8 ပူးပေါင်းရင်းမြစ်များ

مزگینیا مەتتای 5:16

بلا ب ڤی رەنگی رۆناهیا هەوە بەرامبەری خەلكی شەوقێ بدەت، دا كارێن چاك یێن هەوە ببینن و بابێ هەوە یێ ل ئەسمانان مەزن بكەن.

مزگینیا مەتتای 5:44

لێ ئەز دبێژمە هەوە: حەز ژ دوژمنێن خۆ بكەن و نڤێژان بكەن بۆ ئەوێن هەوە تەپەسەر دكەن،

مزگینیا مەتتای 9:8

دەمێ خڕڤەبوویان ئەڤە دیتی، سەهمێ گرتن و پەسنا خودێ كر، ئەوێ كو دەستهەلاتەكا هۆسا دایە مرۆڤان.

مزگینیا لوقای 6:35

لێ حەز ژ دوژمنێن خۆ بكەن و چاكیێ بكەن و قەری بدەن بێی كو چاڤەڕێی ڤەگەڕاندنێ بن. ب ڤی رەنگی خەلاتێ هەوە دێ یێ مەزن بیت و دێ بنە كوڕێن خودایێ هەری بلند. چنكو ئەو چاكیا خۆ ب سەر مرۆڤێن نەسوپاسدار و خراب دا دادرێژیت.

مزگینیا یوحەننای 13:35

ب ڤێ چەندێ هەمی دێ زانن كو هوین شاگردێن منن: ئەگەر هوین حەز ژ ئێكودوو بكەن.»

مزگینیا یوحەننای 15:5

ئەزم مێو و هوین چەقن. ئەوێ د ناڤ من دا یێ بنەج‍‌ھ بیت و ئەز د ناڤ وی دا، ئەو دێ بەرهەمەكێ زۆر دەت، چنكو بێی من هوین نەشێن تشتەكی بكەن.

مزگینیا یوحەننای 8:31

ئینا عیسای گۆتە وان جوهیێن باوەری پێ ئینای: «ئەگەر هەوە خۆ ل سەر پەیڤا من راگرت، هوین ب راستی شاگردێن منن

1 كورنتۆس 10:31

ئەڤجا ئەگەر هوین بخۆن، یان ڤەخۆن، یان چ تشتێ بكەن، هەمی تشتان بۆ مەزناهیا خودێ بكەن.

1 كورنتۆس 6:20

چنكو هوین ب بهایەكێ گران یێن هاتینە كڕین. ژ بەر ڤێ چەندێ وە بكەن كو ب لەشێ هەوە مەزناهیا خودێ دیار ببیت.

فیلیپی 1:11

و دپڕ بن ژ بەرهەمێ راستداریێ، ئەوێ كو ژ دەولەتسەرێ عیسایێ مەسیحە، ژ بۆ مەزناهی و پەسنا خودێ.

تیتۆس 2:10

دەستدرێژیێ نەكەنە سەر مالێ وان، لێ دەستپاكیەكا تەمام بۆ وان دیار بكەن، دا فێركرنا قورتالكەرێ مە خودێ ژ هەمی لایان ڤە بخەملینن.

تیتۆس 2:5

خودان رەفتارەكا ئاقلانە بن، د دەهمەنپاك بن، د مالدار بن، د باش بن، د ملكەچی مێرێن خۆ بن، دا ب خرابی بەحسێ پەیڤا خودێ نەهێتە كرن.

1 پەترۆس 2:12

بلا د ناڤ مللەتان دا رەفتارێن هەوە د باش بن، دا سەرەڕای كو ئەو نەكامیا هەوە دكەن كو هوین خرابكارن، كریارێن هەوە یێن باش ببینن و پەسنا خودێ بكەن د رۆژا هاتنا وی دا.

1 پەترۆس 4:11

ئەگەر ئێك دئاخڤیت، بلا وەكو ئێكێ پەیڤێن خودێ دبێژیت بئاخڤیت. ئەگەر ئێك خزمەتێ دكەت، بلا ب وێ هێزێ بكەت یا خودێ دایێ، دا خودێ د هەر تشتی دا بهێتە مەزنكرن، ب رێیا عیسایێ مەسیح، ئەوێ مەزناهی و سەروەری هەروهەر یێن وینە. ئامین.