مزگینیا یوحەننای 15:4 - ئنجیلا پیرۆز

⁴ د ناڤ من دا بنەج‍‌ھ ببن و ئەز د ناڤ هەوە دا. كا چەوا چەق ب خۆ نەشێت بەرهەمی بدەت ئەگەر د مێوێ دا یا بنەج‍‌ھ نەبیت، هوین ژی هەروەسا نەشێن ئەگەر د ناڤ من دا د بنەج‍‌ھ نەبن.

مزگینیا یوحەننای 15:4 ပူးပေါင်းရင်းမြစ်များ

مزگینیا مەتتای 12:33

دار ژ بەرهەمێ وێ دهێتە نیاسین، ئەڤجا خۆ ئێك دل بكەن: یان دار یا باشە و بەرهەمێ وێ یێ باشە، یان ژی دار یا خرابە و بەرهەمێ وێ یێ خرابە!

مزگینیا لوقای 8:15

لێ ئەو تۆڤێ كەفتیە سەر ئەردێ باش، ئەو كەسن یێن پەیڤێ دبهیسن و د دلەكێ باش و راست دا ڤەدشێرن و ب خۆڕاگریێ بەرهەمی ددەن.

مزگینیا یوحەننای 14:20

د وێ رۆژێ دا، هوین دێ زانن كو ئەز یێ د ناڤ بابێ خۆ دا و هوین یێ د ناڤ من دا و ئەز یێ د ناڤ هەوە دا.

مزگینیا یوحەننای 17:23

ئەز یێ د ناڤ وان دا و تۆ یێ د ناڤ من دا، داكو ئێكبوونا وان یا تەمام بیت، دا جیهان بزانیت كو تە ئەز یێ هنارتیم و تە حەز ژ وان كر هەروەكو تە حەز ژ من كری.

مزگینیا یوحەننای 6:56

هەر كەسێ لەشێ من بخۆت و خوینا من ڤەخۆت، ئەو د ناڤ من دا یێ بنەجهە و ئەز د ناڤ وی دا.

مزگینیا یوحەننای 8:31

ئینا عیسای گۆتە وان جوهیێن باوەری پێ ئینای: «ئەگەر هەوە خۆ ل سەر پەیڤا من راگرت، هوین ب راستی شاگردێن منن

كارێن هنارتیان 11:23

دەمێ گەهشتی و كەرەما خودێ دیتی، گەلەك كەیفخۆش بوو و هەمی هاندان كو ژ دل ل گەل خودانی بمینن.

كارێن هنارتیان 14:22

وان دلێ شاگردان خورت دكر و ئەو هانددان كو د باوەریێ دا د خۆڕاگر بن و گۆتە وان: «دڤێت ئەم د گەلەك تەنگاڤیان را دەرباز ببین، دا بچینە د پاشایەتیا خودێ دا.»

2 كورنتۆس 13:5

نە من، لێ خۆ بپشكنن، دا بزانن كا هوین د باوەریێ دانە یان نە. نە من، لێ خۆ تاقی بكەن. یان هوین تێناگەهن كو عیسایێ مەسیح د ناخێ هەوە دایە؟ ژبلی ئەگەر هوین د پشكنینێ دا سەرنەكەڤن.

گالاتیا 2:20

ئێدی نە ئەزم یێ دژیت، لێ مەسیحە د ناخێ من دا دژیت. ئەو ژیانا نوكە ئەز ب لەشی دژیم، ئەز ب باوەریێ ب كوڕێ خودێ دژیم، ئەوێ حەز ژ من كری و خۆ گۆری من كری.

ئەفەسۆس 3:17

ب رێكا باوەریێ مەسیح د دلێ هەوە دا ئاكنجی ببیت و هوین د حەزژێكرنێ دا ب رە‍‌ھ و ب بنیات بن،

فیلیپی 1:11

و دپڕ بن ژ بەرهەمێ راستداریێ، ئەوێ كو ژ دەولەتسەرێ عیسایێ مەسیحە، ژ بۆ مەزناهی و پەسنا خودێ.

كۆلۆسی 1:23

ب تنێ ئەگەر هوین د باوەریێ دا د بەردەوام بن، دموكم و قاییم بن و خۆ ژ هیڤیا مزگینیا هەوە بهیستی لانەدەن، ئەوا بۆ هەمی ئافراندیێن د بن ئەسمانی دا هاتیە راگەهاندن، ئەوا ئەز، پاولۆس، بوویمە خزمەتكارێ وێ.

كۆلۆسی 1:27

خودێ بڕیار دا بۆ پیرۆزكریێن خۆ بدەتە زانین كا دەولەمەندیا مەزناهیا ڤێ نهێنیێ د ناڤ مللەتێن نەجوهی دا چەندا مەزنە. نهێنی ژی ئەوە كو مەسیح د ناخێ هەوە دایە و ژ بەر هندێ مسۆگەرە كو هوین دێ د مەزناهیا وی دا پشكدار بن.

كۆلۆسی 2:6

ئەڤجا كا چەوا هەوە خودان مەسیح عیسا قەبیل كریە، هۆسا ل گەل وی گرێدای بژین،

1 سالونیكی 3:5

لەوما دەمێ من نەشیای خۆ پتر بگرم ژی، من ئەو هنارت دا رەوشا باوەریا هەوە بزانم، نەكو تاقیكەری هوین تاقی كربن و رەنجا مە ب ئاڤێ دا چوو بیت.

عیبرانی 10:39

لێ ئەم نە ژ وانین یێن خۆ پاشڤە دكێشن و د ئەنجام دا ژ ناڤ دچن، ئەم ژ وانین یێن باوەری هەی و د ئەنجام دا خۆ دپارێزن.

1 یوحەننا 2:6

ئەوێ دبێژیت: «ئەز د ناڤ وی دا یێ بنەجهم،» پێدڤیە وەسا بژیت، هەروەكو عیسا ژیای.

2 یوحەننا 1:9

هەر كەسێ پێنگاڤێن زێدە بهاڤێژیت و د فێركرنا مەسیحی دا بنەج‍‌ھ نەبیت، وی بەهر د خودێ دا نینە. ئەوێ د وێ فێركرنێ دا بنەج‍‌ھ ببیت، وی بەهر یا د بابی دا و د كوڕی ژی دا هەی.