مزگینیا یوحەننای 14:9 - ئنجیلا پیرۆز

⁹ عیسای بەرسڤا وی دا: «فیلیپۆس، ئەڤ دەمێ هندە درێژ ئەز ل گەل هەوە و هێشتا تە ئەز نەنیاسیمە؟ ئەوێ ئەز دیتیم، وی باب ژی یێ دیتی. چەوا تۆ دبێژیە من: ‹بابی نیشا مە بدە؟›

مزگینیا یوحەننای 14:9 ပူးပေါင်းရင်းမြစ်များ

مزگینیا مەرقۆسی 9:19

ئینا بەرسڤا وان دا و گۆت: «هەی نفشێ بێباوەر، تا كەنگی دێ د ناڤ هەوە دا مینم؟ تا كەنگی دێ بێهنا خۆ ل هەوە فرە‍‌ھ كەم؟ وی بیننە نك من.»

مزگینیا لوقای 12:56

گەلی دووڕویان، هوین دزانن دیمەنێ ئەرد و ئەسمانی شڕۆڤە بكەن، پا چەوا هوین نزانن ڤی سەردەمی شڕۆڤە بكەن؟

مزگینیا یوحەننای 1:14

پەیڤ ژی بوو لەش و د ناڤ مە دا ئاكنجی بوو، ئەو یێ پڕی كەرەم و راستی بوو. مە مەزناهیا وی دیت، مەزناهیا كوڕێ ئێكانەیێ بابی.

مزگینیا یوحەننای 10:30

ئەز و باب ئێكین.»

مزگینیا یوحەننای 12:45

و هەر كەسێ من دبینیت، وی دبینیت یێ ئەز هنارتیم.

مزگینیا یوحەننای 14:20

د وێ رۆژێ دا، هوین دێ زانن كو ئەز یێ د ناڤ بابێ خۆ دا و هوین یێ د ناڤ من دا و ئەز یێ د ناڤ هەوە دا.

مزگینیا یوحەننای 14:7

ئەگەر هەوە ئەز نیاسیبم، هەوە بابێ من ژی یێ نیاسی. ئەڤجا ژ نوكە و پێڤە هوین وی دنیاسن و هەوە یێ دیتی.»

مزگینیا یوحەننای 8:19

ئینا وان پرسیار ژێ كر: «كا بابێ تە؟» عیسای بەرسڤ دا: «هوین نە من دنیاسن، نە ژی بابێ من دنیاسن. ئەگەر هەوە ئەز نیاسیبام، دا بابێ من ژی نیاسن.»

1 كورنتۆس 15:12

مادەم ئەم هەمی رادگەهینین كو مەسیح ژ ناڤ مریان رابوویە، چەوا هندەك ژ هەوە دبێژن: «رابوونا مریان نینە»!

فیلیپی 2:6

عیسایێ مەسیح د بنیاتێ خۆ دا، خودێ بوو، وی نەڤیا یەكسانیا خۆ ل گەل خودێ بۆ بەرژەوەندیا خۆ ب كار بینیت،

كۆلۆسی 1:15

ئەو وێنەیێ وی خودێیە یێ كو ناهێتە دیتن، نەخریە، سەرۆكێ هەمی تشتێن ئافراندیە.

عیبرانی 1:3

ئەو تیڕێژا مەزناهیا خودێیە و دەق و دەق وێنەیێ گەوهەرێ ویە، هەمی تشتێن د گەردوونێ دا ب پەیڤا خۆ یا هێزدار رێك دئێخیت. پشتی وی پاقژكرن بۆ گونەهێن مرۆڤان ئامادە كری، ل دەستێ راستێ یێ مەزناهیێ ل بلنداهیان روینشت.

1 یوحەننا 5:20

دزانین ژی كو كوڕێ خودێ هاتیە و تێگەهشتن دایە مە، دا یێ راستەقینە بنیاسین. ئەم د ناڤ یێ راستەقینە داینە، د ناڤ كوڕێ خودێ عیسایێ مەسیح دا. ئەوە خودایێ راستەقینە و ژیانا هەروهەر.