4 هوین ژی رێكا وی جهی دزانن یێ ئەز دچمێ.»
ما نە یا پێدڤی بوو مەسیح ڤان ئازاران بكێشیت و پاشی بگەهیتە مەزناهیا خۆ؟»
ئەزم دەرگە‍‌ھ. هەر كەسێ ب رێكا من ب ژۆر دكەڤیت، دێ قورتال بیت. ئەو دێ هێتە ژۆر و دەركەڤیت و چەروانی بینیت.
هەر كەسێ بڤێت خزمەتا من بكەت، بلا ب دویڤ من بكەڤیت، ئەز ل كیرێ بم، خزمەتكارێ من ژی دێ ل وێرێ بیت. هەر كەسێ خزمەتا من بكەت، باب دێ رێزێ ل وی گریت.
عیسای دزانی كو بابی هەمی تشت یێن كرینە د دەستێن وی دا و ئەو ژ نك خودێ یێ دەركەفتی و بۆ خودێ دێ ڤەگەڕیتە ڤە،
ل مالا بابێ من، گەلەك جهێن ئاكنجیبوونێ یێن هەین. ئەگەر وەسا نەبا، ئەرێ ئەز دا بێژمە هەوە كو ئەز دێ چم دا بۆ هەوە جهەكی ئامادە بكەم؟
هەوە بهیست كو من گۆتە هەوە: ئەز دێ چم و پاشی دێ ڤەگەڕم. ئەڤجا ئەگەر هەوە حەز ژ من كربا، هوین دا دلخۆش بن كو ئەز دێ چمە نك بابی، چنكو باب ژ من مەزنترە.
پشتی ئەز دچم و بۆ هەوە جهی ئامادە دكەم، دێ جارەكا دی هێمەڤە و هەوە بەمە نك خۆ، دا ئەو جهێ ئەز لێ، هوین ژی لێ بن.
توماسی گۆتێ: «خودان، ئەم نزانین تۆ دێ كیڤە چی، ئەڤجا ئەم چەوا دێ شێین رێكێ زانین؟»
ئەز ژ نك بابی دەركەفتم و هاتمە جیهانێ، ئەز دێ جیهانێ هێلم و جارەكا دی چمە نك بابی.»
ئەوێ باوەریێ ب كوڕی بینیت، ژیانا هەروهەر یا هەی. ئەوێ ب گۆتنا كوڕی نەكەت، ئەو ژیانێ نابینیت، لێ تۆڕەبوونا خودێ ل سەر وی دمینیت.
چنكو حەزا بابێ من ئەوە، كو هەر كەسێ كوڕی ببینیت و باوەریێ پێ بینیت، دێ ژیانا هەروهەر بۆ وی بیت و ل رۆژا دویماهیێ ئەز دێ وی ژ مرنێ راكەم.»
