مزگینیا یوحەننای 14:3 - ئنجیلا پیرۆز

³ پشتی ئەز دچم و بۆ هەوە جهی ئامادە دكەم، دێ جارەكا دی هێمەڤە و هەوە بەمە نك خۆ، دا ئەو جهێ ئەز لێ، هوین ژی لێ بن.

مزگینیا یوحەننای 14:3 ပူးပေါင်းရင်းမြစ်များ

مزگینیا یوحەننای 12:26

هەر كەسێ بڤێت خزمەتا من بكەت، بلا ب دویڤ من بكەڤیت، ئەز ل كیرێ بم، خزمەتكارێ من ژی دێ ل وێرێ بیت. هەر كەسێ خزمەتا من بكەت، باب دێ رێزێ ل وی گریت.

مزگینیا یوحەننای 14:28

هەوە بهیست كو من گۆتە هەوە: ئەز دێ چم و پاشی دێ ڤەگەڕم. ئەڤجا ئەگەر هەوە حەز ژ من كربا، هوین دا دلخۆش بن كو ئەز دێ چمە نك بابی، چنكو باب ژ من مەزنترە.

مزگینیا یوحەننای 14:4

هوین ژی رێكا وی جهی دزانن یێ ئەز دچمێ.»

مزگینیا یوحەننای 17:24

باب، من دڤێت كو ئەوێن تە داینە من، ل گەل من بن، ل وی جهێ ئەز لێ بم، دا وێ مەزناهیا تە دایە من ببینن، چنكو بەری دامەزراندنا جیهانێ تە حەز ژ من كر.

كارێن هنارتیان 1:11

و گۆتنێ: «گەلی جەلیلیان، بۆچی هوین د راوەستیاینە و بەرێ هەوە ل ئەسمانانە؟ ئەڤە ئەو عیسایە، ئەوێ بۆ ئەسمانان هاتیە بلندكرن، دێ هۆسا ڤەگەڕیتەڤە، هەروەكو هەوە دیتی دچوو.»

رۆما 8:17

ئەڤجا ئەگەر ئەم زاڕۆكێن وی بین، ئەم میراتگرین ژی، میراتگرێن خودێ و هەڤپشكێن مەسیحینە د میراتی دا، لێ پێدڤیە ئەم ل گەل وی د ئازاران دا پشكدار ببین، داكو د مەزناهیا وی ژی دا پشكدار ببین.

فیلیپی 1:23

د ناڤبەرا هەردوویان دا ئەز ل بەر بڕیارەكا دژوارم: ئەز حەز دكەم بچم و ل گەل مەسیحی بم، ئەڤە گەلەك چێترە.

2 سالونیكی 1:12

دا ب كەرەما خودایێ مە و خودان عیسایێ مەسیح، ناڤێ خودانێ مە عیسایێ مەسیح ب هەوە بهێتە مەزنكرن و هوین ژی ب وی بهێنە مەزنكرن.

2 تیمۆتاوس 2:12

ئەگەر ئەم خۆ راگرین، دێ ل گەل وی پاشایەتیێ ژی كەین. ئەگەر ئەم وی ماندەل بكەین، ئەو ژی دێ مە ماندەل كەت.

عیبرانی 9:28

وەسا مەسیح ژی ژ بەر راكرنا گونەهێن گەلەكان ب تنێ جارەكێ هاتە پێشكێش كرن. ئەو دێ بۆ جارا دوویێ دیار بیت، نە ژ بەر راكرنا گونەهان، لێ ژ بەر قورتالكرنا وان یێن چاڤەڕێیا وی دكەن.

ئاشكراكرن 3:21

هەر ئێكێ سەركەفتنێ بینیت، دێ دەستویریێ دەمێ كو ل گەل من ل سەر تەختێ من روینیت، هەروەكو من ژی سەركەفتن ئینای و ل گەل بابێ خۆ ل سەر تەختێ وی روینشتیم.