مزگینیا یوحەننای 13:3 - ئنجیلا پیرۆز

³ عیسای دزانی كو بابی هەمی تشت یێن كرینە د دەستێن وی دا و ئەو ژ نك خودێ یێ دەركەفتی و بۆ خودێ دێ ڤەگەڕیتە ڤە،

مزگینیا یوحەننای 13:3 ပူးပေါင်းရင်းမြစ်များ

مزگینیا مەتتای 11:27

هەمی تشت ژ لایێ بابێ من ڤە بۆ من یێن هاتینە دان. كەس كوڕی ناس ناكەت ژبلی بابی، كەس بابی ژی ناس ناكەت ژبلی كوڕی و هەر كەسێ كوڕی بڤێت بابی بۆ وی ئاشكرا بكەت.

مزگینیا مەتتای 28:18

عیسا بەرەڤ شاگردان چوو و گۆت: «هەمی دەستهەلاتا ل ئەردی و ل ئەسمانی بۆ من یا هاتیە دان.

مزگینیا لوقای 10:22

«هەمی تشت ژ لایێ بابێ من ڤە بۆ من یێن هاتینە دان. كەس نزانیت كوڕ كیە ژبلی بابی، هەروەسا كەس نزانیت باب كیە ژبلی كوڕی و هەر كەسێ كوڕی بڤێت بابی بۆ وی ئاشكرا بكەت.»

مزگینیا یوحەننای 1:18

كەسێ چ جاران خودێ نەدیتیە، لێ كوڕێ ئێكانە، كو ئەو ب خۆ ژی خودێیە، ئەوێ د هەمبێزا بابی دا، ئەوی خودێ یێ دایە نیاسین.

مزگینیا یوحەننای 13:1

بەری جەژنا دەربازبوونێ، عیسای دزانی كو دەمێ وی هات دا ژ ڤێ جیهانێ بار كەت و بچیتە نك بابی. ئەوی كو حەز ژ كەسێن خۆ یێن ل ڤێ جیهانێ كربوو، ب تەمامی حەز ژ وان كر.

مزگینیا یوحەننای 17:2

چنكو تە دەستهەلات ل سەر هەمی مرۆڤان یا دایێ، دا ژیانا هەروهەر بدەتە هەمی ئەو كەسێن تە داینە وی.

مزگینیا یوحەننای 3:13

كەسەك سەرنەكەفتیە ئەسمانی، ئەگەر ئەو نەبیت، ئەوێ ژ ئەسمانی هاتیە خوارێ، كو ئەو ژی كوڕێ مرۆڤە.

مزگینیا یوحەننای 3:35

باب حەز ژ كوڕی دكەت و هەمی تشت یێن كرینە د دەستێ وی دا.

مزگینیا یوحەننای 7:29

لێ ئەز وی دنیاسم، چنكو ئەز ژ ویمە و ئەوی ئەز یێ هنارتیم.»

مزگینیا یوحەننای 7:33

ئینا عیسای گۆت: «ئەز دێ دەمەكێ كێم ل گەل هەوە مینم، پاشی دێ چمە نك وی یێ ئەز هنارتیم.

مزگینیا یوحەننای 8:14

ئینا عیسای بەرسڤا وان دا و گۆت: «ئەگەر ئەز شاهدەییێ بۆ خۆ ژی بدەم، شاهدەییا من راستە، چنكو ئەز دزانم ئەز ژ كیرێ یێ هاتیم و دێ چمە كیرێ. لێ هوین نزانن كا ئەز ژ كیرێ هاتیمە و دێ چمە كیرێ.

مزگینیا یوحەننای 8:42

عیسای گۆتە وان: «ئەگەر خودێ بابێ هەوە با، دا هوین حەز ژ من كەن، چنكو ئەز ژ نك خودێ یێ دەركەفتیم و هاتیم. ئەز ژ نك خۆ نەهاتیمە، لێ ئەوی ئەز یێ هنارتیم.

كارێن هنارتیان 2:36

بلا هەمی خەلكێ ئیسرائیلێ پشتڕاست بزانن، كو عیسا ئەوێ هەوە ب خاچێ ڤە هەلاویستی، خودێ یێ كریە خودان و مەسیح ژی!»

1 كورنتۆس 15:27

چنكو خودێ «هەمی تشت ئێخستنە د بن پێیێن وی ڤە،» هەروەكو د نڤیساران دا هاتی. لێ دەمێ دبێژیت «هەمی تشت» ملكەچی وی كرن، یا ئاشكرایە كو ژ خودێ ب خۆ ناگریت، ئەوێ هەمی تشت ملكەچی مەسیحی كرین.

عیبرانی 1:2

لێ د ڤان رۆژێن دویماهیێ دا، ب رێكا كوڕێ خۆ ل گەل مە ئاخفت، ئەوێ وی كریە میراتگرێ هەمی تشتان و ئەوێ ب وی گەردوون ئافراندی.