مزگینیا یوحەننای 10:4 - ئنجیلا پیرۆز

⁴ دەمێ هەمی پەزێ خۆ ئینا ژ دەرڤە، ب پێش وان دكەڤیت و ئەو ددەنە دویڤ، چنكو دەنگێ وی دنیاسن.

مزگینیا یوحەننای 10:4 ပူးပေါင်းရင်းမြစ်များ

مزگینیا مەتتای 16:24

هنگی عیسای گۆتە شاگردێن خۆ: «ئەگەر ئێكی بڤێت ل دویڤ من بهێت، بلا خۆ ماندەل بكەت و خاچا خۆ هەلگریت و ب دویڤ من بكەڤیت.

مزگینیا یوحەننای 10:16

من پەزێن دی ژی یێن هەین، كو نە ژ ڤێ كۆتانێنە، دڤێت ئەز وان ژی بینم و ئەو دێ گوهێ خۆ دەنە دەنگێ من و دێ بنە ئێك كەرێ پەزی ل گەل ئێك شڤان.

مزگینیا یوحەننای 10:27

پەزێ من گوهێ خۆ ددەتە دەنگێ من و ئەز وان دنیاسم و ئەو ل دویڤ من دهێن.

مزگینیا یوحەننای 10:3

بۆ وی دەرگەهڤان دەرگەهی ڤەدكەت و پەز گوهێ خۆ ددەنە دەنگێ وی، ب ناڤ گازی پەزێن خۆ دكەت و دئینیتە ژ دەرڤە.

مزگینیا یوحەننای 10:5

ئەو چ جاران ل دویڤ یێ بیانی ناچن، لێ ژێ دڕەڤن، چنكو ئەو دەنگێ بیانیان نانیاسن.»

مزگینیا یوحەننای 10:8

هەمی ئەوێن بەری من هاتین دز و رێگر بوون، لێ پەزی گوهێ خۆ نەدا وان.

مزگینیا یوحەننای 12:26

هەر كەسێ بڤێت خزمەتا من بكەت، بلا ب دویڤ من بكەڤیت، ئەز ل كیرێ بم، خزمەتكارێ من ژی دێ ل وێرێ بیت. هەر كەسێ خزمەتا من بكەت، باب دێ رێزێ ل وی گریت.

مزگینیا یوحەننای 13:15

من نموونەیەك نیشا هەوە دا، دا ئەوا من بۆ هەوە كری، هوین ژی وێ بكەن.

مزگینیا یوحەننای 18:37

ئینا پیلاتۆسی گۆتێ: «ئانكو تۆ پاشای؟» عیسای بەرسڤا وی دا: «تە ب خۆ گۆت كو ئەز پاشامە. ئەز بۆ ڤێ چەندێ یێ ژ دایك بوویم و بۆ ڤێ چەندێ یێ هاتیمە جیهانێ، دا شاهدەییێ بۆ راستیێ بدەم. هەر كەسێ ژ راستیێ بیت، دێ گوهێ خۆ دەتە دەنگێ من.»

مزگینیا یوحەننای 3:29

بویك بۆ كێ بیت، ئەو زاڤایە. لێ هەڤالێ زاڤای، ئەوێ كو د خزمەتا زاڤای دا راوەستیایە و گو‍‌ھ ل دەنگێ وی دبیت، ب دەنگێ وی دلخۆش دبیت. ئەڤجا ئەڤ دلخۆشیە یا منە، كو ئەو نوكە تەمام بوویە.

1 كورنتۆس 11:1

چاڤ ل من بكەن، هەروەكو ئەز چاڤ ل مەسیحی دكەم.

ئەفەسۆس 5:1

ژ بەر ڤێ چەندێ، وەكو زاڕۆكێن خۆشتڤی، چاڤلێكرنا خودێ بكەن.

عیبرانی 12:2

بەرێ مە ل عیسای بیت، داهێنەر و تەمامكەرێ باوەریا مە، ئەوێ ژ پێخەمەت دلشادیا ل بەر وی هاتیە دانان، خۆ ل بەر خاچێ گرتی و شەرمزاریا وێ ب پشت گو‍‌ھ ڤە هاڤێتی، ئەڤجا ل رەخێ راستێ یێ تەختێ خودێ روینشتی.

عیبرانی 6:20

وی جهی یێ عیسا وەكو پێشەنگ ژ پێخەمەت مە ب ژۆر كەفتی و بۆ هەتا هەتایێ بوویە سەرۆككاهن ژ جۆرێ مەلكیسادقی.

1 پەترۆس 2:21

بۆ وی تشتی هوین یێن هاتینە گازیكرن، چنكو مەسیحی ژی ژ پێخەمەت هەوە ئازار كێشان و هۆسا نموونەیەك بۆ هەوە ب ج‍‌ھ هێلا، دا ل دویڤ شووپا وی بچن،

1 پەترۆس 4:1

ئەڤجا مادەم مەسیحی د لەشی دا ئازار كێشا، هوین ژی ب وێ نیازێ خۆ چەكدار بكەن، چنكو یێ د لەشی دا ئازار كێشای، دەست ژ گونەهێ بەردایە،

1 پەترۆس 5:3

خۆ ل سەر وان یێن ل ژێر چاڤدێریا هەوە نەسەپینن، لێ بۆ پەزی ببنە نموونە.