مزگینیا یوحەننای 10:30 - ئنجیلا پیرۆز

³⁰ ئەز و باب ئێكین.»

مزگینیا یوحەننای 10:30 ပူးပေါင်းရင်းမြစ်များ

مزگینیا مەتتای 11:27

هەمی تشت ژ لایێ بابێ من ڤە بۆ من یێن هاتینە دان. كەس كوڕی ناس ناكەت ژبلی بابی، كەس بابی ژی ناس ناكەت ژبلی كوڕی و هەر كەسێ كوڕی بڤێت بابی بۆ وی ئاشكرا بكەت.

مزگینیا مەتتای 28:19

ئەڤجا هەڕن و هەمی مللەتان بكەنە شاگرد، كو وان ب ناڤێ باب و كوڕ و گیانێ پیرۆز تافیر بكەن

مزگینیا یوحەننای 10:29

بابێ من یێ كو ئەو داینە من، ژ هەمیان مەزنترە و كەس نەشێت وان ژ دەستێ بابی دەربئێخیت.

مزگینیا یوحەننای 10:36

ئەڤجا ئەوێ بابی پیرۆز كری و بۆ جیهانێ هنارتی، هوین چەوا دبێژنە وی: ‹تۆ كوفریان دكەی،› چنكو من گۆت: ‹ئەز كوڕێ خودێمە›؟

مزگینیا یوحەننای 14:23

عیسای بەرسڤ دا: «هەر كەسێ حەز ژ من بكەت، دێ پەیڤا من ب ج‍‌ھ ئینیت و بابێ من ژی دێ حەز ژ وی كەت، دێ هێینە نك وی كەسی و ل نك وی ئاكنجی بین.

مزگینیا یوحەننای 14:9

عیسای بەرسڤا وی دا: «فیلیپۆس، ئەڤ دەمێ هندە درێژ ئەز ل گەل هەوە و هێشتا تە ئەز نەنیاسیمە؟ ئەوێ ئەز دیتیم، وی باب ژی یێ دیتی. چەوا تۆ دبێژیە من: ‹بابی نیشا مە بدە؟›

مزگینیا یوحەننای 16:15

هەمیێن كو بابی هەین، یێن منن، لەو من گۆتە هەوە: ئەو دێ ژ من وەرگریت و بۆ هەوە راگەهینیت.

مزگینیا یوحەننای 17:10

هەر تشتەكێ من، یێ تەیە و هەر تشتەكێ تە، یێ منە و ئەز ب وان هاتیمە مەزنكرن.

مزگینیا یوحەننای 5:17

عیسای بەرسڤا وان دا: «بابێ من تا نوكە یێ كار دكەت، و ئەز ژی یێ كار دكەم.»

مزگینیا یوحەننای 5:23

دا هەمی رێزێ ل كوڕی بگرن، هەروەكو رێزێ ل بابی دگرن. یێ رێزێ ل كوڕی نەگریت، ئەو رێزێ ل بابێ كوڕ هنارتی ژی ناگریت.

مزگینیا یوحەننای 8:58

عیسای گۆتە وان: «ب راستی ب راستی دبێژمە هەوە: بەری ئیبراهیم ببیت، ئەز هەمە.»

1 تیمۆتاوس 3:16

بێگۆمان، نهێنیا خودێپەرێسیا راستەقینە یا مەزنە: ئەو ب لەشی دیار بوو، ژ لایێ گیانێ پیرۆز ڤە راستدار هاتە دەرئێخستن، ژ لایێ فریشتەیان ڤە هاتە دیتن، مزگینیا وی د ناڤ مللەتان دا هاتە راگەهاندن، د جیهانێ دا باوەری پێ هاتە ئینان و د مەزناهیێ دا هاتە بلندكرن.

تیتۆس 2:13

و چاڤەڕێی وێ رۆژا بەختەوەر بین یا ئەم ل هیڤیێ، كو دیاربوونا روومەتا خودایێ مەزن، قورتالكەرێ مە عیسایێ مەسیحە.

1 یوحەننا 5:20

دزانین ژی كو كوڕێ خودێ هاتیە و تێگەهشتن دایە مە، دا یێ راستەقینە بنیاسین. ئەم د ناڤ یێ راستەقینە داینە، د ناڤ كوڕێ خودێ عیسایێ مەسیح دا. ئەوە خودایێ راستەقینە و ژیانا هەروهەر.

1 یوحەننا 5:7

یێن شاهدەییێ ددەن سێنە: