مزگینیا یوحەننای 10:3 - ئنجیلا پیرۆز

³ بۆ وی دەرگەهڤان دەرگەهی ڤەدكەت و پەز گوهێ خۆ ددەنە دەنگێ وی، ب ناڤ گازی پەزێن خۆ دكەت و دئینیتە ژ دەرڤە.

مزگینیا یوحەننای 10:3 ပူးပေါင်းရင်းမြစ်များ

مزگینیا یوحەننای 10:14

ئەزم شڤانێ باش. ئەز پەزێ خۆ دنیاسم و پەزێ من ژی من دنیاسیت،

مزگینیا یوحەننای 10:16

من پەزێن دی ژی یێن هەین، كو نە ژ ڤێ كۆتانێنە، دڤێت ئەز وان ژی بینم و ئەو دێ گوهێ خۆ دەنە دەنگێ من و دێ بنە ئێك كەرێ پەزی ل گەل ئێك شڤان.

مزگینیا یوحەننای 10:4

دەمێ هەمی پەزێ خۆ ئینا ژ دەرڤە، ب پێش وان دكەڤیت و ئەو ددەنە دویڤ، چنكو دەنگێ وی دنیاسن.

مزگینیا یوحەننای 10:9

ئەزم دەرگە‍‌ھ. هەر كەسێ ب رێكا من ب ژۆر دكەڤیت، دێ قورتال بیت. ئەو دێ هێتە ژۆر و دەركەڤیت و چەروانی بینیت.

مزگینیا یوحەننای 6:37

هەمیێن كو باب ددەتە من، دێ هێنە نك من و هەر كەسێ بهێتە نك من، ئەز چ جاران وی دەرنائێخم.

مزگینیا یوحەننای 6:45

د نڤیسارێن پێغەمبەران دا هاتیە نڤیسین: ‹هەمی دێ ژ لایێ خودێ ڤە هێنە فێركرن.› هەر كەسەكێ ژ بابی ببهیسیت و ژێ فێر ببیت، دهێتە نك من.

رۆما 8:30

ئەوێن خودێ پێشوەخت دەستنیشان كرین، وی ئەو گازی كرن ژی، ئەوێن وی گازی كرین، وی ئەو بێگونەهكرن ژی، ئەوێن وی بێگونە‍‌ھ كرین، وی ئەو مەزنكرن ژی.

1 كورنتۆس 16:9

چنكو دەرگەهەكێ فرە‍‌ھ بۆ كارەكێ ب بەرهەم بۆ من ڤەبوویە و گەلەك بەرهنگار ژی یێن هەین.

فیلیپی 4:3

بەلێ، ئەز داخوازێ ژ تە ژی دكەم، هەی هەڤكارێ من یێ دلسۆز، هاریكاریا وان ژنان بكە، د خەباتا مزگینیێ دا ئەوان ل گەل من بزاڤ كریە، هەروەسا ل گەل كلیمەنتۆسی و هەڤكارێن من یێن دی ژی، ئەوێن ناڤێن وان د پەرتووكا ژیانێ دا.

كۆلۆسی 4:3

د هەمان دەم دا، بۆ مە ژی نڤێژان بكەن، دا خودێ ژ پێخەمەت پەیاما خۆ دەرگەهەكی بۆ مە ڤەكەت، داكو ئەم نهێنیا مەسیحی رابگەهینین، ئەوا ئەز ژ بەر وێ هاتیمە زیندانكرن.

2 تیمۆتاوس 2:19

لێ بنیاتێ قاییم یێ خودێ دانای یێ خۆجهە، ئەڤ موهرە ل سەرە: «خودان، یێن خۆ دنیاسیت» و «هەر ئێكێ دانپێدانێ ب ناڤێ خودانی بكەت، فەرە خۆ ژ خرابیێ دویر بئێخیت.»

1 پەترۆس 1:12

بۆ وان هاتە دیاركرن، كو وان نە بۆ خۆ، لێ بۆ هەوە خزمەت دكر، دەمێ بەحسێ وان تشتان دكر یێن نوكە بۆ هەوە هاتینە راگەهاندن، ب رێكا وان یێن ب هێزا گیانێ پیرۆز، ئەوێ ژ ئەسمانی هاتیە هنارتن، مزگینی دایە هەوە. فریشتە ژی گەلەك حەز دكەن ل وان تشتان بنێڕن.

1 یوحەننا 4:6

ئەم ژ خودێینە. ئەوێ خودێ دنیاسیت گوهێ خۆ ددەتە مە و ئەوێ نە ژ خودێیە، گوهێ خۆ نادەتە مە. ژ بەر وێ چەندێ ئەم گیانێ راستیێ و گیانێ شاشیێ ژ ئێك جودا دكەین.

3 یوحەننا 1:14

ئەز هیڤیدارم ل دەمەكێ نێزیك تە ببینم و دێ روی ب روی ئاخڤین.

ئاشكراكرن 20:15

هەر كەسێ ناڤێ وی تۆماركری د پەرتووكا ژیانێ دا نەهاتە دیتن، ئەو بۆ دەریاكا ئاگری هاتە هاڤێتن.

ئاشكراكرن 3:20

ئەڤە ئەز یێ ل بەر دەرگەهی راوەستیایمە و دەرگەهی دقوتم. ئەگەر ئێك دەنگێ من ببهیسیت و دەرگەهی ڤەكەت، ئەز دێ ب ژۆر كەڤمە نك وی و خوارنێ ل گەل خۆم و ئەو ل گەل من.

ئاشكراكرن 7:17

چنكو ئەو بەرخێ ل ناڤەڕاستا تەختی، دێ شڤانیێ ل وان كەت و دێ وان بەتە سەر كانیێن ئاڤا ژیانێ و خودێ دێ هەمی رۆندكان ژ چاڤێن وان ڤەمالیت.»