مزگینیا یوحەننای 10:16 - ئنجیلا پیرۆز

¹⁶ من پەزێن دی ژی یێن هەین، كو نە ژ ڤێ كۆتانێنە، دڤێت ئەز وان ژی بینم و ئەو دێ گوهێ خۆ دەنە دەنگێ من و دێ بنە ئێك كەرێ پەزی ل گەل ئێك شڤان.

مزگینیا یوحەننای 10:16 ပူးပေါင်းရင်းမြစ်များ

مزگینیا مەتتای 17:5

هێشتا ئەو دئاخفت، وەسا چێبوو عەورەكێ رۆناهیدار سیبەر ل وان كر و دەنگەك ژ عەوری هات و گۆت: «ئەڤەیە كوڕێ من یێ خۆشتڤی، ئەوێ دلێ من پێ خۆش بووی، گوهێ خۆ بدەنێ!»

مزگینیا لوقای 15:8

یان كیژ ژنە دە‍‌ھ دەرهەم هەبن، ئەگەر دەرهەمەك بەرزەكر، ئەرێ ما ئەو چرایەكی هەلناكەت و مالێ نامالیت و ب هویری لێ ناگەڕیێت تاكو ببینیت؟

مزگینیا یوحەننای 10:11

ئەزم شڤانێ باش. شڤانێ باش ژی ژیانا خۆ گۆری پەزێ خۆ دكەت.

مزگینیا یوحەننای 10:2

لێ ئەوێ د دەرگەهی را دچیتە ژۆر، ئەو شڤانێ پەزیە.

مزگینیا یوحەننای 10:27

پەزێ من گوهێ خۆ ددەتە دەنگێ من و ئەز وان دنیاسم و ئەو ل دویڤ من دهێن.

مزگینیا یوحەننای 10:3

بۆ وی دەرگەهڤان دەرگەهی ڤەدكەت و پەز گوهێ خۆ ددەنە دەنگێ وی، ب ناڤ گازی پەزێن خۆ دكەت و دئینیتە ژ دەرڤە.

مزگینیا یوحەننای 10:4

دەمێ هەمی پەزێ خۆ ئینا ژ دەرڤە، ب پێش وان دكەڤیت و ئەو ددەنە دویڤ، چنكو دەنگێ وی دنیاسن.

مزگینیا یوحەننای 10:5

ئەو چ جاران ل دویڤ یێ بیانی ناچن، لێ ژێ دڕەڤن، چنكو ئەو دەنگێ بیانیان نانیاسن.»

مزگینیا یوحەننای 11:52

نە ب تنێ سەخمەراتی مللەتی، لێ دا زاڕۆكێن خودێ یێن بژاڵە خڕڤە كەت و بكەتە ئێك.

مزگینیا یوحەننای 17:20

ئەز داخوازێ دكەم، نە ب تنێ ژ پێخەمەت ڤان، لێ ژ پێخەمەت وان ژی یێن ب رێكا پەیڤا ڤان، باوەریێ ب من بینن،

مزگینیا یوحەننای 6:37

هەمیێن كو باب ددەتە من، دێ هێنە نك من و هەر كەسێ بهێتە نك من، ئەز چ جاران وی دەرنائێخم.

كارێن هنارتیان 15:14

شەمعونی دیار كر، كا چەوا ژ بۆ جارا ئێكێ، خودێ پویتە ب مللەتێن نەجوهی دا، داكو ژ وان خەلكەكی بۆ ناڤێ خۆ پەیدا بكەت.

كارێن هنارتیان 18:10

چنكو ئەز یێ ل گەل تە و كەس دەستێ خۆ درێژ ناكەتە تە، كو تە بئێشینیت، ژ بەر كو من گەلەك مرۆڤ ل ڤی باژێڕی یێن هەین.»

كارێن هنارتیان 22:14

وی گۆت: ‹خودایێ بابكالێن مە تۆ یێ هەلبژارتی، دا تۆ حەزا وی بزانی و یێ راستدار ببینی و ئاخفتنێ ژ دەڤێ وی ببهیسی،

رۆما 11:25

ئەز حەز ناكەم، گەلی خویشك و برایان، هوین ئاگەهداری ڤێ نهێنیێ نەبن، داكو هوین خۆ ئاقلدار نەهژمێرن. نهێنی ئەوە كو سەرڕەقیێ پشكەكا گەلێ ئیسرائیل یا گرتی، تاكو ژمارەیا نەجوهیێن دێ قورتال بن، تەمام ببیت.

2 سالونیكی 2:13

لێ پێدڤیە ئەم هەردەم ژ پێخەمەت هەوە، گەلی خویشك و برایێن خۆشتڤی ژ لایێ خودانی ڤە، سوپاسیا خودێ بكەین، چنكو هەر ژ دەستپێكێ خودێ هوین ژ بۆ قورتالبوونێ ب رێكا پیرۆزكرنێ ژ لایێ گیانێ پیرۆز ڤە و باوەری ئینان ب راستیێ، هەلبژارتن.

عیبرانی 13:20

بلا خودایێ ئاشتیێ، یێ خودانێ مە عیسا كو ب خوینا پەیمانا هەتا هەتایی شڤانێ مەزن یێ پەزیە، ژ ناڤ مریان راكریەڤە،

1 پەترۆس 2:10

دەمەكی هوین نە گەل بوون، لێ نوكە هوین گەلێ خودێنە. دەمەكی دلۆڤانی ب هەوە نەدهاتە برن، لێ نوكە دلۆڤانی ب هەوە هاتیە برن.

1 پەترۆس 2:25

چنكو هوین وەكو پەزێ بەرزەبووی بوون، لێ نوكە هوین ل شڤان و چاڤدێرێ گیانێ خۆ زڤڕین.

1 پەترۆس 5:4

دەمێ سەرۆكشڤان دیار دبیت، هوین دێ تانجا مەزناهیێ وەرگرن، ئەوا برسقینا وێ ئێكجار ل كێمیێ نادەت.

ئاشكراكرن 3:20

ئەڤە ئەز یێ ل بەر دەرگەهی راوەستیایمە و دەرگەهی دقوتم. ئەگەر ئێك دەنگێ من ببهیسیت و دەرگەهی ڤەكەت، ئەز دێ ب ژۆر كەڤمە نك وی و خوارنێ ل گەل خۆم و ئەو ل گەل من.