مزگینیا یوحەننای 10:10 - ئنجیلا پیرۆز

¹⁰ دز ناهێت ئەگەر بۆ دزینێ و كوشتنێ و ژناڤبرنێ نەبیت، لێ ئەز یێ هاتیم دا وان ژیان هەبیت، ژیانەكا پڕ هەبیت.

مزگینیا یوحەننای 10:10 ပူးပေါင်းရင်းမြစ်များ

مزگینیا مەتتای 18:10

«هشیار بن، كەس ب سڤكاتی بەرێ خۆ نەدەتە ئێك ژ ڤان بچویكان! ئەز دبێژمە هەوە: فریشتەیێن وان ل ئەسمانان هەردەم دێمێ بابێ من یێ ل ئەسمانان دبینن.

مزگینیا مەتتای 18:11

چنكو كوڕێ مرۆڤ یێ هاتی، دا یێن بەرزە قورتال بكەت.

مزگینیا مەتتای 20:28

هەروەسا كوڕێ مرۆڤ ژی نەهاتیە داكو خزمەتا وی بهێتە كرن، لێ دا ئەو خزمەتێ بكەت و خۆ ژ پێش گەلەكان ڤە بكەتە گۆری.»

مزگینیا مەتتای 21:13

و گۆتە وان: «یا هاتیە نڤیسین: ‹مالا من ب مالا نڤێژێ دێ هێتە نیاسین›، لێ هەوە یا كریە ‹كونجا رێگران›!»

مزگینیا مەتتای 23:13

نەخوزیكێن هەوە گەلی مامۆستایێن دەستووری و فەریسیان، هەی دووڕوینۆ! چنكو هوین دەرگەهێ پاشایەتیا ئەسمانان ل بەر مرۆڤان دگرن، نە هوین ب ژۆر دكەڤن و نەدهێلن ژی ئەوێن حەز بكەن، ب ژۆر بكەڤن.

مزگینیا مەرقۆسی 11:17

وی دەست ب فێركرنێ كر و گۆتە وان: «ما نەهاتیە نڤیسین: ‹مالا من ب مالا نڤێژێ بۆ هەمی مللەتان دێ هێتە نیاسین› ؟ لێ هەوە یا كریە ‹كونجا رێگران›!»

مزگینیا لوقای 19:10

كوڕێ مرۆڤ یێ هاتی، دا ل مرۆڤێن بەرزە بگەڕیێت و قورتال بكەت.»

مزگینیا یوحەننای 10:1

«ب راستی ب راستی دبێژمە هەوە: ئەوێ د دەرگەهی را نەچیتە د كۆتانا پەزی ڤە، لێ د رێكەكا دی را سەربكەڤیت، ئەو دز و رێگرە.

مزگینیا یوحەننای 10:11

ئەزم شڤانێ باش. شڤانێ باش ژی ژیانا خۆ گۆری پەزێ خۆ دكەت.

مزگینیا یوحەننای 12:47

ئەگەر ئێكی گۆتنا من بهیست و ب ج‍‌ھ نەئینا، ئەز وی داد ناكەم، چنكو ئەز نەهاتیمە جیهانێ داد بكەم، لێ جیهانێ قورتال بكەم.

مزگینیا یوحەننای 12:6

وی ئەڤ چەندە گۆت، نە چنكو دلێ وی ب هەژاران ڤە بوو، لێ چنكو ئەو دز بوو، ئەو بەرپرسێ سندوقكا پارەیان بوو و وی ژ پارەیێ دهاتە تێدا، ددزی.

مزگینیا یوحەننای 3:17

خودێ كوڕێ خۆ نەهنارتیە جیهانێ، دا جیهانێ گونەهبار بكەت، لێ دا جیهانێ ب وی قورتال بكەت.

مزگینیا یوحەننای 5:40

لێ هەوە نەڤێت بهێنە نك من، كو هەوە ژیان هەبیت.

مزگینیا یوحەننای 6:33

چنكو نانێ خودێ ئەوە یێ ژ ئەسمانی دهێتە خوارێ و ژیانێ ددەتە جیهانێ.»

مزگینیا یوحەننای 6:51

ئەزم نانێ ژیانێ، یێ كو ژ ئەسمانی هاتیە خوار. ئەگەر ئێكی ژ ڤی نانی خوار، دێ هەتا هەتایێ ژیت. ئەو نانێ كو ئەز دێ بۆ ژیانا جیهانێ دەم، لەشێ منە.»

رۆما 2:21

ئەڤجا تۆ ئەوێ كەسێن دی فێر دكەی، ما تۆ خۆ فێر ناكەی؟ تۆ یێ دژی دزیێ دئاخڤی، ما تۆ دزیێ دكەی؟

1 تیمۆتاوس 1:15

ئەڤ گۆتنە جهێ پشتڕاستیێ و هەژی قەبیلكرنا تەمامە: «مەسیح عیسا هاتە جیهانێ، دا گونەهكاران قورتال بكەت.» ئەز ژی ژ وان هەمیان گونەهكارترم،

عیبرانی 6:17

هەروەسا، دەمێ خودێ ڤیای نەگوهۆڕیا حەزا خۆ بۆ میراتگرێن سۆزێ زێدەتر دیار بكەت، وی سۆزا خۆ ب سویندێ مسۆگەر كر.

عیبرانی 7:25

ژ بەر هندێ ئەو دشێت وان ب تەمامی قورتال بكەت، یێن كو ب رێكا وی خۆ نێزیكی خودێ دكەن، چنكو ئەو هەردەم یێ زیندیە، دا مەهدەریێ بۆ وان بكەت.

2 پەترۆس 1:11

ب ڤی شێوەی دەرگە‍‌ھ دێ ب فرەهی ل بەر هەوە ڤەبیت دا هوین ژۆر بكەڤنە پاشایەتیا هەروهەر یا خودان و قورتالكەرێ مە عیسایێ مەسیح.