مزگینیا یوحەننای 1:51 - ئنجیلا پیرۆز

⁵¹ پاشی گۆتێ: «ب راستی ب راستی دبێژمە هەوە: هوین دێ ئەسمانی بینن یێ ڤەكریە و فریشتەیێن خودێ ل سەر كوڕێ مرۆڤ بلند دبن و دهێنە خوار!»

مزگینیا یوحەننای 1:51 ပူးပေါင်းရင်းမြစ်များ

مزگینیا مەتتای 25:31

دەمێ كوڕێ مرۆڤ ب مەزناهیا خۆ ڤە دهێت و هەمی فریشتە یێن د گەل دا، دێ ل سەر تەختێ مەزناهیا خۆ روینیت.

مزگینیا مەتتای 26:24

كوڕێ مرۆڤ دێ وەسا چیت، هەروەكو دەربارەی وی هاتیە نڤیسین، لێ نەخوزیكێن وی كەسی یێ كوڕێ مرۆڤ رادەست بكەت. بۆ وی كەسی باشتر بوو ئەو ژ دایك نەببا.»

مزگینیا مەتتای 3:16

پشتی عیسا هاتیە تافیركرن، ئێكسەر ژ ئاڤێ دەركەفت و ژ نشكەكێ ڤە ئەسمان بۆ وی ڤەبوو و دیت گیانێ خودێ وەكو كووترەكێ هاتە خوار و ل سەر وی دادا

مزگینیا مەتتای 4:11

وی دەمی ئبلیسی ئەو هێلا و وەسا چێبوو فریشتە هاتنە نك و خزمەتا وی كر.

مزگینیا مەتتای 8:20

ئینا عیسای گۆتێ: «رویڤیان كون رویڤیێن هەین و باڵندەیێن ئەسمانی هێلینێن هەین، لێ كوڕێ مرۆڤ چ ج‍‌ھ نینن سەرێ خۆ دانیتێ.»

مزگینیا مەتتای 9:6

لێ ئەز دێ بۆ هەوە سەلمینم كو كوڕێ مرۆڤ ل سەر ئەردی دەستهەلاتا هەی ل گونەهان ببوریت،» پاشی گۆتە یێ فاڵنجی: «رابە و نڤینێن خۆ هەلگرە و هەڕە مالا خۆ.»

مزگینیا مەرقۆسی 1:10

چەوا عیسا ژ ئاڤێ دەركەفت، دیت ئەسمان شەق بوو و گیانێ پیرۆز وەكو كووترەكێ هاتە خوار و ل سەر وی دادا

مزگینیا مەرقۆسی 14:62

عیسای گۆت: «ئەز ئەوم و هوین دێ كوڕێ مرۆڤ بینن، ل دەستێ راستێ یێ هێزداری یێ روینشتی و ل گەل عەورێن ئەسمانی یێ دهێت.»

مزگینیا لوقای 2:13

ژ نشكەكێ ڤە گەلەك سەربازێن ئەسمانی ل گەل فریشتەی دیار بوون و پەسنا خودێ كرن و گۆتن:

مزگینیا لوقای 2:9

ژ نشكەكێ ڤە فریشتەیەكێ خودانی بۆ وان دیار بوو و مەزناهیا خودانی دەوروبەرێن وان كرە رۆناهی و ترسەكا مەزن ئەو گرتن.

مزگینیا لوقای 22:43

ئینا فریشتەیەك ژ ئەسمانی بۆ وی دیار بوو و ئەو بهێز ئێخست.

مزگینیا لوقای 22:69

لێ ژ نوكە پێڤە ‹كوڕێ مرۆڤ دێ ل دەستێ راستێ یێ خودایێ هێزدار یێ روینشتی بیت.›»

مزگینیا لوقای 24:4

دەمێ هێشتا ئەو ژ ڤێ چەندێ د مەندەهۆش، ژ نشكەكێ ڤە دوو زەڵام ب جلكێن تەیسۆك ل نك وان راوەستیان.

مزگینیا لوقای 3:21

دەمێ هەمی خەلك هاتینە تافیركرن، عیسا ژی هاتە تافیركرن. دەمێ عیسای نڤێژ دكر، ئەسمان ڤەبوو

مزگینیا یوحەننای 1:50

عیسای بەرسڤا وی دا و گۆتێ: «چنكو من گۆتە تە، من تۆ ل بن دارهژیرێ دیتی، تە باوەری ئینا؟ تۆ دێ ژ ڤێ مەزنتر بینی.»

مزگینیا یوحەننای 10:1

«ب راستی ب راستی دبێژمە هەوە: ئەوێ د دەرگەهی را نەچیتە د كۆتانا پەزی ڤە، لێ د رێكەكا دی را سەربكەڤیت، ئەو دز و رێگرە.

مزگینیا یوحەننای 10:7

لەوما دیسان عیسای گۆتە وان: «ب راستی ب راستی دبێژمە هەوە: ئەزم دەرگەهێ پەزی.

مزگینیا یوحەننای 13:16

ب راستی ب راستی دبێژمە هەوە: بەنی ژ خودانێ خۆ مەزنتر نینە، هنارتی ژی ژ وی مەزنتر نینە یێ ئەو هنارتی.

مزگینیا یوحەننای 13:38

عیسای بەرسڤ دا: «تۆ دێ ژیانا خۆ گۆری من كەی؟ ب راستی ب راستی دبێژمە تە: بەری دیكل بانگ بدەت، تۆ دێ سێ جاران من ماندەل كەی.»

مزگینیا یوحەننای 14:12

ب راستی ب راستی دبێژمە هەوە: یێ باوەریێ ب من بینیت، دێ وان كاران كەت یێن ئەز دكەم و دێ كارێن ژ وان مەزنتر ژی كەت، چنكو ئەز دێ چمە نك بابی.

مزگینیا یوحەننای 16:20

ب راستی ب راستی دبێژمە هەوە: هوین دێ گرین و شینیێ دانن، لێ جیهان دێ شادیێ كەت. هوین دێ خەمگین بن، لێ خەمگینیا هەوە دێ بیتە شادی.

مزگینیا یوحەننای 16:23

د وێ رۆژێ دا، هوین پرسیارا چ تشتی ژ من ناكەن. ب راستی ب راستی دبێژمە هەوە: هەر تشتێ هوین ب ناڤێ من ژ بابی بخوازن، دێ دەتە هەوە.

مزگینیا یوحەننای 21:18

ب راستی ب راستی دبێژمە تە: دەمێ تۆ یێ گەنج، تە كەمەرا خۆ گرێ ددا و هەر جهێ تە دڤیا تۆ دچوویێ. لێ دەمێ تۆ پیر دبی، دێ دەستێن خۆ درێژ كەی و ئێك دێ كەمەرا تە گرێ دەت و دێ تە بەتە وی جهی یێ تە نەڤێت بچیێ.»

مزگینیا یوحەننای 3:3

عیسای بەرسڤا وی دا و گۆتێ: «ب راستی ب راستی دبێژمە تە: كەس نەشێت پاشایەتیا خودێ ببینیت، ئەگەر جارەكا دی ژ دایك نەبیتەڤە.»

مزگینیا یوحەننای 3:5

عیسای بەرسڤا وی دا: «ب راستی ب راستی دبێژمە تە: كەس نەشێت بچیتە د پاشایەتیا خودێ دا ئەگەر ژ ئاڤێ و گیانی ژ دایك نەبیت.

مزگینیا یوحەننای 5:19

ئینا عیسای بەرسڤا وان دا و گۆتێ: «ب راستی ب راستی دبێژمە هەوە: كوڕ نەشێت چ تشتان ژ نك خۆ بكەت، لێ ئەو وێ دكەت یا كو دبینیت باب دكەت. هەر تشتەكێ باب بكەت، كوڕ ژی دكەت.

مزگینیا یوحەننای 5:27

دەستهەلات یا دایێ دادگەهكرنێ ژی بكەت، چنكو ئەو كوڕێ مرۆڤە.

مزگینیا یوحەننای 6:26

عیسای بەرسڤا وان دا: «ب راستی ب راستی دبێژمە هەوە: هوین ل من دگەڕیێن، نە ژ بەر كو هەوە نیشان دیتن، لێ چنكو هەوە ژ وی نانی خوار و هوین تێر بوون.

مزگینیا یوحەننای 6:32

ئینا عیسای گۆتە وان: «ب راستی ب راستی دبێژمە هەوە: ئەو نە مووسا بوو یێ كو نان ژ ئەسمانی دایە هەوە، لێ بابێ من بوو. نوكە ژی ئەو نانێ راستەقینە ژ ئەسمانی ددەتە هەوە.

مزگینیا یوحەننای 6:47

ب راستی ب راستی دبێژمە هەوە: ئەوێ باوەریێ ب من بینیت، وی ژیانا هەروهەر هەیە.

مزگینیا یوحەننای 6:53

ئینا عیسای گۆتە وان: «ب راستی ب راستی دبێژمە هەوە: ئەگەر هوین لەشێ كوڕێ مرۆڤ نەخۆن و خوینا وی ڤەنەخۆن، هەوە ژیان د ناخێ خۆ دا نینە.

مزگینیا یوحەننای 8:34

عیسای بەرسڤا وان دا: «ب راستی ب راستی دبێژمە هەوە: هەر كەسێ گونەهێ دكەت، ئەو بەنیێ گونەهێیە.

مزگینیا یوحەننای 8:51

ب راستی ب راستی دبێژمە هەوە: یێ پەیڤا من ب ج‍‌ھ بینیت، چ جاران مرنێ نابینیت.»

مزگینیا یوحەننای 8:58

عیسای گۆتە وان: «ب راستی ب راستی دبێژمە هەوە: بەری ئیبراهیم ببیت، ئەز هەمە.»

كارێن هنارتیان 10:11

دیت ئەسمانێ ڤەكریە و تشتەكێ وەكو چارچەڤەكا مەزن یێ داددەت، ژ هەر چوار كوژیان ڤە یێ گرتییە و یێ شۆڕ دبیتە سەر ئەردی.

كارێن هنارتیان 7:56

گۆت: «ئەڤە ئەز یێ ئەسمانی ڤەكری دبینم و كوڕێ مرۆڤ یێ ل دەستێ خودێ یێ راستێ راوەستیایە!»

2 سالونیكی 1:7

بەرفرەهیێ ژی بدەتە هەوە، ئەوێن هوین د تەنگاڤیێ دا، هەروەسا بدەتە مە ژی، دەمێ خودان عیسا ل گەل فریشتەیێن خۆ یێن بهێز ژ ئەسمانی دیار دبیت

2 سالونیكی 1:9

سزایێ وان دێ وێرانبوونا هەتا هەتایی بیت، دویر ژ رویێ خودانی و ژ مەزناهیا هێزا وی.

1 تیمۆتاوس 3:16

بێگۆمان، نهێنیا خودێپەرێسیا راستەقینە یا مەزنە: ئەو ب لەشی دیار بوو، ژ لایێ گیانێ پیرۆز ڤە راستدار هاتە دەرئێخستن، ژ لایێ فریشتەیان ڤە هاتە دیتن، مزگینیا وی د ناڤ مللەتان دا هاتە راگەهاندن، د جیهانێ دا باوەری پێ هاتە ئینان و د مەزناهیێ دا هاتە بلندكرن.

عیبرانی 1:14

ما هەمی فریشتە گیانێن خزمەتكار نینن، ژ پێخەمەت خزمەتكرنا وان دهێنە هنارتن، یێن كو دێ قورتالبوونێ وەكو میرات وەرگرن؟

یەهودا 1:14

حەنۆخی ژی، كو پشتی ئادەمی بابكێ حەفتێ بوو، پەیاما خودێ دەربارەی ڤان كەسان راگەهاندیە و گۆتیە: «ئەڤە خودان د ناڤ هزارەهان پیرۆزكریێن خۆ دا یێ دهێت،

ئاشكراكرن 19:11

پشتی هنگی من بەرێ خۆ دایێ ئەسمان ڤەبوو و ئەڤە هەسپەكێ سپی یێ ل وێرێ! سیارێ وی ب ‹دلسۆز› و ‹یێ راست› دهێتە بناڤكرن و ئەو ب دادپەروەری حوكمی دكەت و دجەنگیت.

ئاشكراكرن 4:1

پشتی ڤان تشتان، من بەرێ خۆ دایێ، ئەڤە دەرگەهەك ل ئەسمانی یێ ڤەكری بوو! ئەو دەنگێ من ل بەراهیێ بهیستی یێ وەكو دەنگێ بۆڕیزانێ ل گەل من ئاخفتی، گۆت: «سەر بكەڤە ڤێرێ و ئەز دێ وان تشتان نیشا تە دەم یێن كو دڤێت پشتی ڤان تشتان روی بدەن.»