مزگینیا یوحەننای 1:34 - ئنجیلا پیرۆز

³⁴ من ژی دیت و شاهدەیی دا، كو ئەڤەیە كوڕێ خودێ.»

مزگینیا یوحەننای 1:34 ပူးပေါင်းရင်းမြစ်များ

مزگینیا مەتتای 11:27

هەمی تشت ژ لایێ بابێ من ڤە بۆ من یێن هاتینە دان. كەس كوڕی ناس ناكەت ژبلی بابی، كەس بابی ژی ناس ناكەت ژبلی كوڕی و هەر كەسێ كوڕی بڤێت بابی بۆ وی ئاشكرا بكەت.

مزگینیا مەتتای 16:16

ئینا شەمعون پەترۆسی بەرسڤا وی دا و گۆت: «تۆ مەسیحی، كوڕێ خودایێ زیندی.»

مزگینیا مەتتای 17:5

هێشتا ئەو دئاخفت، وەسا چێبوو عەورەكێ رۆناهیدار سیبەر ل وان كر و دەنگەك ژ عەوری هات و گۆت: «ئەڤەیە كوڕێ من یێ خۆشتڤی، ئەوێ دلێ من پێ خۆش بووی، گوهێ خۆ بدەنێ!»

مزگینیا مەتتای 26:63

لێ عیسا بێدەنگ ما. سەرۆككاهنی گۆتێ: «ئەز تە ب خودایێ زیندی ددەمە سویندێ، بێژە مە: ئەرێ تۆی مەسیحێ كوڕێ خودێ؟»

مزگینیا مەتتای 27:40

و دگۆت: «هەی ئەوێ دا پەرستگەهێ د سێ رۆژان دا هەڕفینیت و ئاڤا كەتەڤە، خۆ قورتال بكە! ئەگەر تۆ كوڕێ خودێی ژ خاچێ وەرە خوار!»

مزگینیا مەتتای 27:43

خۆ ب هیڤیا خودێ ڤە هێلا، ئەگەر خودێ ئەو بڤێت، بلا نوكە وی قورتال بكەت، چنكو وی گۆتبوو: ‹ئەز كوڕێ خودێمە!›»

مزگینیا مەتتای 27:54

دەمێ سەرلەشكەری و ئەوێن د گەل دا زێرەڤانیا عیسای دكر، ئەو بیڤەلەرز و هەمی تشتێن رویدای دیتین، ترسەكا مەزن گرتن و گۆتن: «ب راستی، ئەڤە كوڕێ خودێ بوو.»

مزگینیا مەتتای 3:17

و دەنگەكی ژ ئەسمانان گۆت: «ئەڤەیە كوڕێ من یێ خۆشتڤی، ئەوێ دلێ من پێ خۆش بووی!»

مزگینیا مەتتای 4:3

تاقیكەر هاتە نك وی و گۆتێ: «ئەگەر تۆ كوڕێ خودێی، بێژە ڤان بەران ببنە نان!»

مزگینیا مەتتای 4:6

و گۆتێ: «ئەگەر تۆ كوڕێ خودێی، خۆ بهاڤێژە خوارێ، چنكو یا هاتیە نڤیسین: ‹ئەو دێ دەربارەی تە فەرمانێ ل فریشتەیێن خۆ كەت و دێ تە ل سەر دەستێن خۆ هەلگرن، نەكو پێیێ تە ب بەرەكی بكەڤیت›.»

مزگینیا مەتتای 8:29

ژ نشكەكێ ڤە كرنە گازی و گۆتن: «تە چ ژ مە دڤێت، عیسایێ كوڕێ خودێ؟ ئەرێ تۆ بەری دەمێ دەستنیشانكری هاتی، دا مە ئەشكەنجە بدەی؟»

مزگینیا مەرقۆسی 1:1

ئەڤەیە دەستپێكا مزگینیا عیسایێ مەسیحێ كوڕێ خودێ.

مزگینیا مەرقۆسی 1:11

و دەنگەك ژ ئەسمانان هات و گۆت: «تۆ كوڕێ منی یێ خۆشتڤی، دلێ من ب تە یێ خۆش بووی.»

مزگینیا لوقای 1:35

فریشتەی گۆتێ: «گیانێ پیرۆز دێ دادەتە سەر تە و شیانا یێ هەری بلند دێ سیبەرێ ل تە كەت. ژ بەر هندێ ئەو پیرۆزێ ژ تە دبیت دێ بێژنێ كوڕێ خودێ.

مزگینیا لوقای 3:22

و گیانێ پیرۆز ب شێوەیێ لەشەكێ وەكو كووترەكێ هاتە خوار و ل سەر وی دادا و دەنگەك ژ ئەسمانی هات و گۆت: «تۆ كوڕێ منی یێ خۆشتڤی، دلێ من ب تە یێ خۆش بووی.»

مزگینیا یوحەننای 1:18

كەسێ چ جاران خودێ نەدیتیە، لێ كوڕێ ئێكانە، كو ئەو ب خۆ ژی خودێیە، ئەوێ د هەمبێزا بابی دا، ئەوی خودێ یێ دایە نیاسین.

مزگینیا یوحەننای 1:49

ناتانائێلی بەرسڤا وی دا: «رابی، تۆ كوڕێ خودێی، تۆ پاشایێ ئیسرائیلێی!»

مزگینیا یوحەننای 10:30

ئەز و باب ئێكین.»

مزگینیا یوحەننای 10:36

ئەڤجا ئەوێ بابی پیرۆز كری و بۆ جیهانێ هنارتی، هوین چەوا دبێژنە وی: ‹تۆ كوفریان دكەی،› چنكو من گۆت: ‹ئەز كوڕێ خودێمە›؟

مزگینیا یوحەننای 11:27

وێ گۆتێ: «بەلێ خودان، من باوەریا ئینای كو تۆ مەسیحێ كوڕێ خودێی، ئەوێ دهێتە جیهانێ.»

مزگینیا یوحەننای 19:7

جوهیان بەرسڤا وی دا: «مە دەستوورەكێ هەی و ل دویڤ وی دەستووری دڤێت ئەو بمریت، چنكو وی یێ خۆ كریە كوڕێ خودێ.»

مزگینیا یوحەننای 20:28

ئینا توماسی بەرسڤا وی دا و گۆت: «خودانێ من و خودایێ من!»

مزگینیا یوحەننای 20:31

لێ ئەڤە هاتنە نڤیسین دا هوین باوەریێ بینن كو عیسایە مەسیحێ كوڕێ خودێ و هەوە ب رێكا وێ باوەریێ ژیان ب ناڤێ وی هەبیت.

مزگینیا یوحەننای 6:69

مە ژی باوەری ئینا و زانی كو تۆی پیرۆزێ خودێ!»

رۆما 1:4

و ل گۆر گیانێ پیرۆزیێ، ب رابوونا وی ژ ناڤ مریان، ب هێزێ وەكو كوڕێ خودێ هاتیە دیاركرن. ئەو خودانێ مە عیسایێ مەسیحە.

2 كورنتۆس 1:19

كوڕێ خودێ، عیسایێ مەسیح، ئەوێ من و سیلاسی و تیمۆتاوسی د ناڤ هەوە دا دایە نیاسین، «بەلێ» و «نە» نەبوو، لێ د ئێكبوونا ل گەل وی دا ب تنێ «بەلێ» یا هەی.

عیبرانی 7:3

ئەو یێ بێ باب، بێ دایك و بێ بنیاتە. نە دەستپێكا رۆژێن وی، نە ژی دویماهیا ژیانێ هەیە، لێ ئەو وەكو كوڕێ خودێیە و هەتا هەتایێ دمینیت كاهن.

1 یوحەننا 2:23

هەر كەسێ كوڕی ماندەل بكەت، وی بەهر د بابی دا نینە، لێ یێ دانپێدانێ ب كوڕی بكەت، بەهر د بابی ژی دا هەیە.

1 یوحەننا 3:8

یێ گونەهان دكەت، ئەو ژ ئبلیسیە، چنكو ئبلیس هەر ژ دەستپێكێ وەرە گونەهێ دكەت. كوڕێ خودێ ژ بەر هندێ یێ دیار بووی، دا كارێن ئبلیسی ژ ناڤ ببەت.

1 یوحەننا 4:9

هۆسا حەزژێكرنا خودێ د ناڤ مە دا دیار بوو: خودێ كوڕێ خۆ یێ ئێكانە هنارتە جیهانێ، داكو ئەم ب وی بژین.

1 یوحەننا 5:20

دزانین ژی كو كوڕێ خودێ هاتیە و تێگەهشتن دایە مە، دا یێ راستەقینە بنیاسین. ئەم د ناڤ یێ راستەقینە داینە، د ناڤ كوڕێ خودێ عیسایێ مەسیح دا. ئەوە خودایێ راستەقینە و ژیانا هەروهەر.

2 یوحەننا 1:9

هەر كەسێ پێنگاڤێن زێدە بهاڤێژیت و د فێركرنا مەسیحی دا بنەج‍‌ھ نەبیت، وی بەهر د خودێ دا نینە. ئەوێ د وێ فێركرنێ دا بنەج‍‌ھ ببیت، وی بەهر یا د بابی دا و د كوڕی ژی دا هەی.

ئاشكراكرن 2:18

«بۆ فریشتەیێ جڤاكا باوەرداران ل تیاتیرایێ بنڤیسە: ‹كوڕێ خودێ، ئەوێ چاڤێن وی وەكو گوڕیا ئاگری و پێیێن وی وەكو برۆنزێ تەیساندی، ڤان تشتان دبێژیت: