چنكو ئەگەر مرنێ ژ بەر گونەها مرۆڤەكی و ب رێیا وی دەستهەلاتی كربیت، پا ئەوێن كەرەما خودێ یا زێدە و دیاریا راستداریێ وەردگرن، ب رێیا ئێكی، ئانكو ب عیسایێ مەسیح، دێ د ژیانێ دا چەند پتر دەستهەلاتێ كەن!
ب رێكا وی دەستویری بۆ مە هاتە دان، ب باوەریێ ئەم بچینە د ڤێ كەرەمێ ڤە، یا ئەم تێدا ئاكنجی، و شانازیێ ب وێ هیڤیێ دبەین، كو دێ مە پشكداری د مەزناهیا خودێ دا هەبیت.
گیانێ مەسیحی یێ د وان دا، پێشوەخت بۆ وان شاهدەیی ددا ل سەر ئازارێن مەسیحی و مەزناهیێن پشتی هنگی دێ هێن، وان ژی بزاڤ دكر كو بزانن كا كەنگی و د رەوشەكا چەوا دا دێ ئەڤ چەندە روی دەت.
ئەوێن ل دویڤ زانینا پێشوەخت یا خودایێ باب هاتینە هەلبژارتن و ب گیانێ پیرۆز هاتینە تەرخانكرن، دا گوهداریا عیسایێ مەسیح بكەن و ب خوینا وی بهێنە رەشاندن: كەرەم و ئاشتی ل سەر هەوە زێدە ببن.