مزگینیا یوحەننای 1:14 - ئنجیلا پیرۆز

¹⁴ پەیڤ ژی بوو لەش و د ناڤ مە دا ئاكنجی بوو، ئەو یێ پڕی كەرەم و راستی بوو. مە مەزناهیا وی دیت، مەزناهیا كوڕێ ئێكانەیێ بابی.

مزگینیا یوحەننای 1:14 ပူးပေါင်းရင်းမြစ်များ

مزگینیا مەتتای 1:16

و یەعقوب بابێ یوسڤێ هەڤژینێ مەریەمێ بوو، ئەوا عیسایێ كو دبێژنێ مەسیح ژێبووی.

مزگینیا لوقای 2:11

ئەڤرۆ ل باژێڕێ داوودی قورتالكەرەك بۆ هەوە یێ ژ دایك بووی، ئەو ژی مەسیحێ خودانە.

مزگینیا لوقای 2:7

وێ كوڕێ خۆ یێ نەخری بوو و د پێچكەكێ پێچا و د هافڕی دا رازاند، چنكو د خانی ڤە جهێ وان نەبوو.

مزگینیا لوقای 9:32

خەوێ چاڤێن پەترۆسی و یێن د گەل دا گران كربوون، لێ دەمێ باش هشیار بووین، مەزناهیا وی و هەردوو مرۆڤێن ل گەل وی راوەستیای دیتن.

مزگینیا یوحەننای 1:1

ل دەستپێكێ پەیڤ هەبوو. پەیڤ ل گەل خودێ بوو و پەیڤ خودێ بوو.

مزگینیا یوحەننای 11:40

عیسای گۆتێ: «ما من نەگۆتە تە: ئەگەر تۆ باوەریێ بینی، دێ مەزناهیا خودێ بینی؟»

مزگینیا یوحەننای 14:6

ئینا عیسای بەرسڤ دا: «ئەزم رێك و راستی و ژیان. كەس ناهێتە نك بابی، ئەگەر ب رێیا من نەبیت.

مزگینیا یوحەننای 14:9

عیسای بەرسڤا وی دا: «فیلیپۆس، ئەڤ دەمێ هندە درێژ ئەز ل گەل هەوە و هێشتا تە ئەز نەنیاسیمە؟ ئەوێ ئەز دیتیم، وی باب ژی یێ دیتی. چەوا تۆ دبێژیە من: ‹بابی نیشا مە بدە؟›

مزگینیا یوحەننای 17:22

ئەو مەزناهیا تە دایە من، من ژی دا وان، دا ئەو ببنە ئێك هەروەكو ئەز و تۆ ئێكین.

مزگینیا یوحەننای 17:24

باب، من دڤێت كو ئەوێن تە داینە من، ل گەل من بن، ل وی جهێ ئەز لێ بم، دا وێ مەزناهیا تە دایە من ببینن، چنكو بەری دامەزراندنا جیهانێ تە حەز ژ من كر.

مزگینیا یوحەننای 18:37

ئینا پیلاتۆسی گۆتێ: «ئانكو تۆ پاشای؟» عیسای بەرسڤا وی دا: «تە ب خۆ گۆت كو ئەز پاشامە. ئەز بۆ ڤێ چەندێ یێ ژ دایك بوویم و بۆ ڤێ چەندێ یێ هاتیمە جیهانێ، دا شاهدەییێ بۆ راستیێ بدەم. هەر كەسێ ژ راستیێ بیت، دێ گوهێ خۆ دەتە دەنگێ من.»

مزگینیا یوحەننای 2:11

عیسای ئەڤ تشتە ل قانایا جەلیلێ كر، ئەڤە نیشانا وی یا دەستپێكێ بوو. ئەوی هۆسا مەزناهیا خۆ دیار كر و شاگردێن وی باوەری پێ ئینا.

مزگینیا یوحەننای 3:16

خودێ هۆسا حەز ژ جیهانێ كر، كو وی كوڕێ خۆ یێ ئێكانە دایێ، داكو هەر كەسێ باوەریێ پێ بینیت ژ ناڤ نەچیت، لێ ژیانا هەروهەر هەبیت.

مزگینیا یوحەننای 3:18

ئەوێ باوەریێ پێ بینیت ناهێتە گونەهباركرن، لێ ئەوێ باوەریێ پێ نەئینیت، ئەو هەر ژ نوكە هاتیە گونەهباركرن، چنكو وی باوەری ب ناڤێ كوڕێ خودێ یێ ئێكانە نەئینا.

مزگینیا یوحەننای 6:51

ئەزم نانێ ژیانێ، یێ كو ژ ئەسمانی هاتیە خوار. ئەگەر ئێكی ژ ڤی نانی خوار، دێ هەتا هەتایێ ژیت. ئەو نانێ كو ئەز دێ بۆ ژیانا جیهانێ دەم، لەشێ منە.»

مزگینیا یوحەننای 8:32

و هوین دێ راستیێ زانن و راستی دێ هەوە ئازاد كەت.»

كارێن هنارتیان 13:33

وی بۆ مە، كوڕێن وان، ب ج‍‌ھ ئینا، دەمێ عیسا ژ مرنێ راكری. هەروەكو د زەبوورا دوویێ دا هاتیە نڤیسین: ‹تۆ كوڕێ منی، ئەڤرۆ من تۆ بووی.›

رۆما 8:3

ئەو تشتێ دەستووری ژ بەر لاوازیا سرۆشتێ لەشكانی یێ مرۆڤی نەشیای بكەت، خودێ ئەو كر: وی كوڕێ خۆ ب لەشەكێ وەكو لەشێ مە یێ گونەهكار هنارت بۆ كەفارەتا گونەهان، هۆسا وی گونە‍‌ھ د لەشی دا گونەهبار كر،

رۆما 9:5

بابكال یێن وانن و مەسیح ژی ل دویڤ لەشی ژ وان هاتیە، ئەوێ كو د سەر هەمی تشتان دایە و خودایێ هەروهەر هەژی پەسنێیە. ئامین.

1 كورنتۆس 15:47

مرۆڤێ ئێكێ ژ ئەردی بوو، ژ ئاخێ هاتبوو چێكرن. مرۆڤێ دوویێ ژ ئەسمانی.

2 كورنتۆس 12:9

لێ وی گۆتە من: «كەرەما من تێرا تە هەیە. چنكو هێزا من د لاوازیا مرۆڤی دا ب كاملی كار دكەت.» ئەڤجا ب هەمی دلخۆشی ئەز دێ شانازیێ ب لاوازیێن خۆ بەم، دا هێزا مەسیحی د من دا ئاكنجی ببیت.

گالاتیا 4:4

لێ گاڤا دەمێ دەستنیشانكری هاتی، خودێ كوڕێ خۆ هنارت، ئەو ژ ژنەكێ ژ دایك بوو و ل بن دەستهەلاتا دەستووری ژ دایك بوو،

ئەفەسۆس 3:8

هەر چەندە د ناڤ هەمی پیرۆزكریان دا ئەز ژ یێ هەری كێم كێمترم، لێ ئەڤ كەرەمە بۆ من هاتیە دان، دا مزگینیێ د ناڤ مللەتێن نەجوهی دا بەڵاڤ بكەم دەربارەی دەولەمەندیا مەسیحی یا بێ سنوور

كۆلۆسی 1:19

چنكو خودێ پێ خۆش بوو كو هەمی تژیاتیا وی د كەسایەتیا مەسیحی دا ئاكنجی ببیت

كۆلۆسی 2:3

ئەوێ د وی دا هەمی گەنجینەیێن ئاقلمەندی و زانینێ دڤەشارتینە.

كۆلۆسی 2:9

چنكو هەمی تژیاتیا خودایەتی، د مەسیحی دا یا ئاكنجیە، ب شێوەیەكێ لەشكانی.

1 تیمۆتاوس 3:16

بێگۆمان، نهێنیا خودێپەرێسیا راستەقینە یا مەزنە: ئەو ب لەشی دیار بوو، ژ لایێ گیانێ پیرۆز ڤە راستدار هاتە دەرئێخستن، ژ لایێ فریشتەیان ڤە هاتە دیتن، مزگینیا وی د ناڤ مللەتان دا هاتە راگەهاندن، د جیهانێ دا باوەری پێ هاتە ئینان و د مەزناهیێ دا هاتە بلندكرن.

عیبرانی 1:3

ئەو تیڕێژا مەزناهیا خودێیە و دەق و دەق وێنەیێ گەوهەرێ ویە، هەمی تشتێن د گەردوونێ دا ب پەیڤا خۆ یا هێزدار رێك دئێخیت. پشتی وی پاقژكرن بۆ گونەهێن مرۆڤان ئامادە كری، ل دەستێ راستێ یێ مەزناهیێ ل بلنداهیان روینشت.

عیبرانی 1:5

چنكو، ما خودێ جارەكێ گۆتیە فریشتەیەكی: «تۆ كوڕێ منی، ئەڤرۆ من تۆ بووی»؟ یان ژی: «ئەز دێ بمە بابێ وی و ئەو دێ بیتە كوڕێ من»؟

عیبرانی 10:5

لەوما دەمێ مەسیح هاتیە د جیهانێ دا گۆت: «تە قوربان و پێشكێشی نەڤیان، لێ تە لەشەك بۆ من ئامادەكر.

عیبرانی 2:11

چنكو ئەوێ پیرۆزكرنێ دكەت و ئەوێن دهێنە پیرۆزكرن، هەمی ژ ئێك بنیاتن، ژ بەر ڤێ ئەگەرێ ئەو شەرم ناكەت كو بێژیتە وان برا.

عیبرانی 5:5

هەروەسا مەسیحی ژی خۆ بۆ وێ پلەیا مەزناهیێ بلند نەكریە، كو ببیتە سەرۆككاهن، لێ وی بلند كریە یێ گۆتیێ: «تۆ كوڕێ منی، ئەڤرۆ من تۆ بووی.»

1 یوحەننا 4:14

مە دیتیە و ئەم شاهدەییێ ددەین كو بابی كوڕێ خۆ هنارت دا ببیتە قورتالكەرێ جیهانێ.

1 یوحەننا 4:9

هۆسا حەزژێكرنا خودێ د ناڤ مە دا دیار بوو: خودێ كوڕێ خۆ یێ ئێكانە هنارتە جیهانێ، داكو ئەم ب وی بژین.

2 یوحەننا 1:7

گەلەك كەسێن خاپینۆك ل جیهانێ بەڵاڤ بووینە، دانپێدانێ ناكەن كو عیسایێ مەسیح ب لەشی یێ هاتی. ئەڤەنە خاپینۆك و دژەمەسیح.

ئاشكراكرن 19:13

ب كوركەكێ د خوینێ هەلاندی یێ راپێچای بوو و ب ‹پەیڤا خودێ› هاتیە بناڤكرن.

ئاشكراكرن 21:3

من ژ تەختی دەنگەكێ بلند بهیست، دگۆت: «ئها ئەڤەیە، خیڤەتا خودێ د ناڤ مرۆڤان دا! ئەو دێ ل گەل وان ئاكنجی بیت و ئەو دێ بنە گەلێ وی و خودێ ب خۆ دێ ل گەل وان بیت و بیتە خودایێ وان.