مزگینیا یوحەننای 1:1 - ئنجیلا پیرۆز

¹ ل دەستپێكێ پەیڤ هەبوو. پەیڤ ل گەل خودێ بوو و پەیڤ خودێ بوو.

مزگینیا یوحەننای 1:1 ပူးပေါင်းရင်းမြစ်များ

مزگینیا مەتتای 1:23

«ئەڤە دێ كچا پاكیزە ب دووگیان كەڤیت و دێ كوڕەك بیت و دێ بێژنێ عەمانوئێل» و رامانا ڤی ناڤی ژی: «خودێ ل گەل مەیە.»

مزگینیا لوقای 24:53

و بەردەوام ل پەرستگەهێ بوون و پەسنا خودێ دكر.

مزگینیا یوحەننای 1:14

پەیڤ ژی بوو لەش و د ناڤ مە دا ئاكنجی بوو، ئەو یێ پڕی كەرەم و راستی بوو. مە مەزناهیا وی دیت، مەزناهیا كوڕێ ئێكانەیێ بابی.

مزگینیا یوحەننای 1:18

كەسێ چ جاران خودێ نەدیتیە، لێ كوڕێ ئێكانە، كو ئەو ب خۆ ژی خودێیە، ئەوێ د هەمبێزا بابی دا، ئەوی خودێ یێ دایە نیاسین.

مزگینیا یوحەننای 1:2

ئەو ل دەستپێكێ ل گەل خودێ بوو.

مزگینیا یوحەننای 16:28

ئەز ژ نك بابی دەركەفتم و هاتمە جیهانێ، ئەز دێ جیهانێ هێلم و جارەكا دی چمە نك بابی.»

مزگینیا یوحەننای 17:5

باب، نوكە من ل نك خۆ مەزن بكە، ب وێ مەزناهیا من بەری هەبوونا جیهانێ ل نك تە هەبوو.

مزگینیا یوحەننای 20:28

ئینا توماسی بەرسڤا وی دا و گۆت: «خودانێ من و خودایێ من!»

مزگینیا یوحەننای 8:58

عیسای گۆتە وان: «ب راستی ب راستی دبێژمە هەوە: بەری ئیبراهیم ببیت، ئەز هەمە.»

رۆما 9:5

بابكال یێن وانن و مەسیح ژی ل دویڤ لەشی ژ وان هاتیە، ئەوێ كو د سەر هەمی تشتان دایە و خودایێ هەروهەر هەژی پەسنێیە. ئامین.

ئەفەسۆس 3:9

و نەخشەیێ نهێنیێ بۆ هەمیان روهن بكەم، ئەو نهێنیا ب درێژاهیا سەردەمێن بەرێ، ل نك خودێ یێ هەمی تشت ئافراندین، مایە ڤەشارتی،

فیلیپی 2:6

عیسایێ مەسیح د بنیاتێ خۆ دا، خودێ بوو، وی نەڤیا یەكسانیا خۆ ل گەل خودێ بۆ بەرژەوەندیا خۆ ب كار بینیت،

كۆلۆسی 1:15

ئەو وێنەیێ وی خودێیە یێ كو ناهێتە دیتن، نەخریە، سەرۆكێ هەمی تشتێن ئافراندیە.

كۆلۆسی 1:17

ئەو هەبوو بەری هەمی تشت بهێنە ئافراندن و ب وی هەمی پێكڤە د گرێداینە.

1 تیمۆتاوس 3:16

بێگۆمان، نهێنیا خودێپەرێسیا راستەقینە یا مەزنە: ئەو ب لەشی دیار بوو، ژ لایێ گیانێ پیرۆز ڤە راستدار هاتە دەرئێخستن، ژ لایێ فریشتەیان ڤە هاتە دیتن، مزگینیا وی د ناڤ مللەتان دا هاتە راگەهاندن، د جیهانێ دا باوەری پێ هاتە ئینان و د مەزناهیێ دا هاتە بلندكرن.

تیتۆس 2:13

و چاڤەڕێی وێ رۆژا بەختەوەر بین یا ئەم ل هیڤیێ، كو دیاربوونا روومەتا خودایێ مەزن، قورتالكەرێ مە عیسایێ مەسیحە.

عیبرانی 13:8

عیسایێ مەسیح، دوهی و ئەڤرۆ و هەتا هەتایێ، وەكو خۆیە.

عیبرانی 7:3

ئەو یێ بێ باب، بێ دایك و بێ بنیاتە. نە دەستپێكا رۆژێن وی، نە ژی دویماهیا ژیانێ هەیە، لێ ئەو وەكو كوڕێ خودێیە و هەتا هەتایێ دمینیت كاهن.

2 پەترۆس 1:1

ژ من، شەمعون پەترۆس، بەنی و هنارتیێ عیسایێ مەسیح، بۆ وان یێن ب راستداریا خودێ، قورتالكەرێ مە عیسایێ مەسیح، باوەریەكا بهاگران یا وەكو یا مە وەرگرتی:

1 یوحەننا 5:20

دزانین ژی كو كوڕێ خودێ هاتیە و تێگەهشتن دایە مە، دا یێ راستەقینە بنیاسین. ئەم د ناڤ یێ راستەقینە داینە، د ناڤ كوڕێ خودێ عیسایێ مەسیح دا. ئەوە خودایێ راستەقینە و ژیانا هەروهەر.

1 یوحەننا 5:7

یێن شاهدەییێ ددەن سێنە:

ئاشكراكرن 1:11

وی دگۆت: «تشتێ تۆ دبینی د پەرتووكەكێ دا بنڤیسە و بۆ هەر حەفت جڤاكان بهنێرە: بۆ ئەفەسۆسێ و بۆ سمیرنایێ و بۆ پەرگامایێ و بۆ تیاتیرایێ و بۆ ساردیسێ و بۆ فیلادەلفیایێ و بۆ لاودیكیایێ.»

ئاشكراكرن 1:17

دەمێ من ئەو دیتی، ئەز وەكو ئێكێ مری كەفتمە بەر پێیێن وی. ئینا وی دەستێ خۆ یێ راستێ دانا سەر من و گۆت: «نەترسە، ئەزم یێ ئێكێ و یێ دویماهیێ

ئاشكراكرن 1:2

یوحەننای ژی ل دۆر هەمی تشتێن وی دیتین شاهدەیی دا، ئانكو بۆ پەیڤا خودێ و شاهدەییا عیسایێ مەسیح.

ئاشكراكرن 1:8

خودان خودێ دبێژیت: «ئەز ئەلفا و ئۆمێگامە، ئەوێ هەی و ئەوێ هەبوو و ئەوێ دێ هێت، هێزدارێ هەر تشتی.»

ئاشكراكرن 19:13

ب كوركەكێ د خوینێ هەلاندی یێ راپێچای بوو و ب ‹پەیڤا خودێ› هاتیە بناڤكرن.

ئاشكراكرن 2:8

«بۆ فریشتەیێ جڤاكا باوەرداران ل سمیرنایێ بنڤیسە: ‹ئەوێ ئێكێ و دویماهیێ، ئەوێ مری و زیندی بووی، ڤان تشتان دبێژیت:

ئاشكراكرن 21:6

هەروەسا گۆتە من: «ب ج‍‌ھ هات! ئەز ئەلفا و ئۆمێگامە، دەستپێك و دویماهیك. ئەز دێ بێ بەرامبەر ژ كانیا ئاڤا ژیانێ دەمە یێ تێهنی.

ئاشكراكرن 22:13

ئەز ئەلفا و ئۆمێگامە، یێ ئێكێ و یێ داویێ، دەستپێك و دویماهیك.»

ئاشكراكرن 3:14

«بۆ فریشتەیێ جڤاكا باوەرداران ل لاودیكیایێ بنڤیسە: ‹ئەوێ ب "ئامین" هاتیە بناڤكرن، شاهدێ دلسۆز و راست، سەرەكانیا ئافراندیێن خودێ، ڤان تشتان دبێژیت: