ئەفەسۆس 6:6 - ئنجیلا پیرۆز

⁶ نە ب وێ خزمەتێ یا ل بەر چاڤان دهێتە كرن، ب تنێ بۆ رازیكرنا مرۆڤان، لێ وە بكەن هەروەكو بەنیێن مەسیحی ژ دل حەزا خودێ ب ج‍‌ھ دئینن.

ئەفەسۆس 6:6 ပူးပေါင်းရင်းမြစ်များ

مزگینیا مەتتای 12:50

چنكو هەر كەسێ ب حەزا بابێ من یێ ل ئەسمانان بكەت، ئەوە خویشك و برا و دایكا من.»

مزگینیا مەتتای 7:21

نە هەر كەسەكێ بێژیتە من ‹خودان، خودان!› دێ چیتە د پاشایەتیا ئەسمانان دا، لێ ئەو دێ چیت یێ حەزا بابێ من یێ ل ئەسمانان ب ج‍‌ھ دئینیت.

مزگینیا مەرقۆسی 3:35

چنكو هەر كەسێ ب حەزا خودێ بكەت، ئەوە خویشك و برا و دایكا من.»

رۆما 6:17

لێ سوپاس بۆ خودێ كو هەر چەندە هوین بەنیێن گونەهێ بوون، لێ هەوە ژ هەمی دلێ خۆ گوهداریا وێ فێركرنێ كر، ئەوا هەوە وەرگرتی.

1 كورنتۆس 7:22

چنكو ئەو بەنیێ كو ژ لایێ خودانی ڤە هاتیە گازیكرن، ئەو ئازادكریێ خودانیە. هەروەسا یێ ئازاد ژی، ئەوێ هاتیە گازیكرن، ئەو بەنیێ مەسیحیە.

گالاتیا 1:10

ما هوین هزر دكەن ئەز نوكە ل رازیبوونا مرۆڤان دگەڕیێم، یان یا خودێ؟ ما ئەز بزاڤێ دكەم دا دلێ مرۆڤان خۆش بكەم؟ نەخێر! ئەگەر من هەر ڤیابا دلێ مرۆڤان خۆش كەم، ئەز بەنیێ مەسیحی نەدبووم.

ئەفەسۆس 5:17

لەوما خۆ مەژی هشك نەكەن، لێ تێبگەهن كا حەزا خودانی چیە.

فیلیپی 2:12

ئەڤجا گەلی خۆشتڤیێن من، كا چەوا هەوە هەرگاڤ گوهداری كریە، نە ب تنێ دەمێ ئەز ل نك هەوە، لێ نوكە هێشتا پتر، دەمێ كو ئەز نە ل نك هەوە، قورتالبوونا خۆ ب ترس و لەرز پێشڤە ببەن،

كۆلۆسی 1:9

ژ بەر ڤێ چەندێ ژی، هەر ژ رۆژا مە ئەڤە بهیستی، مە دەست ژ نڤێژكرنێ و داخوازكرنێ بۆ هەوە بەرنەدایە، كو هوین ژ زانینا حەزا خودێ، ب هەمی ئاقلمەندی و تێگەهشتنا روحانی، پڕ ببن،

كۆلۆسی 4:12

ئێپافراس ژی سڵاڤان ل هەوە دكەت، ئەو ژی ئێك ژ هەوەیە و بەنیێ مەسیح عیسایە، ئەو هەردەم ب نڤێژان ژ پێخەمەت هەوە خەباتێ دكەت، دا هوین ب كاملی و پشتڕاست ژ هەمی حەزا خودێ د خۆڕاگر بن.

1 سالونیكی 2:4

لێ كا چەوا خودێ ئەم پەسەند كرین كو مزگینیێ ب مە بسپێریت، ئەم وەسا دئاخڤین، نە دا خەلكی رازی كەین، لێ دا خودێ رازی كەین، ئەوێ دلێ مە تاقی دكەت.

1 سالونیكی 4:3

حەزا خودێ ژی ئەوە كو هوین د پیرۆز بن، ئانكو خۆ ژ دەهمەنپیسیێ بدەنە پاش.

عیبرانی 10:36

هوین د پێدڤی خۆڕاگریێنە، داكو پشتی هوین حەزا خودێ ب ج‍‌ھ دئینن، ئەوا سۆز پێ هاتیە دان وەرگرن.

عیبرانی 13:21

هەوە ب هەر تشتەكێ باش ئامادە بكەت، دا هوین حەزا وی ب ج‍‌ھ بینن. بلا كارێ ب دلێ خۆ ب رێیا عیسایێ مەسیح د مە دا بكەت، هەتا هەتایێ مەزناهی بۆ وی بیت. ئامین.

1 پەترۆس 2:15

چنكو حەزا خودێ ئەڤەیە: ب كرنا باشیێ دەنگێ نەزانینا كەسێن دەبەنگ مت كەن.

1 پەترۆس 4:2

داكو ئەو ژیێ وی ئەوێ د لەشی دا مای، نە ل دویڤ حەزێن مرۆڤكانی، لێ ل دویڤ حەزا خودێ بژیت.

1 یوحەننا 2:17

جیهان دچیت و ئارەزوویێن وێ ژی، لێ یێ حەزا خودێ ب ج‍‌ھ دئینیت، ئەو دێ هەتا هەتایێ مینیت.