ئەفەسۆس 6:20 - ئنجیلا پیرۆز

²⁰ ئەو مزگینیا كو ئەز ژ پێخەمەت وێ، بالیۆزەكێ زنجیركریمە. نڤێژان بكەن كو ئەز ب وێرەكی راگەهاندنێ بۆ وێ بكەم، كا چەوا پێدڤیە ئەز بێژم.

ئەفەسۆس 6:20 ပူးပေါင်းရင်းမြစ်များ

كارێن هنارتیان 21:33

وی دەمی فەرماندە نێزیكی وی بوو، ئەو گرت و فەرمان دا، كو ب دوو زنجیران بهێتە قەیدكرن، پاشی پرسیار كر كا ئەو كیە و چ كریە.

كارێن هنارتیان 26:29

پاولۆسی گۆت: «چ كورت یان درێژ، ئەز هیڤی ژ خودێ دكەم، نە ب تنێ تۆ، لێ هەمیێن ئەڤرۆ من دبهیسن، وەكو من لێ بهێن، ژبلی ڤان قەیدان!»

كارێن هنارتیان 28:20

لەوما من هوین داخواز كرن كو هەوە ببینم و ل گەل هەوە بئاخڤم، چنكو ژ بەر هیڤیا ئیسرائیلێ، ئەز ب ڤێ زنجیرێ یێ گرێدایمە.»

كارێن هنارتیان 28:31

ئەوی ب وێرەكی و بێی كو كەس ئاستەنگان بۆ وی چێكەت مزگینیا پاشایەتیا خودێ رادگەهاند و دەربارەی خودان عیسایێ مەسیح فێركرن دكر.

كارێن هنارتیان 5:29

پەترۆس و هنارتیان بەرسڤ دا: «پێدڤیە گوهداریا خودێ بهێتە كرن نە یا مرۆڤان!

2 كورنتۆس 3:12

ئەڤجا مادەم مە هیڤیەكا هۆسا هەیە، ئەم ب وێرەكیەكا مەزن رەفتارێ دكەین،

2 كورنتۆس 5:20

ئەڤجا ئەم بالیۆزێن مەسیحینە، هەروەكو خودێ ب رێكا مە داخوازێ دكەت. ئەم وەكو نوینەرێن مەسیحی هیڤی دكەین: ل گەل خودێ ئاشت ببن.

ئەفەسۆس 3:1

ژ بەر ڤێ چەندێ ئەز، پاولۆس، یێ ژ پێخەمەت هەوە یێن نەجوهی ژ بەر مەسیح عیسای زیندانیمە…

ئەفەسۆس 4:1

ئەڤجا ئەز، كو ژ بەر خودانی هاتیمە زیندانكرن، هیڤی ژ هەوە دكەم كو هوین ب شێوەیەكی بژین، یا هەژی وێ گازیكرنێ بیت، ئەوا هوین بۆ هاتینە گازیكرن.

ئەفەسۆس 6:19

و بۆ من ژی بكەن، داكو دەمێ ئەز بئاخڤم، ئاخفتن بۆ من بهێتە دان، دا ئەز ب وێرەكی نهێنیا مزگینیێ رابگەهینم،

فیلیپی 1:20

هیڤی و چاڤەڕێیا من ئەوە كو ئەز د چ تشتی دا نەهێمە شەرمزاركرن، لێ ب هەمی وێرەكی، نوكە ژی وەكو هەر جار، مەزناهیا مەسیحی ب رێكا لەشێ من دیار ببیت، چ ب ژیانا من بیت یان ژی ب مرنا من.

فیلیپی 1:7

بۆ من دروستە كو ئەز ڤێ هزرێ دەربارەی هەوە هەمیان بكەم، چنكو هوین یێ د دلێ من دا. هوین هەمی د كەرەما خودێ دا هەڤپشكێن منن، د گرتنا من دا، هەروەسا د بەرگریكرن و سەلماندنا مزگینیێ دا.

كۆلۆسی 4:3

د هەمان دەم دا، بۆ مە ژی نڤێژان بكەن، دا خودێ ژ پێخەمەت پەیاما خۆ دەرگەهەكی بۆ مە ڤەكەت، داكو ئەم نهێنیا مەسیحی رابگەهینین، ئەوا ئەز ژ بەر وێ هاتیمە زیندانكرن.

كۆلۆسی 4:4

نڤێژان بكەن، كو ئەز ڤێ نهێنیێ ب زەڵالی رابگەهینم، هەروەكو پێدڤیە ئەز بێژم.

1 سالونیكی 2:2

لێ هەروەكو هوین دزانن، ل پێشیێ ل فیلیپی ئەم هاتینە ئازاردان و كرێتكرن، سەرەڕای هندێ مە ب خودایێ خۆ وێرەكی هەبوو كو د ناڤ بەرهنگاریەكا دژوار دا، مزگینیا خودێ بۆ هەوە رابگەهینین.

2 تیمۆتاوس 1:16

بلا خودان دلۆڤانیێ ب مالا ئۆنیسیفورۆسی ببەت، چنكو وی گەلەك جاران بێهنا من فرە‍‌ھ كر و شەرم ب قەیدێن من نەكر،

2 تیمۆتاوس 2:9

ئەوا ژ بەر وێ ئەز ئازارێ دكێشم، تاكو وی رادەی هاتیمە قەیدكرن وەكو تاوانبارەكی. لێ پەیڤا خودێ نەهاتیە قەیدكرن.

فلیمون 1:10

دەربارەی كوڕێ خۆ ئۆنیسیمۆسی هیڤی ژ تە دكەم، ئەوێ ئەز د قەیدێ دا بۆ وی بوویمە باب.

فلیمون 1:9

لێ بۆ من خۆشترە كو ئەز ب حەزژێكرنێ هیڤیێ ژ تە بكەم. ئەز، پاولۆسێ پیرەمێر و نوكە ژی یێ زیندانكری ژ پێخەمەت مەسیح عیسای،

1 یوحەننا 3:16

ئەم ب ڤێ چەندێ حەزژێكرنێ دزانین: عیسای ژیانا خۆ ژ پێخەمەت مە دانا. ئەڤجا پێدڤیە ئەم ژی ژیانا خۆ ژ پێخەمەت خویشك و برایان بدانین.

یەهودا 1:3

گەلی خۆشتڤیان، هەر چەندە من ب مەرەق دڤیا دەربارەی قورتالبوونا مە یا هەڤپشك بۆ هەوە بنڤیسم، لێ من ب فەر دیت كو ئەز بۆ هەوە نامەیەكێ بنڤیسم، تێدا هیڤی ژ هەوە بكەم كو هوین ژ پێخەمەت وێ باوەریێ خەباتێ بكەن، ئەوا ب جارەكێ و بۆ هەروهەر بۆ پیرۆزكریان هاتیە دان.