ئەفەسۆس 6:12 - ئنجیلا پیرۆز

¹² چنكو جەنگا مە نە دژی مرۆڤانە، لێ دژی سەروەرانە، دژی دەستهەلاتدارانە، دژی حوكمدارێن تاریاتیێیە كو د ڤی سەردەمی دا حوكمی ل جیهانێ دكەن، دژی لەشكەرێن روحانی یێن خرابیێیە ل جهێن ئەسمانی.

ئەفەسۆس 6:12 ပူးပေါင်းရင်းမြစ်များ

مزگینیا مەتتای 16:17

عیسای بەرسڤ دا و گۆتە وی: «خوزیكێن تە، شەمعونێ كوڕێ یۆنای! چنكو چ خوین و گۆشتان ئەڤە بۆ تە دیار نەكریە، لێ بابێ منێ ل ئەسمانان.

مزگینیا مەرقۆسی 4:19

لێ خەمێن ڤێ جیهانێ و خاپاندنا دەولەمەندیێ و حەزژێكرنا تشتێن دی دكەڤیتە د ناڤ وان دا و پەیڤێ دفەتسینن و پەیڤ بێ بەرهەم دبیت.

مزگینیا لوقای 13:24

«خەباتێ بكەن دا د دەرگەهێ تەنگ را بچنە ژۆر. ئەز دبێژمە هەوە: گەلەك دێ بزاڤێ كەن بچنە ژۆر، لێ ئەو نەشێن.

مزگینیا لوقای 22:53

هەر رۆژ ئەز ل پەرستگەهێ د ناڤ هەوە دا بووم، هەوە دەستێ خۆ درێژ نەكرە من. لێ ئەڤەیە دەمێ هەوە و دەستهەلاتا تاریستانێ.»

مزگینیا یوحەننای 12:31

نوكە دەمێ دادكرنێیە ل سەر ڤێ جیهانێ، نوكە سەرۆكێ ڤێ جیهانێ دێ بۆ ژ دەرڤە هێتە دەرئێخستن.

مزگینیا یوحەننای 14:30

ئێدی ئەز ل گەل هەوە گەلەك نائاخڤم، چنكو سەرۆكێ ڤێ جیهانێ یێ دهێت. ئەوی چ ل سەر من نینە.

مزگینیا یوحەننای 16:11

دەربارەی دادكرنێ، چنكو سەرۆكێ ڤێ جیهانێ هاتە گونەهباركرن.

كارێن هنارتیان 26:18

دا چاڤێن وان ڤەكەی كو ئەو ژ تاریاتیێ بۆ رۆناهیێ و ژ دەستهەلاتداریا ئبلیسی بۆ خودێ بزڤڕن، دا ئەو لێبورینا گونەهان وەربگرن و بەهرەك هەبیت ل گەل ئەو كەسێن ب رێكا باوەری ئینانێ ب من هاتینە پیرۆزكرن.›

رۆما 8:38

چنكو ئەز یێ پشتڕاستم كو نە مرن، نە ژیان، نە فریشتە، نە سەروەر، نە تشتێن هەیی، نە تشتێن دێ هێن، نە هێز،

1 كورنتۆس 15:50

ئەز ڤێ دبێژم، گەلی خویشك و برایان: خوین و گۆشت نەشێن ببنە میراتگرێن پاشایەتیا خودێ، نە ژی یێ درزیت دبیتە میراتگرێ یێ نارزیت.

2 كورنتۆس 11:14

ئەڤە ژی نە تشتەكێ سەیرە، چنكو ئبلیس ب خۆ ژی وێنەیێ خۆ دگوهۆڕیت كو وەكو فریشتەیێ رۆناهیێ لێ بهێت.

2 كورنتۆس 4:4

چنكو خوداوەندێ ڤێ جیهانێ زێهنێ بێباوەران كۆرە كریە، داكو رۆناهیا مزگینیا رەونەقیا مەسیحێ كو وێنەیێ خودێیە، نەبینن.

گالاتیا 1:16

كو كوڕێ خۆ بۆ من ئاشكرا بكەت، دا وی د ناڤ مللەتێن نەجوهی دا بدەمە نیاسین، هنگی من شیرەتا خۆ ب چ مرۆڤان نەكر،

ئەفەسۆس 1:21

ئەو هاتە دانان ل سەر هەر سەروەری، دەستهەلاتی، هێز، خودانەتی و هەر ناڤەكێ دی یێ هەبیت، نە ب تنێ د ڤێ جیهانێ دا، لێ د جیهانا دی ژی دا.

ئەفەسۆس 1:3

مەزناهی بۆ خودێ، بابێ خودانێ مە عیسایێ مەسیح، كو وی ب ئێكبوونا ل گەل مەسیحی، ب هەر بەرەكەتەكا روحانی د جهێن ئەسمانی دا، ئەم بەرەكەتدار كرین.

ئەفەسۆس 2:2

دەمێ هەوە ژیانا خۆ ل دویڤ چەرخا ڤێ جیهانێ بڕێڤە دبر، ل دویڤ سەروەرێ دەستهەلاتا بەرگەبای، ئەو گیانێ نوكە د ناڤ مرۆڤێن نەگوهدار دا كار دكەت.

ئەفەسۆس 3:10

دا نوكە ئاقلمەندیا خودێ یا هەمەجۆر، ب رێكا جڤاكا باوەرداران، ل نك سەروەر و دەستهەلاتدارێن ل جهێن ئەسمانی بهێتە زانین.

كۆلۆسی 1:13

ئەوی ئەم ژ دەستهەلاتا تاریاتیێ قورتال كرین و بۆ پاشایەتیا كوڕێ خۆ یێ خۆشتڤی ڤەگوهاستین،

كۆلۆسی 2:15

سەروەر و دەستهەلاتدار ژ چەك كرن و ل بەر چاڤێن هەمیان شەرمزار كرن، ب رێكا خاچێ سەركەفتن ل سەر وان ئینا.

2 تیمۆتاوس 2:5

وەرزشڤان ژی تانجا سەركەفتنێ نابەت، ئەگەر ل دویڤ یاسایێ بەریكانێ نەكەت.

عیبرانی 12:1

لەوما، مادەم ئەم ب جەماوەرەكێ هۆسا مەزن یێ شاهدان د دەور داینە، دا هەر بارەكی و گونەهێن ب ساناهی د مە دئالیێن، بهاڤێژین و د وێ غاردانێ دا یا ل بەر مە هاتیە دانان، ب خۆڕاگری بكەینە غار.

عیبرانی 12:4

د خەباتا دژی گونەهێ دا، هێشتا هەوە تا خوینێ بەرخۆدان نەكریە.

1 پەترۆس 3:22

ئەوێ چوویە ئەسمانی و ل دەستێ راستێ یێ خودێیە، فریشتە و دەستهەلاتدار و هێز ملكەچێن وینە.