ئەفەسۆس 6:10 - ئنجیلا پیرۆز

¹⁰ ل دویماهیێ، ب خودانی و ب هێزا وی یا مەزن، خۆ ب هێز بئێخن.

ئەفەسۆس 6:10 ပူးပေါင်းရင်းမြစ်များ

1 كورنتۆس 16:13

بمیننە هشیار، د باوەریێ دا د خۆڕاگر بن، د مێر بن و د هێزدار بن.

2 كورنتۆس 13:11

ل دویماهیێ گەلی خویشك و برایان، د دلخۆش بن، خۆ راستڤە كەن، ئێكودوو هان بدەن، هەڤهزر بن، ب ئاشتیێ بژین، ئەڤجا خودایێ حەزژێكرنێ و ئاشتیێ دێ ل گەل هەوە بیت.

ئەفەسۆس 1:19

و كا مەزناهیا هێزا وی یا بێ سنوور چیە، یا ژ بۆ مە یێن باوەردار ل دویڤ هێز و شیانا وی كار دكەت.

ئەفەسۆس 3:16

ئەز هیڤی ژێ دكەم كو ئەو ل دویڤ دەولەمەندیا مەزناهیا خۆ هێزێ بدەتە هەوە، كو هوین ب گیانێ وی د ناخێ خۆ دا خورت ببن،

فیلیپی 3:1

ل دویماهیێ گەلی خویشك و برایان، ب خودانی دلخۆش ببن. بۆ من بارگرانی نینە ئەز دووبارە ئەڤان تشتان بۆ هەوە بنڤیسم و بۆ هەوە ئێمناهیە.

فیلیپی 4:13

ئەز دشێم هەمی تشتان بكەم، ب رێكا وی یێ من بهێز دئێخیت.

فیلیپی 4:8

ل دویماهیێ گەلی خویشك و برایان، هەر تشتێ راستی، هەر تشتێ بڕێز، هەر تشتێ دادپەروەر، هەر تشتێ پاك، هەر تشتێ دلڤەكەر، هەر تشتێ ناڤودەنگەكێ باش هەی، چ ئەو تشت قەنجی بیت، یان ژی تشتەكێ هەژی پەسنێ بیت، هزرێ تێدا بكەن.

كۆلۆسی 1:11

ب هەمی هێزا د شیانا مەزناهیا وی دا هەی، بهێز بكەڤن، دا هوین د هەمی تشتان دا د بێهنفرە‍‌ھ و خۆڕاگر بن و ب دلخۆشی سوپاسیا بابی بكەن، ئەوێ هوین هەژی كرین كو هەوە پشك هەبیت د وی میراتی دا یێ كەسێن پیرۆزكری د پاشایەتیا رۆناهیێ دا هەی.

2 تیمۆتاوس 2:1

ئەڤجا كوڕێ من، ب وێ كەرەما د مەسیح عیسای دا، یێ بهێز بە

2 تیمۆتاوس 4:17

لێ خودان ل گەل من راوەستیا و ئەز بهێز ئێخستم، دا ب رێكا من مزگینی ب تەمامی بهێتە راگەهاندن و هەمی مللەت ببهیسن، وەسا ئەز ژ دەڤێ شێری هاتمە رزگاركرن.

1 پەترۆس 3:8

ب كورتی، هوین هەمی هەڤهزر بن، هەڤسۆز بن، وەكو برا حەز ژ ئێكودوو بكەن، دلۆڤان و دەروونبچویك بن.

1 پەترۆس 4:11

ئەگەر ئێك دئاخڤیت، بلا وەكو ئێكێ پەیڤێن خودێ دبێژیت بئاخڤیت. ئەگەر ئێك خزمەتێ دكەت، بلا ب وێ هێزێ بكەت یا خودێ دایێ، دا خودێ د هەر تشتی دا بهێتە مەزنكرن، ب رێیا عیسایێ مەسیح، ئەوێ مەزناهی و سەروەری هەروهەر یێن وینە. ئامین.

1 پەترۆس 5:10

خودایێ هەمی كەرەمێ ژی، ئەوێ هوین ب مەسیح عیسای گازی كرینە مەزناهیا خۆ یا هەتا هەتایی، پشتی كو هەوە بۆ دەمەكێ كورت ئازار كێشای، ئەو ب خۆ دێ هەوە كامل كەت و موكم كەت و بهێز ئێخیت و خۆج‍‌ھ كەت.

1 یوحەننا 2:14

من بۆ هەوە نڤیسی، گەلی بابان، چنكو هوین وی دنیاسن، ئەوێ ژ دەستپێكێ هەی. من بۆ هەوە نڤیسی گەلی گەنجان، چنكو هوین ب هێزن. پەیڤا خودێ د هەوە دا یا بنەجهە و هوین ل سەر یێ خرابكار ب سەر كەفتن.