ئەفەسۆس 5:8 - ئنجیلا پیرۆز

⁸ چنكو دەمەكی هوین تاری بوون، لێ نوكە هوین ب ئێكبوونا ل گەل خودانی رۆناهینە. ئەڤجا وەكو زاڕۆكێن رۆناهیێ بژین

ئەفەسۆس 5:8 ပူးပေါင်းရင်းမြစ်များ

مزگینیا مەتتای 3:8

بەرهەمەكێ وەسا بدەن كو هەژی لخۆزڤڕینێ بیت

مزگینیا مەتتای 4:16

ئەو خەلكێ د تاریاتیێ دا روینشتی، رۆناهیەكا مەزن دیت و ئەوێن ل دەڤەر و سیبەرا مرنێ دروینشتی، رۆناهیەك ب سەردا هەلات.»

مزگینیا لوقای 1:79

داكو رۆناهیێ بدەتە وان، یێن ل تاریستان و سیبەرا مرنێ روینشتین، بەرێ مە ژی بدەتە رێكا ئاشتیێ.»

مزگینیا لوقای 16:8

ئەڤجا خودانێ وی پەسنا بریكارێ خۆ یێ دەستپیس كر، ژ بەر كو ب ژیری رەفتار كر. چنكو كوڕێن ڤی سەردەمی ل گەل نفشێ خۆ ژ كوڕێن رۆناهیێ ژیرترن.

مزگینیا یوحەننای 1:9

رۆناهیا راستەقینە، ئەوا هەمی مرۆڤان روهن دكەت، دهاتە جیهانێ.

مزگینیا یوحەننای 12:35

عیسای گۆتە وان: «رۆناهی بۆ دەمەكێ دی ژی یێ كورت دێ ل گەل هەوە مینیت. ئەڤجا هندی رۆناهی ل گەل هەوەیە بڕێڤە هەڕن، نەكو تاری ب سەر هەوە دا بهێت. ئەوێ ل تاریاتیێ بڕێڤە دچیت، ئەو نزانیت كیڤە دچیت.

مزگینیا یوحەننای 12:36

هندی رۆناهی ل گەل هەوەیە، باوەریێ ب رۆناهیێ بینن، دا ببنە كوڕێن رۆناهیێ.» پشتی عیسای ئەڤ چەندە گۆتی، چوو و خۆ ژ وان ڤەشارت.

مزگینیا یوحەننای 12:46

ئەز وەكو رۆناهی هاتیمە جیهانێ، دا هەر كەسێ باوەریێ ب من بینیت، د تاریاتیێ دا نەمینیت.

مزگینیا یوحەننای 8:12

عیسا جارەكا دی ل گەل وان ئاخفت و گۆت: «ئەزم رۆناهیا جیهانێ. یێ ل دویڤ من بهێت، د تاریاتیێ دا ناچیت، لێ دێ رۆناهیا ژیانێ بۆ وی بیت.»

كارێن هنارتیان 17:30

خودێ بەرێ خۆ ل سەردەمێن نەزانینێ گرت، لێ نوكە ئەو فەرمانێ ل هەمی مرۆڤان ل هەر جهەكی دكەت، ل خۆ بزڤڕن.

كارێن هنارتیان 26:18

دا چاڤێن وان ڤەكەی كو ئەو ژ تاریاتیێ بۆ رۆناهیێ و ژ دەستهەلاتداریا ئبلیسی بۆ خودێ بزڤڕن، دا ئەو لێبورینا گونەهان وەربگرن و بەهرەك هەبیت ل گەل ئەو كەسێن ب رێكا باوەری ئینانێ ب من هاتینە پیرۆزكرن.›

رۆما 1:21

سەرەڕای كو وان خودێ نیاسی، وان ئەو وەك خودێ مەزن نەكر و سوپاسیا وی نەكر، لێ هزرێن وان دخرش بوون و تاریاتیێ ب سەر مێشكێ وان یێ كۆرەفام دا گرت.

رۆما 13:12

گەلەك ژ شەڤێ چوویە و رۆژ نێزیك بوویە، ئەڤجا دا كارێن تاریاتیێ ژ بەر خۆ بكەین و چەكێن رۆناهیێ بكەینە بەر خۆ.

رۆما 2:19

ئەگەر تۆ ژ خۆ یێ پشتڕاستی كو تۆ رێبەرێ كۆرەیانی و رۆناهی ژ بۆ ئەوێن د تاریاتیێ دا

1 كورنتۆس 1:30

هەر ئەوە ئەگەرێ ئێكبوونا هەوە ل گەل مەسیح عیسای، ئەو مەسیحێ بۆ مە بوویە ئاقلمەندی ژ نك خودێ، راستداری، پیرۆزی و رزگاری،

2 كورنتۆس 3:18

ئەم هەمی ژی ب دێمەكێ بێ پێچە رەونەقیا خودانی رەنگڤەددەین، ژ رەونەقەكێ بۆ رەونەقەكا دی بەرەڤ وێنەیێ وی دهێینە گوهۆڕین، ئەڤ چەندە ژی ژ خودانیە، ئەوێ كو گیان ب خۆیە.

2 كورنتۆس 4:6

چنكو ئەو خودایێ گۆتی: «بلا رۆناهی ژ تاریاتیێ شەوقێ بدەت»، ئەوە یێ د دلێ مە دا شەوق دای، دا ئەم ب رێكا وێ شەوقا ژ دێمێ عیسایێ مەسیحی دەردكەڤیت، رەونەقیا خودێ بنیاسین.

2 كورنتۆس 6:14

ل گەل بێباوەران د بن ئێك نیرك ڤە نەبن. چ هەڤپشكی د ناڤبەرا راستداریێ و خرابیێ دا هەیە؟ رۆناهیێ چ پشكداری ل گەل تاریاتیێ هەیە؟

گالاتیا 5:25

مادەم ئەم ب گیانێ پیرۆز دژین، بلا ل دویڤ گیانێ پیرۆز بڕێڤە ژی بچین.

ئەفەسۆس 2:2

دەمێ هەوە ژیانا خۆ ل دویڤ چەرخا ڤێ جیهانێ بڕێڤە دبر، ل دویڤ سەروەرێ دەستهەلاتا بەرگەبای، ئەو گیانێ نوكە د ناڤ مرۆڤێن نەگوهدار دا كار دكەت.

ئەفەسۆس 4:18

تاریاتیا ب سەر تێگەهشتنا وان دا هاتی، ئەو ژ بەر وێ نەزانینا د ناخێ وان دا و سەرهشكیا وان، ژ ژیانا خودێ د بیانینە.

ئەفەسۆس 5:2

د حەزژێكرنێ دا بژین، هەروەكو مەسیحی ژی حەز ژ مە كری و خۆ گۆری مە كری، ژ پێخەمەت مە بوویە پێشكێشی و قوربانیەكێ بێهنخۆش بۆ خودێ.

ئەفەسۆس 6:12

چنكو جەنگا مە نە دژی مرۆڤانە، لێ دژی سەروەرانە، دژی دەستهەلاتدارانە، دژی حوكمدارێن تاریاتیێیە كو د ڤی سەردەمی دا حوكمی ل جیهانێ دكەن، دژی لەشكەرێن روحانی یێن خرابیێیە ل جهێن ئەسمانی.

كۆلۆسی 1:13

ئەوی ئەم ژ دەستهەلاتا تاریاتیێ قورتال كرین و بۆ پاشایەتیا كوڕێ خۆ یێ خۆشتڤی ڤەگوهاستین،

تیتۆس 3:3

چنكو ئەم ب خۆ ژی ل دەمەكی د كۆرەفام، نەگوهدار و سەردابری بووین، بەنیێن حەز و ئارەزوویێن جۆراوجۆر بووین، د كین و زكڕەشیێ دا دژیاین، جهێ كەربێ بووین، هەر ئێكی كەرب ژ یێ دی ڤەدبوو.

1 یوحەننا 1:7

لێ ئەگەر ئەم د رۆناهیێ دا بڕێڤە بچین، هەروەكو ئەو د رۆناهیێ دا، مە هەڤپشكی یا ل گەل ئێكودوو هەی و خوینا كوڕێ وی، عیسای، مە ژ هەمی گونەهان پاقژ دكەت.