ئەفەسۆس 5:6 - ئنجیلا پیرۆز

⁶ نەهێلن چ كەس هەوە ب ئاخفتنێن ڤاڵا بخاپینیت، چنكو ژ بەر ڤان تشتان تۆڕەبوونا خودێ ب سەر مرۆڤێن نەگوهدار دا دهێت.

ئەفەسۆس 5:6 ပူးပေါင်းရင်းမြစ်များ

مزگینیا مەتتای 24:24

چنكو دێ مەسیحێن درەوین و پێغەمبەرێن درەوین دیار بن و دێ نیشانێن مەزن دیار كەن و مەندەهۆشیان كەن، داكو، ئەگەر د شیان دا با، خۆ هەلبژارتیێن خودێ ژی د سەر دا ببەن.

مزگینیا مەتتای 24:4

عیسای بەرسڤا وان دا: «هشیار بن كەس هەوە د سەردا نەبەت،

مزگینیا مەرقۆسی 13:22

چنكو دێ مەسیحێن درەوین و پێغەمبەرێن درەوین دیار بن و دێ نیشانان دیار كەن و مەندەهۆشیان كەن، داكو، ئەگەر د شیان دا با، هەلبژارتیێن خودێ ژی د سەر دا ببەن.

مزگینیا مەرقۆسی 13:5

عیسای دەست پێ كر و گۆتە وان: «هشیار بن كەس هەوە د سەردا نەبەت.

رۆما 1:18

ژ ئەسمانی تۆڕەییا خودێ دهێتە ئاشكرا كرن، دژی هەمی خودێنەنیاسی و خرابیا وان مرۆڤێن ب خرابیێن خۆ بۆ راستیێ دبنە ئاستەنگ،

كۆلۆسی 2:18

بلا كەس هەوە ژ خەلاتێ هەوە بێبەهر نەكەت، كەسەكێ وەسا كو حەز ژ خۆنزمكرنێ و پەرستنا فریشتەیان دكەت و بەردەوام بەحسێ بینینێن خۆ دكەت كو بێ بنیات یێ پفدایە ژ لایێ زێهنێ خۆ یێ لەشكانی ڤە

كۆلۆسی 2:4

ئەز ڤێ چەندێ دبێژم، دا كەس ب گۆتنێن خۆش هەوە نەخاپینیت.

كۆلۆسی 2:8

هشیار بن، دا كەس ب فەلسەفەیەكا خاپینۆك و درەو، ل دویڤ تیتالێن مرۆڤان، ل دویڤ هێزێن سرۆشتی یێن ڤێ جیهانێ، نە ل دویڤ مەسیحی، هەوە دیل نەكەت.

كۆلۆسی 3:6

ژ بەر وان تشتان تۆڕەبوونا خودێ یا ب سەر مرۆڤێن نەگوهدار دا دهێت.

2 سالونیكی 2:3

بلا ب چ رێكان كەس هەوە نەخاپینیت، چنكو ئەو رۆژ ناهێت، ئەگەر بەری وێ یاخیبوون چێنەبیت و مرۆڤێ یاسانەنیاس، كو كوڕێ ژناڤچوونێیە، دیار نەبیت.

عیبرانی 13:9

بلا فێركرنێن جۆرا و جۆر و بیانی هەوە ڤاڕێ نەكەن. باشە دل ب كەرەمێ بهێتە قاییم كرن، نە ب خوارنێن تایبەت، یێن كو مفای ناگەهیننە وان یێن ل سەر دچن.

عیبرانی 3:19

ئەم دبینین كو ئەو ژ ئەگەرێ بێباوەریێ نەشیان ب ژۆر بكەڤنە د ناڤ دا.

1 پەترۆس 2:8

و «بەرێ هەلنگفتنێ و كەڤرێ ئەگەرێ كەفتنا وان.» ئەو دهەلنگڤن، چنكو گوهداریا پەیڤێ ناكەن، بۆ ڤێ چەندێ ژی ئەو یێن هاتینە دەستنیشانكرن.

1 یوحەننا 4:1

گەلی خۆشتڤیان، باوەر ژ هەر گیانەكی نەكەن، لێ گیانان تاقی بكەن، كا ئەو ژ خودێنە یان نە، چنكو گەلەك پێغەمبەرێن درەوین یێن دەركەفتینە جیهانێ.