ئەفەسۆس 5:4 - ئنجیلا پیرۆز

⁴ هەروەسا بلا ئاخفتنێن بێشەرم و دەبەنگانە، یان تڕانەیێن بێتۆرە یێن بكێرنەهاتی نەبن، لێ ل شوینا وان بلا سوپاسیكرنا خودێ هەبیت.

ئەفەسۆس 5:4 ပူးပေါင်းရင်းမြစ်များ

مزگینیا مەرقۆسی 7:22

دەهمەنپیسی، زكڕەشی، خرابی، خاپاندن، بێدەلنگی، چاڤپێنەڕابوون، بوهتان، دفنبلندی و بێمێشكی.

مزگینیا یوحەننای 6:23

هندەك بەلەمێن دی ژ تەبەریە هاتنە نێزیكی وی جهی، ئەوێ خەلكی نان لێ خواری، پشتی كو خودانی سوپاسیا خودێ كری.

رۆما 1:28

كا چەوا وان ب باش نەدیت خودێ د زانینا خۆ دا هەلگرن، وەسا خودێ ئەو رادەستی زێهنەكێ خراب كرن، كو ئەو كریارێن نەژێهاتی بكەن.

2 كورنتۆس 1:11

هوین ژی دشێن ب نڤێژێن خۆ هاریكاریا مە بكەن، داكو ژ پێخەمەت وێ كەرەما ب رێكا نڤێژێن گەلەكان ل گەل مە هاتیە كرن، گەلەك كەس ژ بەر مە سوپاسیا خودێ بكەن.

2 كورنتۆس 9:15

سوپاس بۆ خودێ، ژ بەر دیاریا وی یا ناهێتە سالۆخدان!

ئەفەسۆس 1:16

ژ هنگی وەرە ئەز بێ راوەستیان بۆ هەوە سوپاسیا خودێ دكەم. ب بەردەوامی د نڤێژێن خۆ دا هەوە دئینمە بیرا خۆ

ئەفەسۆس 4:29

بلا گۆتنەكا خراب ژ دەڤێ هەوە دەرنەكەڤیت، لێ ب تنێ ئەوێ بێژن یا كو ل دویڤ رەوشێ بكێر ئاڤاكرنێ دهێت، دا مفایەكی بگەهینیتە گوهداران.

فیلیپی 4:6

ژ بەر چ تشتی نیگەران نەبن، لێ دەربارەی هەمی تشتان ب نڤێژ و هیڤیخوازیێ ل گەل سوپاسیكرنێ، داخوازێن خۆ ئاراستەی خودێ بكەن.

كۆلۆسی 3:8

لێ نوكە ڤان هەمی تشتان ژ نك خۆ بهاڤێژن: كەرب، تۆڕەبوون، كین، بوهتان و ئاخفتنێن كرێت ئەوێن ژ دەڤێ هەوە دەردكەڤن.

1 سالونیكی 3:9

ئەڤجا ئەم دێ شێین ژ پێخەمەت هەوە ب چ شێواز سوپاسیا خودێ كەین، ژ بەر وێ هەمی دلخۆشیا مە ب رێكا هەوە ل پێشیا خودایێ خۆ هەی؟

1 سالونیكی 5:18

د هەمی رەوشان دا سوپاسیا خودێ بكەن، چنكو ئەڤە حەزا خودێیە بۆ هەوە د ئێكبوونا ل گەل مەسیح عیسای دا.

فلیمون 1:8

لەوما، هەر چەندە من ب مەسیحی هەمی بستەهیا هەی كو دەربارەی وی تشتێ پێدڤیە بكەی، فەرمانێ ل تە بكەم،

عیبرانی 13:15

ئەڤجا دا ب رێكا عیسای، قوربانێ كو پەسنە هەردەم پێشكێشی خودێ بكەین، ئانكو بەرهەمێ وان لێڤان یێن دانپێدانێ ب ناڤێ وی دكەن.

2 پەترۆس 2:18

چنكو گۆتنێن مەزن و ڤاڵا دبێژن، هۆسا ب ئارەزوویێن لەشی یێن بێدەلنگیێ وان كەسان د سەر دا دبەن یێن ژ نوی رزگار بووین ژ ناڤ وان كەسێن د شاشیێ دا دژین.

2 پەترۆس 2:7

و ڵۆتێ راستدار قورتال كربیت، ئەوێ ژ ژیانا بێنامویسیێ یا بەدكاران دلتەنگ بووی،

یەهودا 1:10

لێ ئەڤ كەسە، دەربارەی تشتێن ئەو تێنەگەهن كوفریان دكەن، ئەو تشتێن ئەو تێدگەهن ژی وان ژ ناڤ دبەن، چنكو ئەو وەكو گیانەوەرێن بێئاقل ب تنێ ل دویڤ سرۆشتێ خۆ دچن.

یەهودا 1:13

ئەو وەكو پێلێن هار یێن دەریایێنە، شەرمزاریا خۆ بەڵاڤ دكەن كا چەوا پێل كەفێ دهاڤێژن. ئەو ستێرن یێن رێكا خۆ بەرزە كری ئەوێن هەتا هەتایێ بۆ وان كویرترین تاریستان هاتیە تەرخان كرن.