ئەفەسۆس 5:27 - ئنجیلا پیرۆز

²⁷ دا وێ وەكو جڤاكەكا شۆخ و شەنگ پێشكێشی خۆ بكەت، یا بێ پنی و بێ قورمچین و هەر تشتەكێ هۆسا بیت، لێ یا پیرۆز و بێكێماسی بیت.

ئەفەسۆس 5:27 ပူးပေါင်းရင်းမြစ်များ

2 كورنتۆس 11:2

ئەز ب ئیرەییەكا خودایانە ئیرەییێ ب هەوە دبەم، چنكو من بۆ ئێك زەڵام نیشانی ب هەوە ڤەكریە، ئەو ژی مەسیحە، دا هەوە وەكو كچكەكا دەهمەنپاك پێشكێشی وی بكەم.

2 كورنتۆس 4:14

چنكو ئەم دزانین ئەوێ خودان عیسا راكری، دێ مە ژی ل گەل عیسای راكەت و ل گەل هەوە ل پێشیا خۆ ئامادە كەت.

ئەفەسۆس 1:4

وی ژ بەری دامەزراندنا جیهانێ، ب ئێكبوونا مە ل گەل مەسیحی ئەم هەلبژارتین، دا ئەم ل بەرامبەری وی د حەزژێكرنێ دا د پیرۆز بین و گازندە ژ مە نەبن.

كۆلۆسی 1:22

لێ نوكە خودێ ب لەشێ مەسیحی یێ مرۆڤكانی، ب رێكا مرنا وی هوین ل گەل خۆ ئاشت كرن، دا هەوە پیرۆز و بێكێماسی و بێگازندە ل نك خۆ ئامادە بكەت،

كۆلۆسی 1:28

ئەم وی ددەینە نیاسین، هەر كەسەكی پێ ئاگەهدار دكەین و ب هەمی ئاقلمەندی هەر كەسەكی فێر دكەین، دا ئەم هەر كەسەكی پێگەهشتی د ئێكبوونا ل گەل مەسیحی دا پێشكێش بكەین.

1 سالونیكی 5:23

بلا خودایێ ئاشتیێ ب خۆ هەوە ب تەمامی پیرۆز بكەت و هەمی گیان و دەروون و لەشێ هەوە بپارێزیت، داكو ل دەمێ هاتنا خودانێ مە عیسایێ مەسیح د بێكێماسی بن.

عیبرانی 9:14

پا چەند پتر خوینا مەسیحی، ئەوێ خۆ بێكێماسی ب هێزا گیانێ پیرۆزێ هەروهەر بۆ خودێ پێشكێش كری، دێ وژدانا مە ژ وان كریاران پاقژ كەت یێن مرۆڤی بەرەڤ مرنێ دبەن، دا پەرستنا خودایێ زیندی بكەین.

1 پەترۆس 1:19

لێ ب خوینەكا بهاگران، هەروەكو یا بەرخەكێ بێكێماسی و بێپنی بیت، هاتینە ئازاد كرن، ئەو ژی خوینا مەسیحیە.

2 پەترۆس 3:14

لەوما گەلی خۆشتڤیان، مادەم كو هوین ل چاڤەڕێی ڤان تشتانە، بزاڤێ بكەن كو ئەو هەوە هۆسا ببینیت، هوین یێن د ئاشتیێ دا د بێكێماسینە و گازندە ل سەر هەوە نینن.

یەهودا 1:21

هۆسا خۆ د حەزژێكرنا خودێ دا راگرن، دەمێ هوین ژ بۆ ژیانا هەروهەری چاڤەڕێیا دلۆڤانیا خودانێ مە عیسایێ مەسیح دكەن.

یەهودا 1:24

بۆ وی یێ شیان هەین هەوە ژ هەلنگفتنێ بپارێزیت و هەوە بێ كێماسی ل پێشیا مەزناهیا خۆ ب دلخۆشیەكا مەزن راوەستینیت،

ئاشكراكرن 14:4

ئەڤە ئەون یێن ل گەل ژنكان نەهەڕمین، وان كوڕینیا خۆ پاك پاراستیە. ئەڤە ئەون یێن بەرخ كیڤە بچیت ئەو ب دویڤ دكەڤن. ئەو ژ ناڤ مرۆڤان هاتینە كڕین، وەكو خێڤە بۆ خودێ و بەرخی.