ئەفەسۆس 5:26 - ئنجیلا پیرۆز

²⁶ دا وێ ب شویشتنێ ب ئاڤێ ئانكو ب پەیڤێ پاقژ بكەت و هۆسا وێ پیرۆز بكەت،

ئەفەسۆس 5:26 ပူးပေါင်းရင်းမြစ်များ

مزگینیا یوحەننای 13:10

عیسای گۆتێ: «ئەوێ خۆ شویشتی، ژبلی پێیان نە یێ پێدڤی شویشتنێیە، لێ ئەو هەمی یێ پاقژە. هوین ژی د پاقژن، لێ نە هوین هەمی.»

مزگینیا یوحەننای 15:3

هوین نوكە ژ بەر وێ پەیڤا من بۆ هەوە گۆتی د پاقژن.

مزگینیا یوحەننای 15:8

ب ڤێ چەندێ بابێ من دهێتە مەزنكرن: هوین گەلەك بەرهەمی بدەن و ببنە شاگردێن من.

مزگینیا یوحەننای 17:7

نوكە ئەو دزانن كو هەمی تشتێن تە داینە من، ئەو ژ تەنە،

مزگینیا یوحەننای 3:5

عیسای بەرسڤا وی دا: «ب راستی ب راستی دبێژمە تە: كەس نەشێت بچیتە د پاشایەتیا خودێ دا ئەگەر ژ ئاڤێ و گیانی ژ دایك نەبیت.

كارێن هنارتیان 22:16

نوكە تۆ بۆچی خۆ گیرۆ دكەی؟ رابە و ب گازیكرنا ناڤێ وی، وەرە تافیركرن و خۆ ژ گونەهێن خۆ بشوو.›

كارێن هنارتیان 26:18

دا چاڤێن وان ڤەكەی كو ئەو ژ تاریاتیێ بۆ رۆناهیێ و ژ دەستهەلاتداریا ئبلیسی بۆ خودێ بزڤڕن، دا ئەو لێبورینا گونەهان وەربگرن و بەهرەك هەبیت ل گەل ئەو كەسێن ب رێكا باوەری ئینانێ ب من هاتینە پیرۆزكرن.›

رۆما 10:8

لێ چ دبێژیت؟ «پەیڤ یا نێزیكی تەیە، ل سەر ئەزمانێ تەیە و د دلێ تە دایە» (ئانكو پەیڤا باوەریێ یا ئەم رادگەهینین.)

1 كورنتۆس 6:11

هندەك ژ هەوە ژی د وەسا بوون. لێ هوین ب ناڤێ خودان عیسایێ مەسیح و ب گیانێ خودایێ مە هاتنە شویشتن، هوین هاتنە پیرۆزكرن، هوین هاتنە بێگونەهكرن.

2 كورنتۆس 11:2

ئەز ب ئیرەییەكا خودایانە ئیرەییێ ب هەوە دبەم، چنكو من بۆ ئێك زەڵام نیشانی ب هەوە ڤەكریە، ئەو ژی مەسیحە، دا هەوە وەكو كچكەكا دەهمەنپاك پێشكێشی وی بكەم.

ئەفەسۆس 6:17

كومزریێ قورتالبوونێ بكەنە سەرێ خۆ و شیرێ گیانێ پیرۆز، كو پەیڤا خودێیە، هەلگرن.

كۆلۆسی 3:16

بلا پەیڤا مەسیحی ب دەولەمەندیا خۆ د دلێ هەوە دا ئاكنجی ببیت، هوین ژی ب هەمی ئاقلمەندی ئێكودوو فێر بكەن و ئاگەهدار بكەن، زەبووران و سروود و سترانێن روحانی، ب سوپاسداری ژ دلێ خۆ بۆ خودێ بسترن.

تیتۆس 2:14

ئەوێ خۆ گۆری مە كری، دا مە ژ هەمی گونەهان رزگار بكەت و پاك بكەت و بكەتە خەلكێ خۆ یێ تایبەت یێ دلگەرم بۆ كریارێن باش.

عیبرانی 10:10

هۆسا عیسایێ مەسیح حەزا خودێ ب ج‍‌ھ ئینا، كو جارەكێ و بۆ هەروهەر لەشێ خۆ پێشكێش كر، ب ڤی چەندێ ئەم هاتینە پیرۆزكرن.

عیبرانی 10:14

چنكو وی ب قوربانەكی هەتا هەتایێ ئەو كامل كرن یێن دهێنە پیرۆزكرن.

عیبرانی 10:22

بلا ئەم ل گەل دلەكێ راست ب باوەریەكا كامل، دلێن مە ب رەشاندنێ د پاقژكری ژ وژدانەكا خراب و لەشێن مە د شویشتی ب ئاڤەكا پاقژ، نێزیكی خودێ ببین.

عیبرانی 10:29

ئەڤجا ب دیتنا هەوە، ئەوێ كوڕێ خودێ بێڕێز كری و خوینا پەیمانێ یا ئەو پێ هاتیە پیرۆزكرن وەكو تشتەكێ هەڕمی دیتی و سڤكاتی ب گیانێ كەرەمێ كری، هەژی سزایەكێ چەند دژوارترە؟

عیبرانی 13:12

لەوما عیسای ژی ژ دەرڤەی دەرگەهێ باژێڕی ئازار كێشا، داكو گەلێ خۆ ب خوینا خۆ پیرۆز بكەت.

عیبرانی 4:12

پەیڤا خودێ یا زیندی و كاریگەرە، ژ هەر شیرەكێ دوودەڤ تیژترە، ئەو هەتا د ناڤبەرا دەروون و گیانی دا و گە‍‌ھ و مەژیێ هەستی دا دبڕیت، دشێت هزر و نیازێن دلی یێن باش و خراب ژ ئێك جودا بكەت.

عیبرانی 9:14

پا چەند پتر خوینا مەسیحی، ئەوێ خۆ بێكێماسی ب هێزا گیانێ پیرۆزێ هەروهەر بۆ خودێ پێشكێش كری، دێ وژدانا مە ژ وان كریاران پاقژ كەت یێن مرۆڤی بەرەڤ مرنێ دبەن، دا پەرستنا خودایێ زیندی بكەین.

یەعقوب 1:18

ل دویڤ حەزا خۆ ب رێكا پەیڤا راستیێ وی ئەم بووین، داكو ببینە خێڤەیێ ئافراندیێن وی.

1 پەترۆس 1:2

ئەوێن ل دویڤ زانینا پێشوەخت یا خودایێ باب هاتینە هەلبژارتن و ب گیانێ پیرۆز هاتینە تەرخانكرن، دا گوهداریا عیسایێ مەسیح بكەن و ب خوینا وی بهێنە رەشاندن: كەرەم و ئاشتی ل سەر هەوە زێدە ببن.

1 پەترۆس 3:21

ئەڤە ژی هێمایێ وێ تافیركرنێیە یا نوكە هەوە قورتال دكەت. تافیركرن پاقژكرنا قڕێژا لەشی نینە، لێ داخوازكرنا وژدانەكا باشە ل نك خودێ، ب رێكا رابوونا عیسایێ مەسیح ژ ناڤ مریان،

2 پەترۆس 1:9

لێ یێ ئەڤ تشتە ل نك نەبن، یێ كورتبین و كۆرەیە، وی یا ژ بیر كری كو ئەو یێ پاقژ بووی ژ گونەهێن خۆ یێن بەرێ.

1 یوحەننا 5:6

ئەڤەیە ئەوێ ب ئاڤێ و خوینێ هاتی، عیسایێ مەسیح. نە ب ئاڤێ ب تنێ، لێ ب ئاڤێ و خوینێ یێ هاتی. گیانێ پیرۆزە یێ شاهدەییێ ددەت ژی، چنكو گیانێ پیرۆز راستیە.

یەهودا 1:1

ژ من، یەهودا، بەنیێ عیسایێ مەسیح و برایێ یەعقوبی، بۆ گازیكریێن خۆشتڤی ژ لایێ خودایێ باب ڤە و پاراستی ژ لایێ عیسایێ مەسیح ڤە: