ئەفەسۆس 5:20 - ئنجیلا پیرۆز

²⁰ هەردەم بۆ هەمی تشتان، ب ناڤێ خودانێ مە عیسایێ مەسیح، سوپاسیا خودایێ باب بكەن.

ئەفەسۆس 5:20 ပူးပေါင်းရင်းမြစ်များ

مزگینیا یوحەننای 15:16

هەوە ئەز هەلنەبژارتم، لێ من هوین هەلبژارتن و دەستنیشان كرن كو هوین بچن بەرهەمی بدەن و بەرهەمێ هەوە بمینیت، داكو هەر تشتێ هوین ب ناڤێ من ژ بابی بخوازن، ئەو بدەتە هەوە.

كارێن هنارتیان 5:41

ئەڤجا هنارتی ب دلخۆشی ژ جڤاتێ دەركەفتن، چنكو ئەو ل وێ باوەریێ بوون، كو بۆ وان شانازیە ژ بەر ناڤێ عیسای بهێنە بێڕێزكرن.

رۆما 1:8

بەری هەر تشتی، ئەز ب رێیا عیسایێ مەسیح ژ بۆ هەوە هەمیان سوپاسیا خودایێ خۆ دكەم، چنكو باوەریا هەوە ل سەرانسەری جیهانێ یا دەنگ ڤەدای.

1 كورنتۆس 1:4

ئەز دەربارەی هەوە هەردەم سوپاسیا خودایێ خۆ دكەم، ژ بەر كەرەما خودێ یا ب مەسیح عیسای بۆ هەوە هاتیە دان،

1 كورنتۆس 15:24

پشتی هنگی دویماهی دێ هێت، دەمێ مەسیح پاشایەتیێ ددەتە دەستێ خودایێ باب، پشتی كو هەمی سەروەری و دەستهەلات و هێزان ژ ناڤ دبەت.

ئەفەسۆس 5:4

هەروەسا بلا ئاخفتنێن بێشەرم و دەبەنگانە، یان تڕانەیێن بێتۆرە یێن بكێرنەهاتی نەبن، لێ ل شوینا وان بلا سوپاسیكرنا خودێ هەبیت.

فیلیپی 1:3

ئەز سوپاسیا خودایێ خۆ دكەم، هەر گاڤا ئەز هەوە دئینمە بیرا خۆ.

فیلیپی 4:6

ژ بەر چ تشتی نیگەران نەبن، لێ دەربارەی هەمی تشتان ب نڤێژ و هیڤیخوازیێ ل گەل سوپاسیكرنێ، داخوازێن خۆ ئاراستەی خودێ بكەن.

كۆلۆسی 3:17

هەر تشتێ هوین بكەن، ب گۆتن یان كریار، ب ناڤێ خودان عیسای بكەن و ب رێكا وی سوپاسیا خودایێ باب بكەن.

1 سالونیكی 3:9

ئەڤجا ئەم دێ شێین ژ پێخەمەت هەوە ب چ شێواز سوپاسیا خودێ كەین، ژ بەر وێ هەمی دلخۆشیا مە ب رێكا هەوە ل پێشیا خودایێ خۆ هەی؟

1 سالونیكی 5:18

د هەمی رەوشان دا سوپاسیا خودێ بكەن، چنكو ئەڤە حەزا خودێیە بۆ هەوە د ئێكبوونا ل گەل مەسیح عیسای دا.

2 سالونیكی 1:3

پێدڤیە ئەم هەرگاڤ ژ پێخەمەت هەوە، گەلی خویشك و برایان، سوپاسیا خودێ بكەین. سوپاسیكرن ژی د جهێ خۆ دایە، چنكو باوەریا هەوە گەلەك وەرارێ دكەت و حەزژێكرنا هەر ئێك ژ هەوە بۆ ئێكودوو زێدە دبیت.

2 سالونیكی 2:13

لێ پێدڤیە ئەم هەردەم ژ پێخەمەت هەوە، گەلی خویشك و برایێن خۆشتڤی ژ لایێ خودانی ڤە، سوپاسیا خودێ بكەین، چنكو هەر ژ دەستپێكێ خودێ هوین ژ بۆ قورتالبوونێ ب رێكا پیرۆزكرنێ ژ لایێ گیانێ پیرۆز ڤە و باوەری ئینان ب راستیێ، هەلبژارتن.

عیبرانی 13:15

ئەڤجا دا ب رێكا عیسای، قوربانێ كو پەسنە هەردەم پێشكێشی خودێ بكەین، ئانكو بەرهەمێ وان لێڤان یێن دانپێدانێ ب ناڤێ وی دكەن.

1 پەترۆس 2:5

ئەڤجا هوین ژی وەكو بەرێن زیندی بۆ خانیەكێ روحانی دهێنە بەستن، دا ببنە كاهنێن پیرۆز و ب رێكا عیسایێ مەسیح قوربانێن روحانی یێن جهێ رازیبوونا خودێ پێشكێش بكەن.

1 پەترۆس 4:11

ئەگەر ئێك دئاخڤیت، بلا وەكو ئێكێ پەیڤێن خودێ دبێژیت بئاخڤیت. ئەگەر ئێك خزمەتێ دكەت، بلا ب وێ هێزێ بكەت یا خودێ دایێ، دا خودێ د هەر تشتی دا بهێتە مەزنكرن، ب رێیا عیسایێ مەسیح، ئەوێ مەزناهی و سەروەری هەروهەر یێن وینە. ئامین.