ئەفەسۆس 5:2 - ئنجیلا پیرۆز

² د حەزژێكرنێ دا بژین، هەروەكو مەسیحی ژی حەز ژ مە كری و خۆ گۆری مە كری، ژ پێخەمەت مە بوویە پێشكێشی و قوربانیەكێ بێهنخۆش بۆ خودێ.

ئەفەسۆس 5:2 ပူးပေါင်းရင်းမြစ်များ

مزگینیا مەتتای 20:28

هەروەسا كوڕێ مرۆڤ ژی نەهاتیە داكو خزمەتا وی بهێتە كرن، لێ دا ئەو خزمەتێ بكەت و خۆ ژ پێش گەلەكان ڤە بكەتە گۆری.»

مزگینیا یوحەننای 13:34

ئەز دێ فەرمانەكا نوی ل هەوە كەم: حەز ژ ئێكودوو بكەن. هەروەكو من حەز ژ هەوە كری، دڤێت هوین ژی حەز ژ ئێكودوو بكەن.

مزگینیا یوحەننای 6:51

ئەزم نانێ ژیانێ، یێ كو ژ ئەسمانی هاتیە خوار. ئەگەر ئێكی ژ ڤی نانی خوار، دێ هەتا هەتایێ ژیت. ئەو نانێ كو ئەز دێ بۆ ژیانا جیهانێ دەم، لەشێ منە.»

رۆما 15:16

كو ل نك مللەتێن نەجوهی خزمەتكارێ مەسیح عیسای بم، وەكو كاهن خزمەتا مزگینیا خودێ بكەم، دا یێن نەجوهی پێشكێشیەكێ قەبیلكری بن، ب گیانێ پیرۆز دپیرۆزكری بن.

رۆما 4:25

ئەوێ ژ بەر گونەهێن مە رادەستی مرنێ هاتیە كرن و ژ بۆ بێگونە‍‌ھ دەرئێخستنا مە هاتیە راكرن.

رۆما 8:3

ئەو تشتێ دەستووری ژ بەر لاوازیا سرۆشتێ لەشكانی یێ مرۆڤی نەشیای بكەت، خودێ ئەو كر: وی كوڕێ خۆ ب لەشەكێ وەكو لەشێ مە یێ گونەهكار هنارت بۆ كەفارەتا گونەهان، هۆسا وی گونە‍‌ھ د لەشی دا گونەهبار كر،

رۆما 8:37

لێ ب رێكا وی یێ حەز ژ مە دكەت، ئەم د ڤان هەمی تشتان دا، هێشتا پتر سەركەفتنێ ب دەست خۆ ڤە دئینین.

1 كورنتۆس 16:14

بلا هەمی كریارێن هەوە ب حەزژێكرنێ بهێنە كرن.

1 كورنتۆس 5:7

خۆ ژ هەڤیرترشێ كەڤن پاقژ بكەن، دا هوین ببنە هەڤیرەكێ نوی یێ بێ هەڤیرترش، كا چەوا ب راستی هوین د وەسانە. چنكو بەرخێ مە یێ جەژنا دەربازبوونێ، كو مەسیحە، یێ هاتیە سەرژێكرن.

2 كورنتۆس 2:14

لێ سوپاس بۆ خودێ، ئەوێ هەردەم د نمایشا سەركەفتنا خۆ دا ب مەسیحی مە پێشڤە دبەت، ب رێكا مە بێهنا خۆش یا نیاسینا خۆ ل هەمی جهان بەڵاڤ دكەت.

2 كورنتۆس 2:15

چنكو ئەم بێهنا مەسیحی یا خۆشین بۆ خودێ، د ناڤ وان دا یێن قورتال دبن و د ناڤ وان دا یێن ژ ناڤ دچن.

2 كورنتۆس 8:9

چنكو هوین كەرەما خودانێ مە عیسایێ مەسیح دزانن: كو هەر چەندە ئەو یێ دەولەمەند بوو، لێ ئەو ژ پێخەمەت هەوە بوو هەژار، دا هوین ب هەژاریا وی دەولەمەند ببن.

گالاتیا 1:4

ئەوێ خۆ گۆری گونەهێن مە كری، دا مە ل دویڤ حەزا خودێ و بابێ مە ژ جیهانا نوكە یا خراب قورتال بكەت.

گالاتیا 2:20

ئێدی نە ئەزم یێ دژیت، لێ مەسیحە د ناخێ من دا دژیت. ئەو ژیانا نوكە ئەز ب لەشی دژیم، ئەز ب باوەریێ ب كوڕێ خودێ دژیم، ئەوێ حەز ژ من كری و خۆ گۆری من كری.

ئەفەسۆس 1:4

وی ژ بەری دامەزراندنا جیهانێ، ب ئێكبوونا مە ل گەل مەسیحی ئەم هەلبژارتین، دا ئەم ل بەرامبەری وی د حەزژێكرنێ دا د پیرۆز بین و گازندە ژ مە نەبن.

ئەفەسۆس 3:17

ب رێكا باوەریێ مەسیح د دلێ هەوە دا ئاكنجی ببیت و هوین د حەزژێكرنێ دا ب رە‍‌ھ و ب بنیات بن،

ئەفەسۆس 3:19

و هوین حەزژێكرنا وی یا بلندتر ژ ئاستێ زانینا مرۆڤی بزانن، هۆسا هوین ب هەمی تژیاتیا خودێ تژی ببن.

ئەفەسۆس 4:15

لێ ئەم راستیێ ب حەزژێكرن ببێژین، دا د هەر تشتەكی دا وەرارێ بكەین بەرەڤ وی ڤە یێ كو سەرە، ئەو ژی مەسیحە.

ئەفەسۆس 4:2

ب هەمی دەروونبچویكی و نەرمی و بێهنفرەهی ئێكودوو د حەزژێكرنێ دا رابگرن.

ئەفەسۆس 5:15

ژ بەر هندێ ب هشیاری لێ بنێڕن كا هوین چەوا دژین، نە وەكو نەزانان، لێ وەكو ئاقلمەندان.

ئەفەسۆس 5:25

گەلی مێران، هەر ئێك ژ هەوە حەز ژ ژنا خۆ بكەت، كا چەوا مەسیحی حەز ژ جڤاكێ كر و خۆ گۆری وێ كر،

فیلیپی 4:18

ئێدی من تێرا هەمی پێدڤیێن خۆ یێ هەی و زێدەتر ژی. ئەز كەفتمە د بەرفرەهیێ دا، پشتی من ئەو تشت وەرگرتین، یێن ئێپافرۆدیتۆسی بۆ من ژ نك هەوە ئیناین، كو پێشكێشیەكێ بێهنخۆش و قوربانەكێ قەبیلكری و جهێ رازیبوونا خودێیە.

كۆلۆسی 3:14

د سەر ڤان هەمیان را، حەزژێكرنێ بكەنە بەر خۆ، كو د كاملیێ دا هەمی تشتان پێكڤە گرێ ددەت.

1 سالونیكی 4:9

دەربارەی حەزژێكرنا برایانە ژی، هوین نە د پێدڤینە ئەم بۆ هەوە بنڤیسین، چنكو هوین ب خۆ ژ لایێ خودێ ڤە هاتینە فێركرن، كو حەز ژ ئێكودوو بكەن.

1 تیمۆتاوس 2:6

ئەوی خۆ وەكو نرخێ ئازادیا هەمی مرۆڤان بەخش كر. ئەڤەیە شاهدەییا د دەمێ وێ یێ گونجای دا هاتیە دان.

1 تیمۆتاوس 4:12

بلا كەس سڤكاتیێ ب گەنجاتیا تە نەكەت، لێ د ئاخفتنێ دا، د رەفتارێ دا، د حەزژێكرنێ دا، د باوەریێ دا، د دەهمەنپاكیێ دا بۆ باوەرداران ببە نموونە.

تیتۆس 2:14

ئەوێ خۆ گۆری مە كری، دا مە ژ هەمی گونەهان رزگار بكەت و پاك بكەت و بكەتە خەلكێ خۆ یێ تایبەت یێ دلگەرم بۆ كریارێن باش.

عیبرانی 8:3

هەر سەرۆككاهنەكێ هاتیە دانان، دا پێشكێشی و قوربانان پێشكێش بكەت. لەوما پێدڤیە ئەڤی ژی تشتەك بۆ پێشكێشكرنێ هەبیت.

عیبرانی 9:14

پا چەند پتر خوینا مەسیحی، ئەوێ خۆ بێكێماسی ب هێزا گیانێ پیرۆزێ هەروهەر بۆ خودێ پێشكێش كری، دێ وژدانا مە ژ وان كریاران پاقژ كەت یێن مرۆڤی بەرەڤ مرنێ دبەن، دا پەرستنا خودایێ زیندی بكەین.

عیبرانی 9:23

لەوما دڤیا لبەرچێكریێن تشتێن ئەسمانی ب ڤان رێورەسمان بهێتە پاقژكرن، لێ تشتێن ئەسمانی ب خۆ ب قوربانیێن باشتر ژ ڤان رێورەسمان بهێنە پاقژكرن.

عیبرانی 9:26

ئەگەر وەسا با، پێدڤی بوو مەسیحی هەر ژ دامەزراندنا جیهانێ گەلەك جاران ئازار كێشابان. لێ نوكە ل دویماهیا سەردەمان ئەو جارەكێ و بۆ هەروهەر دیار بوو، دا ب خۆگۆریكرنا خۆ گونەهێ راكەت.

1 پەترۆس 4:8

بەری هەر تشتەكی، بلا حەزژێكرنا هەوە بۆ ئێكودوو یا گەرم بیت، چنكو حەزژێكرن گونەهێن گەلەك ژی دنخێڤیت.

1 یوحەننا 3:16

ئەم ب ڤێ چەندێ حەزژێكرنێ دزانین: عیسای ژیانا خۆ ژ پێخەمەت مە دانا. ئەڤجا پێدڤیە ئەم ژی ژیانا خۆ ژ پێخەمەت خویشك و برایان بدانین.

1 یوحەننا 3:23

فەرمانا وی ژی ئەڤەیە: ئەم باوەریێ ب ناڤێ كوڕێ وی، عیسایێ مەسیح، بینین و ئەم حەز ژ ئێكودوو بكەین، كا چەوا وی فەرمان ل مە كریە.

ئاشكراكرن 1:5

و ژ عیسایێ مەسیح، شاهدێ دلسۆز، نەخریێ ژ ناڤ مریان و سەرۆكێ پاشایێن ئەردی. ئەوێ حەز ژ مە دكەت و ئەم ب خوینا خۆ ژ گونەهێن مە ئازاد كرین

ئاشكراكرن 5:9

ئەوان سروودەكا نوی دستراند و دگۆت: «تۆ یێ هەژی كو پەرتووكێ وەرگری و موهرێن وێ ڤەكەی، چنكو تۆ هاتیە ڤەكوشتن و تە ب خوینا خۆ مرۆڤ بۆ خودێ كڕین، ژ هەمی هۆز و زمان و گەل و مللەتان.