16 دەرفەتا ڤی دەمی ژ دەست نەدەن، چنكو رۆژ د بەدكارن.
هەروەسا یێ دوو تالانت برین، ئەوی ژی دوو قازانج كرن.
عیسای گۆتە وان: «رۆناهی بۆ دەمەكێ دی ژی یێ كورت دێ ل گەل هەوە مینیت. ئەڤجا هندی رۆناهی ل گەل هەوەیە بڕێڤە هەڕن، نەكو تاری ب سەر هەوە دا بهێت. ئەوێ ل تاریاتیێ بڕێڤە دچیت، ئەو نزانیت كیڤە دچیت.
ڤێ چەندێ بكەن، چنكو هوین دزانن چ دەمە. ئەڤە دەمژمێر هات كو هوین ژ خەوێ هشیار ببن، ژ بەر كو قورتالبوونا مە، نوكە نێزیكترە ژ وی دەمێ مە باوەری ئینای.
ژ بەر تەنگاڤیا ڤی دەمی، ئەز دبینم كو بۆ مرۆڤی باشە د رەوشا خۆ دا بمینیت.
ئەوێ خۆ گۆری گونەهێن مە كری، دا مە ل دویڤ حەزا خودێ و بابێ مە ژ جیهانا نوكە یا خراب قورتال بكەت.
ئەڤجا هندی مە دەلیڤە هەبیت، بلا ئەم چاكیێ ل گەل هەمیان بكەین، ب تایبەتی ل گەل خویشك و برایێن مە د باوەرداریێ دا.
ژ بەر ڤێ چەندێ هەمی چەكێن خودێ هەلگرن، دا بشێن ل رۆژا خراب بەرهنگاریێ بكەن و پشتی هوین هەمی تشتان تەمام دكەن، خۆ راگرن.
بلا پێلاڤ ل پێ كرنا هەوە ئامادەبوون بیت بۆ راگەهاندنا مزگینیا ئاشتیێ.
ل بەرامبەری وان یێن كو ژ دەرڤەی باوەریێنە، ب ئاقلمەندی سەرەدەریێ بكەن و دەرفەتا ڤی دەمی ژ دەست نەدەن.
