ئەفەسۆس 5:11 - ئنجیلا پیرۆز

¹¹ پشكداریێ د كارێن تاریاتیێ یێن بێبەرهەم دا نەكەن، لێ وان بەرچاڤ بكەن.

ئەفەسۆس 5:11 ပူးပေါင်းရင်းမြစ်များ

مزگینیا مەتتای 18:15

ئەگەر برایێ تە گونەهەك د دەرهەقا تە دا كر، تۆ ب تنێ هەڕە نك وی و گازندەیێ ژێ بكە. ئەگەر گوهێ خۆ دا تە، تە برایێ خۆ ب دەست خۆ ڤە ئینا.

مزگینیا لوقای 3:19

لێ هێرودێسێ دەستهەلاتدار، ئەوێ یوحەننای پاشڤە بری، ژ بەر ژنبرا وی هیرودیایێ و ژ بەر هەمی خرابیێن وی كرین،

كارێن هنارتیان 26:18

دا چاڤێن وان ڤەكەی كو ئەو ژ تاریاتیێ بۆ رۆناهیێ و ژ دەستهەلاتداریا ئبلیسی بۆ خودێ بزڤڕن، دا ئەو لێبورینا گونەهان وەربگرن و بەهرەك هەبیت ل گەل ئەو كەسێن ب رێكا باوەری ئینانێ ب من هاتینە پیرۆزكرن.›

رۆما 13:12

گەلەك ژ شەڤێ چوویە و رۆژ نێزیك بوویە، ئەڤجا دا كارێن تاریاتیێ ژ بەر خۆ بكەین و چەكێن رۆناهیێ بكەینە بەر خۆ.

رۆما 16:17

ئەڤجا، گەلی خویشك و برایان، ئەز هیڤی ژ هەوە دكەم كو هوین هشیاری وان مرۆڤان بن، یێن بەروڤاژی وێ فێركرنا هەوە وەرگرتی، ناكۆكی و هەلنگفتنێ دروست دكەن. خۆ ژ وان دویر بئێخن.

رۆما 6:21

ئەڤجا وی دەمی هەوە چ بەرهەم ژ وان تشتێن هوین نوكە شەرم ژێ دكەن ب دەست خۆ ڤە ئینا؟ كو ئەنجامێ وان تشتان مرنە.

گالاتیا 6:8

ئەوێ بۆ لەشێ خۆ بچینیت، دێ ژ لەشی رزیبوونێ هەلینیت، لێ ئەوێ بۆ گیانی بچینیت، دێ ژ گیانی ژیانا هەروهەر هەلینیت.

ئەفەسۆس 4:22

هوین هاتینە فێركرن كو ژ لایێ رەفتارا هەوە یا بەرێ ڤە، مرۆڤێ كەڤن ژ بەر خۆ بكەن، ئەوێ ب حەزێن خاپینۆك گەنی دبیت

ئەفەسۆس 5:12

چنكو كارێن ئەو ب نهێنی دكەن، شەرمە كو بهێنە بەحسكرن ژی.

ئەفەسۆس 5:7

لەوما هوین نەبنە پشكدارێن وان.

1 سالونیكی 5:7

چنكو ئەوێن دنڤن، ب شەڤێ دنڤن و ئەوێن سەرخۆش دبن، ب شەڤێ سەرخۆش دبن.

2 سالونیكی 3:14

ئەگەر ئێك گوهداریا گۆتنێن مە یێن د ڤێ نامەیێ دا نەكەت، وی دەستنیشان بكەن و تێكهەلیێ ل گەل نەكەن، دا شەرمێ ژ خۆ بكەت.

2 سالونیكی 3:6

ئەڤجا گەلی خویشك و برایان، ئەم ب ناڤێ خودانێ خۆ عیسایێ مەسیح فەرمانێ ل هەوە دكەین، كو هوین خۆ دویر بئێخن ژ هەمی برایێن ب تەمبەلی دژین و ل دویڤ وێ فێركرنێ ناژین یا وان ژ مە وەرگرتی.

1 تیمۆتاوس 5:20

ئەوێن ل سەر گونەهكرنێ ماین، ل بەر چاڤێن هەمیان پاشڤە ببە، دا یێن دی ژی بترسن.

1 تیمۆتاوس 5:22

دەستێ خۆ ب لەز نەدانە سەر چ كەسی، پشكدار ژی نەبە د گونەهێن كەسێن دی دا. خۆ ب پاكی راگرە.

1 تیمۆتاوس 6:5

و گەنگەشەیێن بێ دویماهی، ئەڤ هەمی تشتە ژ مرۆڤێن زێهنێ وان پویچ بووی و راستی ل نك نەمای پەیدا دبن. ئەو هزر دكەن خودێترسی رێكە بۆ قازانجكرنێ.

2 تیمۆتاوس 3:5

وان دیمەنێ سەرڤە یێ خودێترسیێ یێ هەی، لێ ئەو هێزا وێ رەت دكەن. ئەڤجا خۆ ژ یێن وەسا دویر بئێخە.

2 تیمۆتاوس 4:2

پەیڤێ رابگەهینە، ل دەمێ گونجای و نە گونجای یێ ئامادە بە. خەلكی پاشڤە ببە، ل وان بحەیتینە و هاندانا وان بكە، ب هەمی بێهنفرەهی وان فێر بكە.

تیتۆس 2:15

ڤان تشتان ب هەمی دەستهەلاتی بێژە، ئاگەهدار بكە و پاشڤە ببە. بلا كەس سڤكاتیێ ب تە نەكەت.

ئاشكراكرن 18:4

پشتی هنگی من دەنگەكێ دی ژ ئەسمانی بهیست، دگۆت: «ژ وێ دەركەڤن، هەی گەلێ من، دا نەبنە پشكدارێن گونەهێن وێ و دربێن دهێنە وێ، ژ هەوە نەگرن.