ئەفەسۆس 4:5 - ئنجیلا پیرۆز

⁵ ئێكە خودان، ئێكە باوەری، ئێكە تافیركرن،

ئەفەسۆس 4:5 ပူးပေါင်းရင်းမြစ်များ

مزگینیا مەتتای 28:19

ئەڤجا هەڕن و هەمی مللەتان بكەنە شاگرد، كو وان ب ناڤێ باب و كوڕ و گیانێ پیرۆز تافیر بكەن

كارێن هنارتیان 10:36

هوین پەیاما وی دزانن ئەوا بۆ مللەتێ ئیسرائیلێ هنارتی. ئەو مزگینیدانا ئاشتیێیە ژ دەولەتسەرێ عیسایێ مەسیح، ئەوێ كو خودانێ هەمیانە.

كارێن هنارتیان 2:36

بلا هەمی خەلكێ ئیسرائیلێ پشتڕاست بزانن، كو عیسا ئەوێ هەوە ب خاچێ ڤە هەلاویستی، خودێ یێ كریە خودان و مەسیح ژی!»

رۆما 3:30

چنكو خودێ ئێكە و ئەو دێ یێن سونەتكری ژ بەر باوەریا وان و یێن سونەتنەكری ژی ب باوەریێ راستدار دەرئێخیت.

1 كورنتۆس 1:13

ما مەسیح هاتیە پارچەكرن؟ ما پاولۆس ژ بۆ هەوە هاتیە خاچكرن؟ یان ژی هوین ب ناڤێ پاولۆسی هاتینە تافیركرن؟

1 كورنتۆس 1:2

بۆ جڤاكا گازیكریێن خودێ ل كورنتۆسێ، ئەو كەسێن خودێ ب مەسیح عیسای پیرۆز كرین و گازی كرین، دا ببنە پیرۆزكریێن خودێ، ل گەل وان هەمیان یێن ل هەر جهەكی هەوارا خۆ دگەهیننە ناڤێ خودانێ مە عیسایێ مەسیح، ئەو خودانێ وان و یێ مەیە:

1 كورنتۆس 12:13

چنكو ئەم هەمی ب گیانەكی هاتینە تافیركرن، دا ببینە لەشەك، چ جوهی بین یان یونانی، بەنی بین یان ئازاد، خودێ ئەم هەمی ژ هەمان گیان داینە ڤەخوارنێ.

1 كورنتۆس 12:5

جۆرێن خزمەتێ هەنە، لێ هەمان خودانە.

1 كورنتۆس 8:6

لێ ژ بۆ مە ب تنێ خودێیەك هەیە: باب، سەرەكانیا هەمی تشتانە و ئەم ژی بۆ وی یێن هەین. مە ب تنێ خودانەك ژی هەیە: عیسایێ مەسیح، ئەوێ هەمی تشت ب وی پەیدا بووینە و ئەم ژی ب وی یێن هەین.

2 كورنتۆس 11:4

چنكو ئەگەر ئێك بهێتە نك هەوە و عیسایەكێ دی رابگەهینیت، ژبلی وی یێ مە راگەهاندی، یان گیانەكێ دی وەرگرن، ژبلی گیانێ پیرۆز یێ هەوە وەرگرتی، یان مزگینیەكا دی قەبیل بكەن، ژبلی وێ یا هەوە قەبیل كری، هوین باش بێهنا خۆ ل وی فرە‍‌ھ دكەن!

گالاتیا 5:6

چنكو د ئێكبوونا ل گەل مەسیح عیسای دا، سونەتبوون و سونەتنەبوون هەردوو د بێ مفانە، لێ ب تنێ ئەو باوەریا ب حەزژێكرنێ كار دكەت، یا ب مفایە.

ئەفەسۆس 4:13

تاكو ئەم هەمی بگەهینە ئێكەتیا باوەریێ و نیاسینا كوڕێ خودێ، هەروەسا ئەم ببینە مرۆڤەكێ پێگەهشتی، بگەهینە ئاستێ تەمامێ بەژنا مەسیحی.

فیلیپی 2:11

و هەمی ئەزمان دانپێدانێ بكەن كو عیسایێ مەسیح خودانە، ژ بۆ مەزناهیا خودایێ باب.

فیلیپی 3:8

هێشتا ژ وێ زێدەتر، ئەز هەمی تشتان ب زیان ددانم، ل هەمبەری بهاگرانیا بێ سنوور یا نیاسینا مەسیح عیسایێ خودانێ من، ئەوێ ژ پێخەمەت وی من هەمی تشت زیانكرین و ئەز وان تشتان وەكو گلێش دبینم، دا مەسیحی قازانج بكەم

تیتۆس 1:1

ژ من، پاولۆس، بەنیێ خودێ و هنارتیێ عیسایێ مەسیح. ئەز كریمە هنارتی دا بەرێ وان یێن خودێ هەلبژارتین بدەمە باوەریێ و زانینا وێ راستیێ یا مرۆڤی بەرەڤ خودێترسیێ دبەت.

تیتۆس 1:4

بۆ تیتۆسی، كوڕێ من یێ راستەقینە د باوەریا مە یا هەڤپشك دا: كەرەم و ئاشتی ژ خودایێ باب و ژ قورتالكەرێ مە مەسیح عیسای ل سەر تە بن.

عیبرانی 13:7

رێبەرێن خۆ بیننە بیرا خۆ، ئەوێن پەیڤا خودێ بۆ هەوە گۆتی. ل ئەنجامێ شێوازێ ژیانا وان بنێڕن و چاڤ ل باوەریا وان بكەن.

عیبرانی 6:6

و د سەر هندێ را پاشگەز ببن، ڤەگەڕاندنا وان بۆ لخۆزڤڕینێ مەحالە، چنكو ئەو بۆ خۆ دووبارە كوڕێ خودێ خاچ ددەن و تووشی رسوابوونێ دكەن.

یەعقوب 2:18

دبیت ئێك ببێژیت: «تە باوەریا هەی و من كریار یێن هەین.» لێ ئەز دێ بێژم: كا باوەریا خۆ بێی كریار نیشا من بدە و ئەز دێ ب كریارێن خۆ باوەریا خۆ نیشا تە دەم.

1 پەترۆس 3:21

ئەڤە ژی هێمایێ وێ تافیركرنێیە یا نوكە هەوە قورتال دكەت. تافیركرن پاقژكرنا قڕێژا لەشی نینە، لێ داخوازكرنا وژدانەكا باشە ل نك خودێ، ب رێكا رابوونا عیسایێ مەسیح ژ ناڤ مریان،

2 پەترۆس 1:1

ژ من، شەمعون پەترۆس، بەنی و هنارتیێ عیسایێ مەسیح، بۆ وان یێن ب راستداریا خودێ، قورتالكەرێ مە عیسایێ مەسیح، باوەریەكا بهاگران یا وەكو یا مە وەرگرتی:

یەهودا 1:20

لێ هوین، گەلی خۆشتڤیان، خۆ ل سەر باوەریا خۆ یا هەری پیرۆز ئاڤا بكەن، ب گیانێ پیرۆز نڤێژێ بكەن،

یەهودا 1:3

گەلی خۆشتڤیان، هەر چەندە من ب مەرەق دڤیا دەربارەی قورتالبوونا مە یا هەڤپشك بۆ هەوە بنڤیسم، لێ من ب فەر دیت كو ئەز بۆ هەوە نامەیەكێ بنڤیسم، تێدا هیڤی ژ هەوە بكەم كو هوین ژ پێخەمەت وێ باوەریێ خەباتێ بكەن، ئەوا ب جارەكێ و بۆ هەروهەر بۆ پیرۆزكریان هاتیە دان.