ئەفەسۆس 4:32 - ئنجیلا پیرۆز

³² ل گەل ئێكودوو د دلنازك و دلۆڤان بن، ل ئێكودوو ببورن، هەروەكو خودێ ژی ب رێیا مەسیحی ل هەوە بوری.

ئەفەسۆس 4:32 ပူးပေါင်းရင်းမြစ်များ

مزگینیا مەتتای 6:12

ل قەرێن مە ببورە، هەروەكو ئەم ل قەردارێن خۆ دبورین.

مزگینیا مەرقۆسی 11:25

هەر دەمێ هوین بۆ نڤێژێ رادوەستن و هەوە تشتەك ل سەر ئێكی هەبیت، لێ ببورن، داكو بابێ هەوە ژی ئەوێ ل ئەسمانان ل گونەهێن هەوە ببوریت.

مزگینیا لوقای 1:78

ژ هەستێن وی یێن دلۆڤان، دێ خودایێ مە ژ ژۆری، هەروەكو رۆژ دهەلێت، هێتە سەرەدانا مە،

مزگینیا لوقای 11:4

ل گونەهێن مە ببورە، چنكو ئەم ژی ل وان هەمی كەسان دبورین، یێن گونە‍‌ھ د دەرهەقا مە دا كرین. و مە نەئێخە د تاقیكرنێ دا.›»

مزگینیا لوقای 17:4

ئەگەر رۆژێ حەفت جاران گونە‍‌ھ دژی تە كرن و هەر حەفت جاران ل تە زڤڕی و گۆت: ‹ئەز یێ پەشیمانم› دڤێت تۆ ل وی ببوری.»

مزگینیا لوقای 6:35

لێ حەز ژ دوژمنێن خۆ بكەن و چاكیێ بكەن و قەری بدەن بێی كو چاڤەڕێی ڤەگەڕاندنێ بن. ب ڤی رەنگی خەلاتێ هەوە دێ یێ مەزن بیت و دێ بنە كوڕێن خودایێ هەری بلند. چنكو ئەو چاكیا خۆ ب سەر مرۆڤێن نەسوپاسدار و خراب دا دادرێژیت.

مزگینیا لوقای 6:37

دادكرنێ نەكەن، هوین ناهێنە دادكرن. گونەهباركرنێ نەكەن، هوین ناهێنە گونەهباركرن. لێبورینێ بكەن، دێ ل هەوە هێتە بورین.

كارێن هنارتیان 28:2

خەلكێ وێ جوامێریەكا كێم وێنە ل گەل مە كر، وان بخێرهاتنا مە كر و ئاگر هەلكر، چنكو بارانێ دەست پێ كربوو و سەرما بوو.

رۆما 12:10

وەكو برا ژ دل حەز ژ ئێكودوو بكەن، د رێزگرتنێ دا ئێكودوو ب پێش خۆ بئێخن.

1 كورنتۆس 13:4

حەزژێكرن یا بێهنفرەهە، حەزژێكرن یا دلنازكە. حەزژێكرن چاڤپێڕانەبوونێ ناكەت، شانازیێ ب خۆ نابەت، دفنا خۆ بلند ناكەت،

2 كورنتۆس 2:10

ئەوێ هوین د تشتەكی دا لێ ببورن، ئەز ژی لێ دبورم. ئەو تشتێ ئەز لێ بوریم، ئەگەر ئەز ل تشتەكی بوریبم، ئەز ژ پێخەمەت هەوە ل بەرامبەر مەسیحی لێ بوریم،

2 كورنتۆس 2:7

ئەڤجا بەروڤاژی ڤێ چەندێ، دڤێت هوین ل وی ببورن و هانبدەن، دا ئەو ژ لایێ خەما زێدە ڤە نەهێتە داعویران.

2 كورنتۆس 6:6

د دلپاكیێ دا، د زانینێ دا، د بێهنفرەهیێ دا، د قەنجیێ دا، د گیانێ پیرۆز دا، د حەزژێكرنا بێ دووڕویاتی دا،

ئەفەسۆس 5:1

ژ بەر ڤێ چەندێ، وەكو زاڕۆكێن خۆشتڤی، چاڤلێكرنا خودێ بكەن.

یەعقوب 5:11

ئەڤە ئەم خوزیێ ب وان رادهێلین یێن خۆڕاگرتی. هەوە خۆڕاگرتنا ئەیوبی بهیستیە و هەوە دیت كا ل دویماهیێ خودانی بۆ وی چ كر. چنكو خودان گەلەك یێ دلنازك و دلۆڤانە.

2 پەترۆس 1:7

و ل سەر خودێترسیێ ڤیانەكا برایینی و ل سەر ڤیانا برایینیێ ژی حەزژێكرنێ،

1 یوحەننا 1:9

ئەگەر ئەم دانپێدانێ ب گونەهێن خۆ بكەین، ئەو یێ دلسۆز و راستدارە، لەوما دێ ل گونەهێن مە بوریت و مە ژ هەمی خرابیان پاقژ كەت.

1 یوحەننا 2:12

ئەز بۆ هەوە دنڤیسم، گەلی زاڕۆكان، چنكو ل سەر خاترا ناڤێ وی ل گونەهێن هەوە هاتیە بورین.