ئەفەسۆس 4:31 - ئنجیلا پیرۆز

³¹ هەمی تەحلاتی، كەرب، تۆڕەبوون، قێڕ قێڕ، بوهتان و هەمی كینێ ژ ناڤ خۆ راكەن.

ئەفەسۆس 4:31 ပူးပေါင်းရင်းမြစ်များ

كارێن هنارتیان 21:30

هەمی باژێڕ ئاریا و خەلك ب لەز كۆمبوو، پاولۆس گرت و راكێشا ژ دەرڤەی پەرستگەهێ و ئێكسەر دەرگە‍‌ھ گرتن.

رۆما 3:14

دەڤێ وان ژ نفرین و تەحلاتیێ یێ پڕە.

1 كورنتۆس 14:20

گەلی خویشك و برایان، د هزركرنێ دا وەكو زاڕۆكان نەبن. د خرابیێ دا وەكو زاڕۆكان بن، لێ د هزركرنێ دا د پێگەهشتی بن.

1 كورنتۆس 5:8

ئەڤجا دا جەژنێ بكەین، نە ب هەڤیرترشێ كەڤن، هەڤیرترشێ بەدكاری و خرابیێ، لێ ب نانێ شكەڤا یێ دلپاكی و راستیێ.

2 كورنتۆس 12:20

ئەز دترسم دەمێ بهێم، ئەز هەوە وەسا نەبینم هەروەكو من دڤێت و هوین من وەسا نەبینن هەروەكو هەوە دڤێت. دترسم هەڤڕكی، چاڤپێنەڕابوون، تۆڕەیی، جوداخوازی، بوهتان، نەكامی، خۆمەزنكرن و تێكڤەدان د ناڤ هەوە دا هەبن.

گالاتیا 5:20

پووتپەرێسی، جادووگەری، دوژمناتی، هەڤڕكی، چاڤپێنەڕابوون، كینداری، خۆپەرێسی، دووبەرەكی، جوداخوازی،

ئەفەسۆس 4:22

هوین هاتینە فێركرن كو ژ لایێ رەفتارا هەوە یا بەرێ ڤە، مرۆڤێ كەڤن ژ بەر خۆ بكەن، ئەوێ ب حەزێن خاپینۆك گەنی دبیت

ئەفەسۆس 4:25

لەوما درەوێ ژ خۆ دویر بئێخن و بلا هەر ئێك ژ هەوە ل گەل نێزیكێ خۆ یێ راستگۆ بیت، چنكو ئەم ئەندامێن ئێكودووینە.

ئەفەسۆس 4:26

«تۆڕە ببن، لێ گونەهێ نەكەن». نەهێلن رۆژ ل سەر تۆڕەییا هەوە ئاڤا ببیت،

كۆلۆسی 3:19

گەلی مێران، هەر ئێك ژ هەوە حەز ژ ژنا خۆ بكەت و ل گەل وان د توند نەبن.

كۆلۆسی 3:8

لێ نوكە ڤان هەمی تشتان ژ نك خۆ بهاڤێژن: كەرب، تۆڕەبوون، كین، بوهتان و ئاخفتنێن كرێت ئەوێن ژ دەڤێ هەوە دەردكەڤن.

1 تیمۆتاوس 3:11

هەروەسا ژن ژی پێدڤیە بڕێز بن، بوهتانكار نەبن، ل سەر خۆ د زاڵ بن و د هەمی تشتان دا د دلسۆز بن.

1 تیمۆتاوس 3:3

مەی ڤەخۆر نەبیت و توند نەبیت، لێ یێ دلنەرم بیت، شەڕفرۆش نەبیت و حەزژێكەرێ پارەی نەبیت.

1 تیمۆتاوس 5:13

ل گەل هندێ، ئەو فێری تەمبەلیێ دبن و ژ ڤێ مالێ دچنە ڤێ مالێ. نە ب تنێ تەمبەلیێ، لێ نەكامیێ و مایتێكرنێ دكەن و تشتێن نەژێهاتی ژی دبێژن.

2 تیمۆتاوس 2:23

خۆ ژ گەنگەشەیێن دەبەنگ و نەزانانە بدە پاش، چنكو تۆ دزانی كو شەڕ ژێ پەیدا دبیت.

2 تیمۆتاوس 3:3

د دلڕەق، لێبورینێ ناكەن، د بوهتانكەر، د سەربەردای، د دڕندە، نەحەزێن چاكیێ،

تیتۆس 1:7

چنكو دڤێت چاڤدێر: جهێ گازندەیێ نەبیت، وەكو بریكارێ خودێ. خۆسەپاندن ل نك نەبیت، زوی تۆڕە نەبیت، مەی ڤەخۆر نەبیت، توند نەبیت، چاڤبرسیێ قازانجی نەبیت،

تیتۆس 2:3

هەروەسا بلا پیرەژن ژی رەفتارا وان ل گەل پیرۆزیێ یا گونجای بیت، د بوهتانكار نەبن، دیلێن مەی ڤەخوارنێ نەبن، فێركەرێن باشیێ بن،

یەعقوب 1:19

خویشك و برایێن من یێن خۆشتڤی، ڤێ چەندێ باش بزانن: بلا هەر مرۆڤەك یێ لەزگین بیت بۆ بهیستنێ، یێ لەزگین نەبیت بۆ ئاخفتنێ، یێ لەزگین نەبیت بۆ تۆڕەبوونێ،

یەعقوب 3:14

لێ ئەگەر زكڕەشیەكا تەحل و خۆپەرێسی د دلێ هەوە دا هەبیت، شانازیێ ب خۆ نەبەن و هۆسا درەوان ل راستیێ بكەن.

یەعقوب 4:11

ب خرابی بەحسێ ئێكودوو نەكەن، خویشك و برایێن من. یێ ب خرابی بەحسێ برایێ خۆ بكەت و برایێ خۆ داد بكەت، ئەو ب خرابی بەحسێ دەستووری دكەت و دەستووری داد دكەت. ئەڤجا ئەگەر تۆ دەستووری داد بكەی، ئەو تۆ كارپێكەرێ دەستووری نینی، لێ تۆ دادوەری ل سەر دەستووری.

1 پەترۆس 2:1

ئەڤجا هەر كینێ، هەر فێلبازیێ، دووڕویاتیێ، زكڕەشیێ و هەر جۆرەكێ بوهتانێ ژ دلێ خۆ بهاڤێژن.

1 یوحەننا 3:12

ئەم وەكو قایینی نەبین، ئەوێ كو ژ خرابكاری بوو و برایێ خۆ كوشتی. بۆچی ئەو كوشت؟ چنكو كریارێن وی ب خۆ د خراب بوون و یێن برایێ وی د راستدار بوون.

1 یوحەننا 3:15

هەر كەسێ كەرب ژ خویشك یان برایێ خۆ ڤەببن، ئەو مێركوژە. هوین دزانن ژی كو چ مێركوژان ژیانا هەتا هەتایی، ئەوا بنەج‍‌ھ د ناڤ وی دا، نینە.

ئاشكراكرن 12:10

هنگی من دەنگەكێ بلند بهیست ژ ئەسمانی دگۆت: «نوكە قورتالبوون و هێز و پاشایەتیا خودایێ مە و دەستهەلاتا مەسیحێ وی یێن هاتین، چنكو سكالاكەرێ دژی خویشك و برایێن مە، ئەوێ ب شەڤ و رۆژ ل پێشیا خودایێ مە سكالایێ ل وان دكەت، بۆ ئەردی هاتە هاڤێتن.