ئەفەسۆس 4:25 - ئنجیلا پیرۆز

²⁵ لەوما درەوێ ژ خۆ دویر بئێخن و بلا هەر ئێك ژ هەوە ل گەل نێزیكێ خۆ یێ راستگۆ بیت، چنكو ئەم ئەندامێن ئێكودووینە.

ئەفەسۆس 4:25 ပူးပေါင်းရင်းမြစ်များ

مزگینیا یوحەننای 8:44

هوین ژ بابێ خۆ ئبلیسینە و هەوە دڤێت حەزێن بابێ خۆ ب ج‍‌ھ بینن. ئەو ل دەستپێكێ مێركوژ بوو و چ جاران لایەنگرێ راستیێ نەبوو، چنكو راستی د وی دا نینە. دەمێ ئەو درەوێ دكەت، ئەو ل گۆر سرۆشتێ خۆ دئاخڤیت، چنكو ئەو درەوینە و بابێ درەوێیە.

رۆما 12:5

هۆسا ئەم ژی یێن كو گەلەكین، د ئێكبوونا ل گەل مەسیحی دا لەشەكین و هەر ئێك ژ مە ئەندامێ یێن دییە.

1 كورنتۆس 10:17

ئەڤجا ئەم، سەرەڕای گەلەكیا خۆ لەشەكین، چنكو ب تنێ نانەك یا هەی و ئەم هەمی د خوارنا وێ نانێ دا د پشكدارین.

2 كورنتۆس 7:14

من شانازیا خۆ ب هەوە بۆ وی دیار كر و ئەز شەرمزار دەرنەكەفتم، لێ كا چەوا هەر تشتێ مە گۆتیە هەوە راست بوو، وەسا ئەو شانازیا مە بۆ تیتۆسی دەربارەی هەوە دیار كری، راست دەركەفت.

ئەفەسۆس 4:15

لێ ئەم راستیێ ب حەزژێكرن ببێژین، دا د هەر تشتەكی دا وەرارێ بكەین بەرەڤ وی ڤە یێ كو سەرە، ئەو ژی مەسیحە.

ئەفەسۆس 4:22

هوین هاتینە فێركرن كو ژ لایێ رەفتارا هەوە یا بەرێ ڤە، مرۆڤێ كەڤن ژ بەر خۆ بكەن، ئەوێ ب حەزێن خاپینۆك گەنی دبیت

ئەفەسۆس 4:31

هەمی تەحلاتی، كەرب، تۆڕەبوون، قێڕ قێڕ، بوهتان و هەمی كینێ ژ ناڤ خۆ راكەن.

ئەفەسۆس 5:30

چنكو ئەم ئەندامێن لەشێ وینە.

كۆلۆسی 3:8

لێ نوكە ڤان هەمی تشتان ژ نك خۆ بهاڤێژن: كەرب، تۆڕەبوون، كین، بوهتان و ئاخفتنێن كرێت ئەوێن ژ دەڤێ هەوە دەردكەڤن.

كۆلۆسی 3:9

درەوان ل ئێكودوو نەكەن، چنكو هەوە مرۆڤێ كەڤن ب كریارێن وی ڤە ژ بەر خۆ كریە

1 تیمۆتاوس 1:10

بۆ دەهمەنپیسان، نێربازان، مرۆڤ دزان، درەوینان، یێن ژ درەو سویند دخۆن و بۆ هەر تشتەكێ دژی فێركرنا ساخلەم بیت، هاتیە دانان.

1 تیمۆتاوس 4:2

ب رێكا دووڕویاتیا درەوینان، ئەوێن وژدانا وان هاتیە داخكرن.

تیتۆس 1:12

خۆ ئێك ژ كریتیان ژی، كو فەیلەسوفەكێ وانە، گۆت: «خەلكێ كریتێ هەرگاڤ د درەوینن، هۆڤێن دڕندەنە و خۆرەیێن تەمبەلن.»

تیتۆس 1:2

ئەو راستی پشتڕاستیێ ددەتە وان كو ژیانا هەروهەر وەربگرن، ئەو ژیان یا خودایێ كو چ جاران درەوان ناكەت، بەری دەستپێكا ئافراندنێ، سۆزا وێ دای

عیبرانی 12:1

لەوما، مادەم ئەم ب جەماوەرەكێ هۆسا مەزن یێ شاهدان د دەور داینە، دا هەر بارەكی و گونەهێن ب ساناهی د مە دئالیێن، بهاڤێژین و د وێ غاردانێ دا یا ل بەر مە هاتیە دانان، ب خۆڕاگری بكەینە غار.

یەعقوب 1:21

لەوما هەر پیساتی و خرابیەكا د ناخێ هەوە دا گەشە كری بهاڤێژن و ئەو پەیڤا د ناخێ هەوە دا دهێتە چاندن، ئەوا دشێت گیانێ هەوە قورتال بكەت، ب دەروونبچویكی قەبیل بكەن.

1 پەترۆس 2:1

ئەڤجا هەر كینێ، هەر فێلبازیێ، دووڕویاتیێ، زكڕەشیێ و هەر جۆرەكێ بوهتانێ ژ دلێ خۆ بهاڤێژن.

ئاشكراكرن 21:8

لێ یێن ترسنۆك و یێن بێبەخت و یێن جهێ دلڕەشیێ و یێن مێركوژ و یێن دەهمەنپیس و یێن جادووگەر و یێن پووتپەرێس و هەمیێن درەوین، دێ بەهرا وان دەریاكا هەل ب ئاگری و كپریتێ بیت. ئەڤە مرنا دوویێیە.»

ئاشكراكرن 22:15

سە و جادووگەر و دەهمەنپیس و مێركوژ و پووتپەرێس و هەر ئێكێ حەز ژ درەوان دكەت و درەوان دكەت دێ ژ دەرڤە بن.