ئەفەسۆس 4:24 - ئنجیلا پیرۆز

²⁴ و مرۆڤێ نوی بكەنە بەر خۆ، ئەوێ ل گۆر خودێ د راستداری و پیرۆزیا راستیێ دا هاتیە ئافراندن.

ئەفەسۆس 4:24 ပူးပေါင်းရင်းမြစ်များ

مزگینیا لوقای 1:75

بێ ترس، هەمی رۆژێن ژیانا خۆ ب پیرۆزی و راستداری ل بەرامبەر وی، پەرستنا وی بكەین. تۆ ژی زاڕۆكۆ، دێ بێژنە تە پێغەمبەرێ خودایێ هەری بلند، چنكو تۆ دێ كەڤیە پێشیا خودانی، داكو رێیێن وی بۆ ئامادە بكەی،

مزگینیا یوحەننای 17:17

وان ب راستیێ پیرۆز بكە، پەیڤا تەیە راستی.

رۆما 12:2

هوین وەكو خەلكێ ڤێ جیهانێ نەبن، لێ ب نویكرنا زێهنێ خۆ وەرنە گوهۆڕین، دا هوین بزانن كا حەزا خودێ یا باش و جهێ رازیبوونێ و بێكێماسی چیە.

رۆما 13:12

گەلەك ژ شەڤێ چوویە و رۆژ نێزیك بوویە، ئەڤجا دا كارێن تاریاتیێ ژ بەر خۆ بكەین و چەكێن رۆناهیێ بكەینە بەر خۆ.

رۆما 13:14

لێ خۆ ب خودان عیسایێ مەسیح راپێچن و چ هزرێ بۆ تێركرنا داخوازێن سرۆشتێ خۆ یێ لەشكانی نەكەن.

رۆما 6:4

ئەڤجا ب تافیركرنێ ئەم بووینە هەڤپشكێن مرنا وی و ل گەل وی هاتینە ڤەشارتن، داكو كا چەوا مەسیح ب مەزناهیا بابی ژ ناڤ مریان هاتیە راكرن، هۆسا ئەم ژی د ژیانا نویبووی دا بژین.

رۆما 7:6

لێ نوكە ئەم ژ دەستووری ئازاد بووین، چنكو ئەم دەربارەی وی تشتێ پێ هاتینە گرێدان، مرین، دا ب رێیا نوی یا گیانی خزمەتێ بكەین، نە ب رێیا كەڤن یا پیتێ.

رۆما 8:29

چنكو ئەوێن خودێ ئەو پێشوەخت هەلبژارتین، وی ئەو پێشوەخت ژی دەستنیشان كرن، دا وەكو وێنەیێ كوڕێ وی لێ بهێن، دا كوڕ د ناڤ گەلەك خویشك و برایێن خۆ دا یێ نەخری بیت.

1 كورنتۆس 15:53

چنكو دڤێت ئەڤێ درزیت رزینەبوونێ ل بەر خۆ بكەت و ئەڤێ دمریت نەمریێ ل بەر خۆ بكەت.

2 كورنتۆس 3:18

ئەم هەمی ژی ب دێمەكێ بێ پێچە رەونەقیا خودانی رەنگڤەددەین، ژ رەونەقەكێ بۆ رەونەقەكا دی بەرەڤ وێنەیێ وی دهێینە گوهۆڕین، ئەڤ چەندە ژی ژ خودانیە، ئەوێ كو گیان ب خۆیە.

2 كورنتۆس 4:16

لەوما ئەم بێ ئومێد نابین. لێ سەرەڕای كو ئەم ژ سەرڤە ژ ناڤ دچین، د ناخێ خۆ دا ئەم رۆژ بۆ رۆژێ دهێینە نویكرن.

2 كورنتۆس 5:17

ئەڤجا ئەگەر كەسەك د ئێكبوونا ل گەل مەسیحی دا بیت، ئەو ئافرندەیەكێ نویە: تشتێن كەڤن بورین و نەمان، ئەڤە یێن نوی چێبوون.

گالاتیا 3:27

چنكو هەوە هەمیان، یێن ب رێكا تافیركرنێ ل گەل مەسیحی بووینە ئێك، مەسیح كریە بەر خۆ.

گالاتیا 6:15

چنكو سونەتبوونێ و سونەتنەبوونێ ژی مفا بۆ مرۆڤی نینە، ب تنێ یا مفای دگەهینیتە وی ئەوە كو ببیتە ئافرندەیەكێ نوی.

ئەفەسۆس 2:10

چنكو ئەم چێكریێن خودێینە، د ئێكبوونا ل گەل مەسیح عیسای دا هاتینە ئافراندن، دا ئەم د ڤان كریارێن باش دا، یێن خودێ پێشوەخت ئامادە كرین، بڕێڤە بچین.

ئەفەسۆس 2:15

وی دەستوور ب فەرمان و رێسایێن وی ڤە ژ كار ئێخست، دا ب ئێكبوونا ل گەل خۆ، ژ هەردوویان مرۆڤەكێ نوی بئافرینیت و ب ڤی شێوەی ئاشتیێ چێكەت

ئەفەسۆس 6:11

خۆ ب هەمی چەكێن خودێ چەكدار بكەن، دا هوین بشێن ل بەرامبەری پیلانێن ئبلیسی خۆ راگرن.

تیتۆس 2:14

ئەوێ خۆ گۆری مە كری، دا مە ژ هەمی گونەهان رزگار بكەت و پاك بكەت و بكەتە خەلكێ خۆ یێ تایبەت یێ دلگەرم بۆ كریارێن باش.

عیبرانی 1:8

لێ دەربارەی كوڕی دبێژیت: «تەختێ تە، هەی خودێ، بۆ هەتا هەتایێیە و سەوڵەجانێ پاشایەتیا تە، سەوڵەجانێ دادپەروەریێیە.

عیبرانی 12:14

بۆ ئاشتیێ ل گەل هەمی كەسان بزاڤێ بكەن، هەروەسا بۆ پیرۆزیێ، ئەوا بێی وێ كەس خودانی نابینیت.

1 پەترۆس 2:2

مادەم هەوە تام كریە كو خودان یێ باشە، ئێدی وەكو زاڕۆكێن ساڤا، دلێ خۆ ببەنە شیرێ روحانی یێ بێسەختە، دا بۆ قورتالبوونێ وەرارێ پێ بكەن.

2 پەترۆس 1:4

وی ب ڤان تشتان سۆزێن گەلەك مەزن و بهاگران داینە مە، دا هوین ب وان ژ وێ پویچاتیێ، ئەوا ژ حەزێن جیهانێ دهێت، بڕەڤن و ببنە پشكدارێن سرۆشتێ خودایی.