23 و د گیانێ زێهنێ خۆ دا نوی ببن
هوین وەكو خەلكێ ڤێ جیهانێ نەبن، لێ ب نویكرنا زێهنێ خۆ وەرنە گوهۆڕین، دا هوین بزانن كا حەزا خودێ یا باش و جهێ رازیبوونێ و بێكێماسی چیە.
ئەڤجا ب تافیركرنێ ئەم بووینە هەڤپشكێن مرنا وی و ل گەل وی هاتینە ڤەشارتن، داكو كا چەوا مەسیح ب مەزناهیا بابی ژ ناڤ مریان هاتیە راكرن، هۆسا ئەم ژی د ژیانا نویبووی دا بژین.
دویماهیا وی زێهنێ گرنگیێ ب لەشی ددەت، مرنە، لێ دویماهیا وی زێهنێ گرنگیێ ب گیانی ددەت، ژیان و ئاشتیە.
چنكو ئەم چێكریێن خودێینە، د ئێكبوونا ل گەل مەسیح عیسای دا هاتینە ئافراندن، دا ئەم د ڤان كریارێن باش دا، یێن خودێ پێشوەخت ئامادە كرین، بڕێڤە بچین.
و مرۆڤێ نوی كریە بەر خۆ، ئەوێ دهێتە نویكرن ل گۆر وێنەیێ ئافرێندەرێ خۆ، دا ب دروستی ئافرێندەری بنیاسیت.
وی ئەم قورتال كرین. نە ژ بەر كارێن راستداریێ یێن مە كرین، لێ وی ئەڤ چەندە ل دویڤ دلۆڤانیا خۆ كر، ب شویشتنا ژدایكبوونا دوویێ و نویكرنێ ب گیانێ پیرۆز،
لەوما مێشكێ خۆ بۆ كاری ئامادە بكەن و ل سەر هشێن خۆ بن، ب تەمامی هیڤیا خۆ ب وێ كەرەمێ ڤە گرێ بدەن، ئەوا ل دەمێ دیاربوونا عیسایێ مەسیح دێ بۆ هەوە هێتە ئینان.
