ئەفەسۆس 4:22 - ئنجیلا پیرۆز

²² هوین هاتینە فێركرن كو ژ لایێ رەفتارا هەوە یا بەرێ ڤە، مرۆڤێ كەڤن ژ بەر خۆ بكەن، ئەوێ ب حەزێن خاپینۆك گەنی دبیت

ئەفەسۆس 4:22 ပူးပေါင်းရင်းမြစ်များ

رۆما 6:6

ئەم دزانین ئەو مرۆڤێ كەڤن، كو ئەم بووین ل دەمێ بەرێ، ل گەل وی هاتە خاچدان، دا لەشێ مە یێ گونەهكار ژ كار بكەڤیت و ئێدی بەنیاتیێ بۆ گونەهێ نەكەین.

رۆما 7:11

چنكو گونەهێ ب رێیا فەرمانێ دەرفەت دیت، ئەز خاپاندم و ب رێیا وێ ئەز كوشتم.

2 كورنتۆس 11:3

لێ ئەز دترسم، كا چەوا ماری ب فێلبازیا خۆ حەوا خاپاند، وەسا زێهنێ هەوە ژ دلسۆزیا زەڵال و پاك یا هەوە بۆ مەسیحی هەی بهێتە خڕاندن.

گالاتیا 1:13

هەوە ل سەر ژیانا من یا بەرێ د ئایینێ جوهیاتیێ دا یا بهیستی، من جڤاكا گازیكریێن خودێ گەلەك زێدە تەنگاڤ دكر و بزاڤ دكر وێ وێران بكەم.

ئەفەسۆس 2:3

دەمەكی مە هەمیان ژی د ناڤ وان دا ب ئارەزوویێن لەشێ خۆ دكر و حەزێن لەش و هزرێن خۆ ب ج‍‌ھ دئینان. ئەم ژی وەكو یێن دی، ب سرۆشتێ خۆ د هەژی تۆڕەبوونا خودێ بووین.

ئەفەسۆس 4:17

لەوما ئەز ڤێ دبێژم و ب ناڤێ خودانی دووپات دكەم كو ئێدی هوین وەسا نەژین هەروەكو مللەتێن نەجوهی دژین، هزرێن وان دخرشن.

ئەفەسۆس 4:25

لەوما درەوێ ژ خۆ دویر بئێخن و بلا هەر ئێك ژ هەوە ل گەل نێزیكێ خۆ یێ راستگۆ بیت، چنكو ئەم ئەندامێن ئێكودووینە.

ئەفەسۆس 4:31

هەمی تەحلاتی، كەرب، تۆڕەبوون، قێڕ قێڕ، بوهتان و هەمی كینێ ژ ناڤ خۆ راكەن.

كۆلۆسی 2:11

هەروەسا د ئێكبوونا ل گەل وی دا هوین هاتینە سونەتكرن، سونەتكرنا نە ب دەستێ مرۆڤان، لێ ب ژێڤەكرنا حەزێن لەشی بۆ گونەهێ، ئەڤەیە سونەتكرن ژ لایێ مەسیحی ڤە.

تیتۆس 3:3

چنكو ئەم ب خۆ ژی ل دەمەكی د كۆرەفام، نەگوهدار و سەردابری بووین، بەنیێن حەز و ئارەزوویێن جۆراوجۆر بووین، د كین و زكڕەشیێ دا دژیاین، جهێ كەربێ بووین، هەر ئێكی كەرب ژ یێ دی ڤەدبوو.

عیبرانی 12:1

لەوما، مادەم ئەم ب جەماوەرەكێ هۆسا مەزن یێ شاهدان د دەور داینە، دا هەر بارەكی و گونەهێن ب ساناهی د مە دئالیێن، بهاڤێژین و د وێ غاردانێ دا یا ل بەر مە هاتیە دانان، ب خۆڕاگری بكەینە غار.

عیبرانی 3:13

لێ هەر رۆژ ئێكودوو هان بدەن، هندی ناڤێ ‹ئەڤرۆ› ل سەر بیت، دا ژ بەر فێلبازیا گونەهێ كەس ژ هەوە سەرهشك نەبیت.

یەعقوب 1:21

لەوما هەر پیساتی و خرابیەكا د ناخێ هەوە دا گەشە كری بهاڤێژن و ئەو پەیڤا د ناخێ هەوە دا دهێتە چاندن، ئەوا دشێت گیانێ هەوە قورتال بكەت، ب دەروونبچویكی قەبیل بكەن.

یەعقوب 1:26

ئەگەر ئێك خۆ ئاییندار بهژمێریت و ئەزمانێ خۆ لغاڤ نەكەت، ئەو خۆ دخاپینیت و ئایینداریا وی یا ژ قەستایە.

1 پەترۆس 1:18

چنكو هوین دزانن كو هوین نە ب تشتێن ژ ناڤ دچن، وەكو زێڕ یان زیڤ، ژ وێ ژیانا بێمفا یا هەوە ژ باب و باپیرێن خۆ وەرگرتی، هاتینە ئازاد كرن،

1 پەترۆس 4:3

ئێدی بەسە ئەو دەمێ هەوە بوراندی ل دویڤ حەزێن مللەتێن خودێنەنیاس، یێن كو رێكا بێدەلنگی، گوهنێلی، سەرخۆشی، ئاهەنگێن بەرەڵایی، ئاهەنگێن مەی ڤەخوارنێ و پووتپەرێسیا حەرام دگرن.

2 پەترۆس 2:13

و ل شوینا زیانا وان كری، ئەو دێ زیانێ وەرگرن. دهژمێرن خۆشیە كو ل رۆژا نیڤرۆ ب دویڤ كەیفا دلێ خۆ بكەڤن. ئەو خالەكا رەشن و شەرمزارینە، تامێ ژ فێلبازیێن خۆ وەردگرن دەمێ د ئاهەنگان دا ل گەل هەوە پشكدار دبن.

2 پەترۆس 2:7

و ڵۆتێ راستدار قورتال كربیت، ئەوێ ژ ژیانا بێنامویسیێ یا بەدكاران دلتەنگ بووی،