19 ئەوان شەرم نەمایە و خۆ رادەستی بێدەلنگیێ كریە كو هەمی جۆرێن پویچاتیێ بكەن و ژێ تێر نابن.
دەهمەنپیسی، زكڕەشی، خرابی، خاپاندن، بێدەلنگی، چاڤپێنەڕابوون، بوهتان، دفنبلندی و بێمێشكی.
لەوما ئەز ڤێ دبێژم و ب ناڤێ خودانی دووپات دكەم كو ئێدی هوین وەسا نەژین هەروەكو مللەتێن نەجوهی دژین، هزرێن وان دخرشن.
ژ بەر هندێ حەزێن خۆ یێن ڤێ جیهانێ بمرینن: دەهمەنپیسی، پویچاتی، گڕ، حەزێن خراب و چاڤبرساتی كو پووتپەرێسیە،
ب رێكا دووڕویاتیا درەوینان، ئەوێن وژدانا وان هاتیە داخكرن.
ئێدی بەسە ئەو دەمێ هەوە بوراندی ل دویڤ حەزێن مللەتێن خودێنەنیاس، یێن كو رێكا بێدەلنگی، گوهنێلی، سەرخۆشی، ئاهەنگێن بەرەڵایی، ئاهەنگێن مەی ڤەخوارنێ و پووتپەرێسیا حەرام دگرن.
ئەڤ پەندە ب دروستی ل سەر وان دهێت: «سە ل دلڕابوونا خۆ ڤەدگەڕیێت» و: «بەرازا شویشتی، ڤەدگەڕیێت خۆ د ناڤ هەڕیێ دا دگەڤزینیت.»
نەخوزیكێن وان! چنكو ئەوان رێكا قایینی گرتیە و وەكو بەلعامی ژ پێخەمەت قازانجی د سەر دا چوون و یاخیبوونا وان وەكو یاخیبوونا قۆرەحیە و ئەو دێ وەكو وی ژ ناڤ چن.
چنكو هەمی مللەتان ژ شەرابا هار یا دەهمەنپیسیا وێ ڤەخوار و پاشایێن ئەردی دەهمەنپیسی ل گەل وێ كریە و بازرگانێن ئەردی ژ زێدەییا حالخۆشیا وێ دەولەمەند بوون.»