ئەفەسۆس 4:18 - ئنجیلا پیرۆز

¹⁸ تاریاتیا ب سەر تێگەهشتنا وان دا هاتی، ئەو ژ بەر وێ نەزانینا د ناخێ وان دا و سەرهشكیا وان، ژ ژیانا خودێ د بیانینە.

ئەفەسۆس 4:18 ပူးပေါင်းရင်းမြစ်များ

مزگینیا مەتتای 13:15

چنكو ئەڤ مللەتە یێ سەرهشك بووی و گوهێن وان یێن گران بووین و چاڤێن خۆ یێن نقاندین، نەكو ب چاڤێن خۆ ببینن و ب گوهێن خۆ ببهیسن و ب مەژیێ خۆ تێبگەهن و بزڤڕن، دا ساخ بكەم.›

مزگینیا مەرقۆسی 3:5

عیسا ب تۆڕەبوون ڤە ل وان زڤڕی و ژ سەرهشكیا وان خەمگین بوو، گۆتە وی مرۆڤی: «دەستێ خۆ درێژ كە!» وی ژی دەستێ خۆ درێژ كر و دەستێ وی ساخ بووڤە.

مزگینیا یوحەننای 12:40

«وی چاڤێن وان كۆرە كرینە و مەژیێ وان هشك كریە، دا ب چاڤێن خۆ نەبینن و ب مەژیێ خۆ تێنەگەهن و بۆ من ڤەنەگەڕن، دا ئەز وان ساخ بكەم.»

كارێن هنارتیان 17:30

خودێ بەرێ خۆ ل سەردەمێن نەزانینێ گرت، لێ نوكە ئەو فەرمانێ ل هەمی مرۆڤان ل هەر جهەكی دكەت، ل خۆ بزڤڕن.

كارێن هنارتیان 3:17

گەلی برایان، ئەز دزانم هەوە و سەرۆكێن هەوە ب نەزانین ئەڤ كریارە ل گەل عیسای كر،

رۆما 1:28

كا چەوا وان ب باش نەدیت خودێ د زانینا خۆ دا هەلگرن، وەسا خودێ ئەو رادەستی زێهنەكێ خراب كرن، كو ئەو كریارێن نەژێهاتی بكەن.

رۆما 11:25

ئەز حەز ناكەم، گەلی خویشك و برایان، هوین ئاگەهداری ڤێ نهێنیێ نەبن، داكو هوین خۆ ئاقلدار نەهژمێرن. نهێنی ئەوە كو سەرڕەقیێ پشكەكا گەلێ ئیسرائیل یا گرتی، تاكو ژمارەیا نەجوهیێن دێ قورتال بن، تەمام ببیت.

رۆما 11:7

ئەڤجا چ؟ ئەو تشتێ گەلێ ئیسرائیل بزاڤ بۆ دكر، ب دەست ڤە نەهات، لێ بدەست هەلبژارتیانڤە هات، ئەوێن دی ژی د سەرڕەق بوون.

رۆما 2:19

ئەگەر تۆ ژ خۆ یێ پشتڕاستی كو تۆ رێبەرێ كۆرەیانی و رۆناهی ژ بۆ ئەوێن د تاریاتیێ دا

1 كورنتۆس 1:21

بەلێ، چنكو مادەم خودێ ب ئاقلمەندیا خۆ نەهێلا كو جیهان ب ئاقلمەندیا خۆ وی بنیاسیت، جهێ دلخۆشیا خودێ بوو كو وان یێن باوەریێ دئینن قورتال بكەت، ب وێ مزگینیێ یا خەلكەكی ددیت كو بێئاقلیە.

1 كورنتۆس 2:8

ئەوا چ سەرۆكێن ڤێ جیهانێ تێنەگەهشتین، چنكو ئەگەر ئەو تێگەهشتبان، ئەوان خودانێ مەزناهیێ خاچ نەددا.

2 كورنتۆس 3:14

لێ زێهنێ وان هاتە گرتن، تا ئەڤرۆ ژی ل دەمێ پەیمانا كەڤن دهێتە خواندن، هەمان ئەو پێچە یا مای نەهاتیە راكرن، چنكو ئەو ب تنێ ب مەسیحی دهێتە ژناڤبرن.

2 كورنتۆس 4:4

چنكو خوداوەندێ ڤێ جیهانێ زێهنێ بێباوەران كۆرە كریە، داكو رۆناهیا مزگینیا رەونەقیا مەسیحێ كو وێنەیێ خودێیە، نەبینن.

گالاتیا 4:8

بەری هنگی، دەمێ هەوە خودێ نەدنیاسی، هەوە بۆ یێن كو ب راستی نە خودێ بوون، بەنیاتی دكر،

ئەفەسۆس 2:1

هوین ژی ژ بەر سەرپێچی و گونەهێن خۆ د مری بوون،

كۆلۆسی 1:21

هوین ژی دەمەكی ب كریارێن خۆ یێن خراب، ژ خودێ دویركەفتبوون و ب هزرێن خۆ دوژمنێن خودێ بوون،

1 سالونیكی 4:5

نە د حەز و ئارەزوویێن لەشی دا وەكو مللەتێن خودێنەنیاس.

عیبرانی 5:2

ئەو دشێت ب نەرمی سەرەدەریێ ل گەل نەزان و ڤاڕێبوویان بكەت، چنكو ئەو ب خۆ ژی بندەستێ لاوازیێیە.

عیبرانی 9:7

لێ یا دوویێ ب تنێ سەرۆككاهن ساڵێ جارەكێ دچیتە د ژۆرڤە و بێ خوین ناچیت، كو بۆ خۆ و بۆ گونەهێن خەلكی ژ نەزانین كرین، پێشكێش دكەت.

یەعقوب 4:4

گەلی دەهمەنپیسان! ما هوین نزانن هەڤالینی ل گەل جیهانێ، دوژمناتیە ل گەل خودێ؟ لەوما یێ دڤێت ببیتە هەڤالێ جیهانێ، ئەو خۆ دكەتە دوژمنێ خودێ.

1 پەترۆس 1:14

وەكو زاڕۆكێن گوهدار، خۆ ل گەل ئارەزوویێن بەرێ یێن دەمێ نەزانینا خۆ نەگونجینن،

1 یوحەننا 2:11

لێ یێ كەربێن وی ژ خویشكا وی یان برایێ وی ڤەدبن، ئەو یێ د تاریاتیێ دا و د تاریاتیێ دا دژیت و نزانیت كیڤە دچیت، چنكو تاریاتیێ چاڤێن وی یێن كۆرە كرین.