ئەفەسۆس 4:14 - ئنجیلا پیرۆز

¹⁴ هۆسا ئەم ئێدی وەكو زاڕۆكان نابین، ل بەر پێلان هێڤە و وێڤە بهێینە هاڤێتن و ب درەوێن مرۆڤان ل بەر بایێ هەر فێركرنەكێ بهێینە ئینان و برن، ئەو مرۆڤێن كو ب فێلبازیان دخاپینن و د سەر دا دبەن.

ئەفەسۆس 4:14 ပူးပေါင်းရင်းမြစ်များ

مزگینیا مەتتای 11:7

دەمێ شاگردێن یوحەننای دچوون، عیسای بۆ وی خەلكێ كۆمبووی دەربارەی یوحەننای دەست ب ئاخفتنێ كر و گۆت: «هوین دەركەفتنە چۆلی دا چ ببینن؟ لەڤەنەكێ ب بای دهەژیێت؟

مزگینیا مەتتای 24:11

دێ گەلەك پێغەمبەرێن درەوین پەیدا بن و دێ گەلەكان د سەردا بەن.

مزگینیا مەتتای 24:24

چنكو دێ مەسیحێن درەوین و پێغەمبەرێن درەوین دیار بن و دێ نیشانێن مەزن دیار كەن و مەندەهۆشیان كەن، داكو، ئەگەر د شیان دا با، خۆ هەلبژارتیێن خودێ ژی د سەر دا ببەن.

كارێن هنارتیان 23:21

لێ تۆ گوهێ خۆ نەدە وان، چنكو پتر ژ چل زەڵامێن وان بویسەیەك یا بۆ ڤەدای، ئەوان یا سویند خواری كو ئەو نەخۆن و نەڤەخۆن تا وی نەكوژن. نوكە ئەو د ئامادەنە و ل هیڤیا بڕیارا تەنە.»

1 كورنتۆس 12:2

هوین دزانن كو دەمێ هوین پووتپەرێس بوون، دلێ هەوە بەرەڤ پووتێن لال ڤە دهاتە برن و هوین دهاتنە د سەر دا برن.

1 كورنتۆس 14:20

گەلی خویشك و برایان، د هزركرنێ دا وەكو زاڕۆكان نەبن. د خرابیێ دا وەكو زاڕۆكان بن، لێ د هزركرنێ دا د پێگەهشتی بن.

1 كورنتۆس 3:19

چنكو ئاقلمەندیا ڤێ جیهانێ ل نك خودێ بێئاقلیە. هەروەكو هاتیە نڤیسین: «ئەو ئاقلمەندان د فێلبازیێن وان دا دگریت.»

2 كورنتۆس 2:17

ئەم وەكو گەلەك كەسان نینین بازرگانیێ ب پەیڤا خودێ بكەین، لێ ئەم وەكو مرۆڤێن ژ لایێ خودێ ڤە هاتینە هنارتن، ل بەرامبەری خودێ ل دویڤ حەزا مەسیحی ب نیازپاكی دئاخڤین.

2 كورنتۆس 4:2

مە كریارێن ڤەشارتی یێن ب شەرم ژی رەت كرن، ئەم فێلبازیێ ناكەین و دەستكاریێ د پەیڤا خودێ دا ناكەین. لێ ئەم راستیێ دیار دكەین و ب ڤی ئاوایی ل پێشیا خودێ بۆ وژدانا هەر مرۆڤەكی خۆ پەسەند دكەین.

گالاتیا 3:1

گەلی گالاتیایی یێن بێئاقل، كێ سەرێ هەوە تژی كریە؟ چنكو مرنا عیسایێ مەسیح بۆ هەوە هند ب زەڵالی هاتیە راگەهاندن، هەروەكو هەوە ب چاڤێن خۆ دیتبیت كو ئەو یێ ل خاچێ دای.

ئەفەسۆس 6:11

خۆ ب هەمی چەكێن خودێ چەكدار بكەن، دا هوین بشێن ل بەرامبەری پیلانێن ئبلیسی خۆ راگرن.

1 تیمۆتاوس 3:6

پێدڤیە ئەو باوەردارەكێ نوی نەبیت، دا دفنبلند نەبیت و نەكەڤیتە د دادكرنا ئبلیسی دا.

2 تیمۆتاوس 1:15

تۆ دزانی كو هەمی ئەوێن ل هەرێما ئاسیایێ پشتا خۆ دایە من، ژ وان فووگەلۆس و هێرمۆگێنیس ژی.

2 تیمۆتاوس 3:13

مرۆڤێن خراب و فێلباز ژی دێ د خرابیێ دا پێشكەڤن، دێ خاپاندنێ كەن و هێنە خاپاندن.

2 تیمۆتاوس 4:3

چنكو دەمەك دێ هێت، خۆ ل بەر فێركرنا ساخلەم ناگرن، لێ ل دویڤ ئارەزوویێن خۆ دێ مامۆستایان ل دۆرێن خۆ كۆم كەن كو تشتێ خۆش بۆ گوهێ وان بێژن

عیبرانی 13:9

بلا فێركرنێن جۆرا و جۆر و بیانی هەوە ڤاڕێ نەكەن. باشە دل ب كەرەمێ بهێتە قاییم كرن، نە ب خوارنێن تایبەت، یێن كو مفای ناگەهیننە وان یێن ل سەر دچن.

یەعقوب 1:6

لێ بلا ب باوەری بخوازیت بێی كو گۆمان د دلی دا بیت، چنكو یێ گۆمان د دلی دا بیت، وەكو پێلەكا دەریایێیە، با دئینیت و دبەت.

یەعقوب 3:4

هەروەسا ل گەمیان ژی بنێڕن: سەرەڕای كو ئەو هند د مەزنن و ب بایێن ب هێز دهێنە هاژوتن، لێ گەمیڤان ب دەستكەكێ بچویك یێ ئاراستەكرنێ بەرێ وان ددەتە وی لایێ وی بڤێت.

2 پەترۆس 2:18

چنكو گۆتنێن مەزن و ڤاڵا دبێژن، هۆسا ب ئارەزوویێن لەشی یێن بێدەلنگیێ وان كەسان د سەر دا دبەن یێن ژ نوی رزگار بووین ژ ناڤ وان كەسێن د شاشیێ دا دژین.

1 یوحەننا 2:19

ئەو ژ ناڤ مە دەركەفتن، لێ ئەو ژ مە نەبوون، چنكو ئەگەر ئەو ژ مە بان، دا ل گەل مە مینن. لێ ئەو دەركەفتن، دا دیار ببیت كو ئەو هەمی نە ژ مەنە.

1 یوحەننا 2:26

من ئەڤ تشتە بۆ هەوە نڤیسین، دەربارەی وان كەسان یێن بزاڤێ دكەن هەوە د سەر دا ببەن.

1 یوحەننا 4:1

گەلی خۆشتڤیان، باوەر ژ هەر گیانەكی نەكەن، لێ گیانان تاقی بكەن، كا ئەو ژ خودێنە یان نە، چنكو گەلەك پێغەمبەرێن درەوین یێن دەركەفتینە جیهانێ.

یەهودا 1:12

ئەو د ئاهەنگێن هەوە یێن برایینیێ دا خالەكا رەشن، بێ ترس خوارنێ ل گەل هەوە دخۆن، ب تنێ خۆ دچەرینن. ئەو عەورێن بێ بارانن یێن با ل گەل خۆ دبەت. دارێن پاییزی یێن بێ بەرهەمن، دووجاركی د مرینە، ژ رەهان د هەلكێشاینە.

ئاشكراكرن 19:20

ئینا دڕندە و پێغەمبەرێ درەوین ل گەل وی هاتنە گرتن، ئەو پێغەمبەرێ درەوین یێ ژ پێش دڕندەی ڤە نیشانێن حنێرانە دكرن و ب رێكا وان نیشانان ئەو خاپاندن یێن نیشانا دڕندەی قەبیل كری و یێن سوجدە بۆ وێنەیێ وی بری. دڕندە و پێغەمبەرێ درەوین هەردوو ب ساخی بۆ دەریاكا ئاگری یا ب كپریتێ هەل هاتنە هاڤێتن.