ئەفەسۆس 3:9 - ئنجیلا پیرۆز

⁹ و نەخشەیێ نهێنیێ بۆ هەمیان روهن بكەم، ئەو نهێنیا ب درێژاهیا سەردەمێن بەرێ، ل نك خودێ یێ هەمی تشت ئافراندین، مایە ڤەشارتی،

ئەفەسۆس 3:9 ပူးပေါင်းရင်းမြစ်များ

مزگینیا مەتتای 10:27

ئەوا ئەز ل تاریاتیێ دبێژمە هەوە، هوین ل رۆناهیێ بێژن و ئەوا هوین ب پستەپستێ دبهیسن، ل سەر بانان گازی بكەن.

مزگینیا مەتتای 13:35

ئەڤ چەندە چێبوو، دا ئەوا پێغەمبەری گۆتی ب ج‍‌ھ بهێت: ئەز دێ ب نموونەیان ئاخڤم، ئەو تشتێن ژ دامەزراندنا جیهانێ د ڤەشارتی، دێ ئاشكرا كەم.

مزگینیا مەتتای 25:34

پاشی دێ پاشا بێژیتە یێن ل دەستێ خۆ یێ راستێ: ‹وەرن هەی ئەوێن بەرەكەتا بابێ من ل سەر، ببنە میراتگرێن وێ پاشایەتیا هەر ژ دامەزراندنا جیهانێ بۆ هەوە هاتیە ئامادەكرن،

مزگینیا مەتتای 28:19

ئەڤجا هەڕن و هەمی مللەتان بكەنە شاگرد، كو وان ب ناڤێ باب و كوڕ و گیانێ پیرۆز تافیر بكەن

مزگینیا لوقای 24:47

و ب ناڤێ وی مزگینیا لخۆزڤڕینێ بۆ لێبورینا گونەهان بهێتە دان، هەر ژ ئورشەلیمێ بگرە تا هەمی مللەتان.

مزگینیا یوحەننای 10:30

ئەز و باب ئێكین.»

مزگینیا یوحەننای 5:17

عیسای بەرسڤا وان دا: «بابێ من تا نوكە یێ كار دكەت، و ئەز ژی یێ كار دكەم.»

مزگینیا یوحەننای 5:19

ئینا عیسای بەرسڤا وان دا و گۆتێ: «ب راستی ب راستی دبێژمە هەوە: كوڕ نەشێت چ تشتان ژ نك خۆ بكەت، لێ ئەو وێ دكەت یا كو دبینیت باب دكەت. هەر تشتەكێ باب بكەت، كوڕ ژی دكەت.

كارێن هنارتیان 15:18

یێن كو هەر ژ كەڤن دا هاتینە زانین. ›

رۆما 11:25

ئەز حەز ناكەم، گەلی خویشك و برایان، هوین ئاگەهداری ڤێ نهێنیێ نەبن، داكو هوین خۆ ئاقلدار نەهژمێرن. نهێنی ئەوە كو سەرڕەقیێ پشكەكا گەلێ ئیسرائیل یا گرتی، تاكو ژمارەیا نەجوهیێن دێ قورتال بن، تەمام ببیت.

1 كورنتۆس 2:7

لێ یا خودێیە ئەو ئاقلمەندیا نهێنی و ڤەشارتی یا ئەم دبێژین، ئەوا خودێ بەری دەستپێكا ئافراندنێ ژ بۆ مەزناهیا مە دەستنیشانكری،

ئەفەسۆس 1:4

وی ژ بەری دامەزراندنا جیهانێ، ب ئێكبوونا مە ل گەل مەسیحی ئەم هەلبژارتین، دا ئەم ل بەرامبەری وی د حەزژێكرنێ دا د پیرۆز بین و گازندە ژ مە نەبن.

ئەفەسۆس 3:2

بێگۆمان هەوە بهیستیە، كو ئەڤ ئەركێ بڕێڤەبرنا كەرەما خودێ، ژ پێخەمەت هەوە بۆ من هاتیە دان،

ئەفەسۆس 6:19

و بۆ من ژی بكەن، داكو دەمێ ئەز بئاخڤم، ئاخفتن بۆ من بهێتە دان، دا ئەز ب وێرەكی نهێنیا مزگینیێ رابگەهینم،

كۆلۆسی 1:23

ب تنێ ئەگەر هوین د باوەریێ دا د بەردەوام بن، دموكم و قاییم بن و خۆ ژ هیڤیا مزگینیا هەوە بهیستی لانەدەن، ئەوا بۆ هەمی ئافراندیێن د بن ئەسمانی دا هاتیە راگەهاندن، ئەوا ئەز، پاولۆس، بوویمە خزمەتكارێ وێ.

كۆلۆسی 1:26

ئانكو وێ نهێنیێ رابگەهینم یا ب درێژاهیا هەمی سەردەمێن بەرێ و ژ هەمی بەرەبابان هاتیە ڤەشارتن، لێ نوكە بۆ پیرۆزكریێن وی هاتیە ئاشكراكرن.

كۆلۆسی 3:3

چنكو هوین مرین، ژیانا هەوە ژی ل گەل مەسیحی ل نك خودێ هاتیە هەلگرتن.

كۆلۆسی 4:3

د هەمان دەم دا، بۆ مە ژی نڤێژان بكەن، دا خودێ ژ پێخەمەت پەیاما خۆ دەرگەهەكی بۆ مە ڤەكەت، داكو ئەم نهێنیا مەسیحی رابگەهینین، ئەوا ئەز ژ بەر وێ هاتیمە زیندانكرن.

2 سالونیكی 2:13

لێ پێدڤیە ئەم هەردەم ژ پێخەمەت هەوە، گەلی خویشك و برایێن خۆشتڤی ژ لایێ خودانی ڤە، سوپاسیا خودێ بكەین، چنكو هەر ژ دەستپێكێ خودێ هوین ژ بۆ قورتالبوونێ ب رێكا پیرۆزكرنێ ژ لایێ گیانێ پیرۆز ڤە و باوەری ئینان ب راستیێ، هەلبژارتن.

1 تیمۆتاوس 3:16

بێگۆمان، نهێنیا خودێپەرێسیا راستەقینە یا مەزنە: ئەو ب لەشی دیار بوو، ژ لایێ گیانێ پیرۆز ڤە راستدار هاتە دەرئێخستن، ژ لایێ فریشتەیان ڤە هاتە دیتن، مزگینیا وی د ناڤ مللەتان دا هاتە راگەهاندن، د جیهانێ دا باوەری پێ هاتە ئینان و د مەزناهیێ دا هاتە بلندكرن.

2 تیمۆتاوس 1:9

خودێیە یێ ئەم قورتال كرین و بۆ گازیكرنەكا پیرۆز ئەم گازی كرین، نە ل دویڤ كریارێن مە، لێ ل دویڤ مەبەست و كەرەما خۆ یا بەری دەستپێكا ئافراندنێ ب رێكا مەسیح عیسای بۆ مە هاتیە دان

2 تیمۆتاوس 4:17

لێ خودان ل گەل من راوەستیا و ئەز بهێز ئێخستم، دا ب رێكا من مزگینی ب تەمامی بهێتە راگەهاندن و هەمی مللەت ببهیسن، وەسا ئەز ژ دەڤێ شێری هاتمە رزگاركرن.

تیتۆس 1:2

ئەو راستی پشتڕاستیێ ددەتە وان كو ژیانا هەروهەر وەربگرن، ئەو ژیان یا خودایێ كو چ جاران درەوان ناكەت، بەری دەستپێكا ئافراندنێ، سۆزا وێ دای

1 پەترۆس 1:20

ئەو بەری دامەزراندنا جیهانێ هاتە دەستنیشانكرن، لێ ژ پێخەمەت هەوە د ڤان سەردەمێن دویماهیێ دا هاتە دیار كرن.

ئاشكراكرن 13:8

هەمی ئاكنجیێن ل سەر ئەردی، ئەوێن ناڤێن وان هەر ژ دامەزراندنا جیهانێ د پەرتووكا ژیانێ یا بەرخێ ڤەكوشتی دا نەهاتینە نڤیسین، دێ سوجدێ بۆ دڕندەی بەن.

ئاشكراكرن 14:6

پشتی هنگی من فریشتەیەكێ دی دیت، ل ناڤەندا ئەسمانی دفڕی، مزگینیا هەروهەری هەبوو، دا وێ بۆ ئاكنجیێن ئەردی ژ هەمی مللەت و هۆز و زمان و گەلان رابگەهینیت،

ئاشكراكرن 17:8

ئەو دڕندەیێ تە دیتی، ئەو هەبوو لێ نوكە نینە و نێزیكە ئەو دەركەڤیتە چاڵا بێ بن و بچیتە وێرانبوونێ. ئاكنجیێن ئەردی، ئەوێن هەر ژ دامەزراندنا جیهانێ، ناڤێن وان د پەرتووكا ژیانێ دا نەهاتینە نڤیسین، دەمێ دڕندەی دبینن دێ مەندەهۆش بن، چنكو ئەو هەبوو لێ نوكە نینە و دێ هێت.

ئاشكراكرن 4:11

«تۆ یێ هەژی، هەی خودان و خودایێ مە، كو مەزناهی و رێز و هێزێ وەرگری، چنكو تە هەمی تشت ئافراندن و ئەو ب حەزا تە هاتنە ئافراندن و هەنە.»