ئەفەسۆس 3:7 - ئنجیلا پیرۆز

⁷ ئەز ل دویڤ دیاریا كەرەما خودێ یا ب كاركرنا هێزا وی بۆ من هاتیە دان، بوومە خزمەتكارێ ڤێ مزگینیێ.

ئەفەسۆس 3:7 ပူးပေါင်းရင်းမြစ်များ

كارێن هنارتیان 9:15

لێ خودانی گۆتێ: «تۆ هەڕە! چنكو ئەو بۆ من ئامانەكێ هەلبژارتیە، كو ناڤێ من بۆ مللەتێن نەجوهی و پاشایان و گەلێ ئیسرائیلێ هەلگریت.

رۆما 1:5

ب وی مە كەرەم و هنارتیاتی وەرگرت، داكو ئەم سەخمەراتی ناڤێ وی گازی هەمی مللەتان بكەین كو باوەریێ پێ بینن و گوهداریا وی بكەن.

رۆما 12:3

ئەز ب وێ كەرەما بۆ من هاتیە دان، دبێژمە هەر ئێكی ژ هەوە: بلا كەس خۆ بلندتر ژ یا دروست نەهەلسەنگینیت، لێ بلا ل دۆر خۆ ب شێوازەكێ بەرئاقل هەلسەنگاندنێ بكەت، ل دویڤ وی قەبارەیێ باوەریێ یێ خودێ ل سەر هەر كەسەكی لێكڤە كری.

رۆما 15:16

كو ل نك مللەتێن نەجوهی خزمەتكارێ مەسیح عیسای بم، وەكو كاهن خزمەتا مزگینیا خودێ بكەم، دا یێن نەجوهی پێشكێشیەكێ قەبیلكری بن، ب گیانێ پیرۆز دپیرۆزكری بن.

1 كورنتۆس 15:10

لێ ئەز چ بم، ئەز ب كەرەما خودێ ئەوم و كەرەما وی یا بۆ من هاتیە دان یا ژ قەستا نەبوو، ب راستی من ژ وان هەمیان پتر كار كر. لێ نە من كار دكر، كەرەما خودێ، ئەوا ل گەل من، كار دكر.

1 كورنتۆس 3:5

ئەڤجا ئەپولۆس كیە؟ پاولۆس كیە؟ ئەو خزمەتكارن، هەوە ل سەر دەستێ وان باوەری ئینایە، هەروەكو خودانی ئەڤ ئەركە دایە هەر ئێك ژ وان.

2 كورنتۆس 3:6

ئەوێ شیان دایە مە، دا تێرا هندێ بكەین كو ببینە خزمەتكارێن پەیمانا نوی، نە پەیمانا پیتێ، لێ پەیمانا گیانێ پیرۆز. چنكو پیت دكوژیت، لێ گیان ژیانێ ددەت.

2 كورنتۆس 4:1

لەوما، ژ بەر كو خودێ دلۆڤانی ل گەل مە كریە كو مە ئەڤ خزمەتە هەیە، ئەم بێ ئومێد نابین.

گالاتیا 2:8

چنكو خودێ ئەوێ كو پەترۆس وەك هنارتی بۆ خەلكێ سونەتكری ب كار ئینای، ئەز ژی بۆ مللەتێن نەجوهی ب كار ئینام.

ئەفەسۆس 1:19

و كا مەزناهیا هێزا وی یا بێ سنوور چیە، یا ژ بۆ مە یێن باوەردار ل دویڤ هێز و شیانا وی كار دكەت.

ئەفەسۆس 3:2

بێگۆمان هەوە بهیستیە، كو ئەڤ ئەركێ بڕێڤەبرنا كەرەما خودێ، ژ پێخەمەت هەوە بۆ من هاتیە دان،

ئەفەسۆس 3:20

مەزناهی بۆ وی بیت، یێ ب هێزا خۆ یا د مە دا كار دكەت، دشێت گەلەك پتر ژ وێ هەمیێ بكەت یا ئەم دخوازین یان هزر دكەین.

ئەفەسۆس 3:8

هەر چەندە د ناڤ هەمی پیرۆزكریان دا ئەز ژ یێ هەری كێم كێمترم، لێ ئەڤ كەرەمە بۆ من هاتیە دان، دا مزگینیێ د ناڤ مللەتێن نەجوهی دا بەڵاڤ بكەم دەربارەی دەولەمەندیا مەسیحی یا بێ سنوور

ئەفەسۆس 4:16

ژ ویە هەمی لەش خۆ پێكڤە دگریت و ب هاریكاریا هەر گەهەكێ دهێتە گرێدان و دەمێ هەر ئەندامەك كارێ خۆ دكەت، لەش وەرارێ دكەت و د حەزژێكرنێ دا خۆ ئاڤا دكەت.

كۆلۆسی 1:29

ژ بۆ ڤێ چەندێ، ئەز رەنجێ دكێشم، ل دویڤ هێزا وی یا د من دا بهێز كار دكەت، بزاڤێ دكەم.

1 سالونیكی 2:13

هەروەسا ئەم بێی دابڕین سوپاسیا خودێ دكەین، چنكو دەمێ هەوە پەیڤا خودێ ژ مە بهیستی، هەوە قەبیل كر نە هەروەكو ئەو پەیڤا مرۆڤان بیت، لێ هەروەكو ئەو پەیڤا خودێ بیت، ب راستی ژی ئەو پەیڤا خودێیە كو د هەوەیێن باوەردار دا كار دكەت.

عیبرانی 13:21

هەوە ب هەر تشتەكێ باش ئامادە بكەت، دا هوین حەزا وی ب ج‍‌ھ بینن. بلا كارێ ب دلێ خۆ ب رێیا عیسایێ مەسیح د مە دا بكەت، هەتا هەتایێ مەزناهی بۆ وی بیت. ئامین.