ئەفەسۆس 3:5 - ئنجیلا پیرۆز

⁵ ئەو نهێنی د دەمێ بەرەبابێن دی دا بۆ مرۆڤان ئاشكرا نەكربوو، لێ نوكە ب گیانێ پیرۆز بۆ هنارتی و پێغەمبەرێن وی یێن پیرۆز هاتە ئاشكرا كرن.

ئەفەسۆس 3:5 ပူးပေါင်းရင်းမြစ်များ

مزگینیا مەتتای 13:17

ئەز ب راستی دبێژمە هەوە: هزرەتا گەلەك پێغەمبەر و راستداران ئەو بوو، وێ چەندێ ببینن یا هوین دبینن، لێ وان نەدیت و وێ چەندێ ببهیسن یا هوین دبهیسن، لێ وان نەبهیست.

مزگینیا مەتتای 20:7

وان بەرسڤا وی دا: ‹چنكو كەسێ ئەم نەبرینە پالەتیێ.› گۆتە وان: ‹هوین ژی هەڕنە ناڤ رەزێ من.›

مزگینیا مەتتای 23:34

ئەڤجا ئەڤە ئەز دێ پێغەمبەر، ئاقلمەند و مامۆستایێن دەستووری بۆ هەوە هنێرم. هوین دێ هندەك ژ وان كوژن و خاچ دەن و هندەكان ژی د كنیشتەیێن خۆ دا قامچی دەن و دێ ژ باژێڕەكی بۆ یێ دی راتەقینن.

مزگینیا لوقای 10:24

ئەز دبێژمە هەوە: گەلەك پێغەمبەر و پاشایان حەز دكر وێ چەندێ ببینن یا هوین دبینن، لێ وان نەدیت، وان حەز دكر وێ چەندێ ببهیسن یا هوین دبهیسن، لێ وان نەبهیست.»

مزگینیا لوقای 11:49

ژ بەر ڤێ چەندێ ژی ئاقلمەندیا خودێ گۆت: ‹ئەز دێ پێغەمبەر و هنارتیان بۆ وان هنێرم، لێ ئەو دێ هندەك ژ وان پێغەمبەر و هنارتیان كوژن و هندەكان تەپەسەر كەن.›

مزگینیا یوحەننای 14:26

لێ هاریكار، گیانێ پیرۆز، ئەوێ كو باب دێ ب ناڤێ من هنێریت، ئەو دێ هەوە فێری هەمی تشتان كەت و هەمی تشتێن من گۆتینە هەوە، ئەو دێ ئینیتە بیرا هەوە.

مزگینیا یوحەننای 16:13

ئەڤجا دەمێ ئەو، گیانێ راستیێ، هات، دێ هەوە گەهینیتە هەمی راستیێ، چنكو ئەو ژ نك خۆ نائاخڤیت، لێ یا ئەو دبهیسیت، دێ وێ بێژیت و دێ تشتێن هێشتا روی نەداین بۆ هەوە راگەهینیت.

كارێن هنارتیان 10:28

گۆتە وان: «هوین دزانن كو بۆ مرۆڤێ جوهی حەرامە، تێكهەلیێ ل گەل بیانیەكی بكەت یان ژی سەرەدانا وی بكەت، لێ خودێ یێ نیشا من دای، كو ئەز دەربارەی مرۆڤەكی نەبێژم ئەو یێ حەرامە یان یێ هەڕمییە.

رۆما 16:25

ئەڤجا مەزناهی بۆ وی بیت، یێ دشێت هەوە د باوەریێ دا موكم كەت، ل دویڤ وێ مزگینیا كو ئەز ژ بۆ عیسایێ مەسیح رادگەهینم، ل دویڤ ئاشكراكرنا وێ نهێنیا كو هەر ژ كەڤن دا یا ڤەشارتی بوو،

1 كورنتۆس 2:10

بۆ مە خودێ ب گیانێ خۆ ئەو دیار كرن. چنكو گیان لێگەڕیانێ و ڤەكۆلینێ بۆ هەمی تشتان دكەت، خۆ كویراتیا ناخێ خودێ ژی.

ئەفەسۆس 2:20

هوین ل سەر بنیاتێ هنارتی و پێغەمبەران د ئاڤاكرینە و مەسیح عیسا ب خۆ بەرێ بنیاتیە.

ئەفەسۆس 3:9

و نەخشەیێ نهێنیێ بۆ هەمیان روهن بكەم، ئەو نهێنیا ب درێژاهیا سەردەمێن بەرێ، ل نك خودێ یێ هەمی تشت ئافراندین، مایە ڤەشارتی،

2 پەترۆس 3:2

دا بیرا هەوە بهێتە پەیڤێن پێغەمبەرێن پیرۆز و فەرمانێن خودان و قورتالكەری یێن هنارتیێن هەوە هوین پێ ئاگەهدار كرین.

یەهودا 1:17

لێ هوین، گەلی خۆشتڤیان، بیرا خۆ بیننە وان ئاخفتنان یێن پێشوەخت هنارتیێن خودانێ مە عیسایێ مەسیح گۆتین.