ئەفەسۆس 3:4 - ئنجیلا پیرۆز

⁴ گاڤا هوین وێ بخوینن، هوین دێ شێن د زانینا من ل دۆر نهێنیا مەسیحی گەهن.

ئەفەسۆس 3:4 ပူးပေါင်းရင်းမြစ်များ

مزگینیا مەتتای 13:11

وی بەرسڤا وان دا و گۆت: «تێگەهشتنا نهێنیێن پاشایەتیا ئەسمانان بۆ هەوە یا هاتیە دان، لێ بۆ وان نەهاتیە دان،

مزگینیا لوقای 8:10

ئینا گۆت: «تێگەهشتنا نهێنیێن پاشایەتیا خودێ بۆ هەوە یا هاتیە دان، لێ بۆ مرۆڤێن دی ئەز ب نموونەیان دئاخڤم، داكو لێ ‹بنێڕن و نەبینن، ببهیسن و تێنەگەهن›.

رۆما 11:25

ئەز حەز ناكەم، گەلی خویشك و برایان، هوین ئاگەهداری ڤێ نهێنیێ نەبن، داكو هوین خۆ ئاقلدار نەهژمێرن. نهێنی ئەوە كو سەرڕەقیێ پشكەكا گەلێ ئیسرائیل یا گرتی، تاكو ژمارەیا نەجوهیێن دێ قورتال بن، تەمام ببیت.

رۆما 16:25

ئەڤجا مەزناهی بۆ وی بیت، یێ دشێت هەوە د باوەریێ دا موكم كەت، ل دویڤ وێ مزگینیا كو ئەز ژ بۆ عیسایێ مەسیح رادگەهینم، ل دویڤ ئاشكراكرنا وێ نهێنیا كو هەر ژ كەڤن دا یا ڤەشارتی بوو،

1 كورنتۆس 13:2

ئەگەر من بەهرەیا راگەهاندنا پەیاما خودێ هەبیت و هەمی نهێنیان و هەمی زانینێ بزانم و ئەگەر من باوەریەكا تەمام هەبیت، كو چیایان پێ ڤەگوهێزم، لێ من حەزژێكرن نەبیت، ئەو ئەز چ نینم.

1 كورنتۆس 4:1

بلا مرۆڤ مە ب ڤی شێوەی ببینن كو ئەم خزمەتكارێن مەسیحی و بریكارێن نهێنیێن خودێینە.

2 كورنتۆس 11:6

ئەگەر د ئاخفتنێ دا ئەز نە یێ شارەزا بم، د زانینێ دا ئەز یێ شارەزامە. ب راستی ژی ئەڤ چەندە مە بۆ هەوە ژ هەمی لایان ڤە و د هەمی تشتان دا ئاشكرا كر.

ئەفەسۆس 1:9

وی نهێنیا حەزا خۆ بۆ مە ئاشكرا كر، ئەوا وەكو وی ڤیای نەخشە كری كو ب رێیا مەسیحی ب ج‍‌ھ بینیت.

ئەفەسۆس 3:3

كو ئەو نهێنی ب رێكا سرۆشێ بۆ من ئاشكرا كریە، هەروەكو پێشتر من ب كورتی نڤیسی.

ئەفەسۆس 3:9

و نەخشەیێ نهێنیێ بۆ هەمیان روهن بكەم، ئەو نهێنیا ب درێژاهیا سەردەمێن بەرێ، ل نك خودێ یێ هەمی تشت ئافراندین، مایە ڤەشارتی،

ئەفەسۆس 5:32

ئەڤە نهێنیەكا كویرە و مەبەستا من پێ مەسیح و جڤاكا باوەردارانە.

ئەفەسۆس 6:19

و بۆ من ژی بكەن، داكو دەمێ ئەز بئاخڤم، ئاخفتن بۆ من بهێتە دان، دا ئەز ب وێرەكی نهێنیا مزگینیێ رابگەهینم،

كۆلۆسی 1:26

ئانكو وێ نهێنیێ رابگەهینم یا ب درێژاهیا هەمی سەردەمێن بەرێ و ژ هەمی بەرەبابان هاتیە ڤەشارتن، لێ نوكە بۆ پیرۆزكریێن وی هاتیە ئاشكراكرن.

كۆلۆسی 2:2

ئارمانجا من ئەوە كو ئەو بهێنە هاندان و د حەزژێكرنێ دا د ئێكگرتی بن، ب مەرەما هەمی دەولەمەندیا تێگەهشتنا تەمام، دا نهێنیا خودێ بزانن، كو مەسیحە،

كۆلۆسی 4:3

د هەمان دەم دا، بۆ مە ژی نڤێژان بكەن، دا خودێ ژ پێخەمەت پەیاما خۆ دەرگەهەكی بۆ مە ڤەكەت، داكو ئەم نهێنیا مەسیحی رابگەهینین، ئەوا ئەز ژ بەر وێ هاتیمە زیندانكرن.

1 تیمۆتاوس 3:16

بێگۆمان، نهێنیا خودێپەرێسیا راستەقینە یا مەزنە: ئەو ب لەشی دیار بوو، ژ لایێ گیانێ پیرۆز ڤە راستدار هاتە دەرئێخستن، ژ لایێ فریشتەیان ڤە هاتە دیتن، مزگینیا وی د ناڤ مللەتان دا هاتە راگەهاندن، د جیهانێ دا باوەری پێ هاتە ئینان و د مەزناهیێ دا هاتە بلندكرن.

1 تیمۆتاوس 3:9

راستیا باوەریێ ب وژدانەكا پاقژ بپارێزن.