ئەفەسۆس 3:2 - ئنجیلا پیرۆز

² بێگۆمان هەوە بهیستیە، كو ئەڤ ئەركێ بڕێڤەبرنا كەرەما خودێ، ژ پێخەمەت هەوە بۆ من هاتیە دان،

ئەفەسۆس 3:2 ပူးပေါင်းရင်းမြစ်များ

كارێن هنارتیان 13:2

ل دەمێ ئەو ب رۆژی و خودان دپەرست، گیانێ پیرۆز گۆتێ: «بۆ من بارناباسی و شائوولی بۆ وی كارێ من داخوازا وان كری تەرخان بكەن.»

كارێن هنارتیان 13:46

هنگی پاولۆسی و بارناباسی ب وێرەكی گۆت: «پێدڤی بوو ل بەراهیێ پەیڤا خودێ بۆ هەوە هاتبا گۆتن، لێ چنكو هەوە رەتكر و دیار كر كو هوین نە هەژی ژیانا هەروهەرن، ئەڤە ئەم یێ قەستا مللەتێن نەجوهی دكەین.

كارێن هنارتیان 22:21

لێ وی گۆتە من: ‹هەڕە، ئەز دێ تە دویر هنێرم بۆ مللەتێن نەجوهی.›»

كارێن هنارتیان 9:15

لێ خودانی گۆتێ: «تۆ هەڕە! چنكو ئەو بۆ من ئامانەكێ هەلبژارتیە، كو ناڤێ من بۆ مللەتێن نەجوهی و پاشایان و گەلێ ئیسرائیلێ هەلگریت.

رۆما 1:5

ب وی مە كەرەم و هنارتیاتی وەرگرت، داكو ئەم سەخمەراتی ناڤێ وی گازی هەمی مللەتان بكەین كو باوەریێ پێ بینن و گوهداریا وی بكەن.

رۆما 11:13

ئەز بۆ هەوە نەجوهیان دبێژم: مادەم كو ئەز هنارتیێ نەجوهیانم، ئەز هەمیان ب مەزناهیا خزمەتا خۆ ئاگەهدار دكەم،

رۆما 12:3

ئەز ب وێ كەرەما بۆ من هاتیە دان، دبێژمە هەر ئێكی ژ هەوە: بلا كەس خۆ بلندتر ژ یا دروست نەهەلسەنگینیت، لێ بلا ل دۆر خۆ ب شێوازەكێ بەرئاقل هەلسەنگاندنێ بكەت، ل دویڤ وی قەبارەیێ باوەریێ یێ خودێ ل سەر هەر كەسەكی لێكڤە كری.

1 كورنتۆس 4:1

بلا مرۆڤ مە ب ڤی شێوەی ببینن كو ئەم خزمەتكارێن مەسیحی و بریكارێن نهێنیێن خودێینە.

گالاتیا 1:13

هەوە ل سەر ژیانا من یا بەرێ د ئایینێ جوهیاتیێ دا یا بهیستی، من جڤاكا گازیكریێن خودێ گەلەك زێدە تەنگاڤ دكر و بزاڤ دكر وێ وێران بكەم.

ئەفەسۆس 1:10

نەخشەیێ وی ژی ئەوە كو د تەمامكرنا دەمان دا، ئەو دێ هەمی تشتان، یێن ل سەر ئەردی و یێن ل ئەسمانی ژی، پێكڤە كۆم كەت و ئێخیتە د بن سەروەریا مەسیحی دا.

ئەفەسۆس 3:7

ئەز ل دویڤ دیاریا كەرەما خودێ یا ب كاركرنا هێزا وی بۆ من هاتیە دان، بوومە خزمەتكارێ ڤێ مزگینیێ.

ئەفەسۆس 3:8

هەر چەندە د ناڤ هەمی پیرۆزكریان دا ئەز ژ یێ هەری كێم كێمترم، لێ ئەڤ كەرەمە بۆ من هاتیە دان، دا مزگینیێ د ناڤ مللەتێن نەجوهی دا بەڵاڤ بكەم دەربارەی دەولەمەندیا مەسیحی یا بێ سنوور

ئەفەسۆس 3:9

و نەخشەیێ نهێنیێ بۆ هەمیان روهن بكەم، ئەو نهێنیا ب درێژاهیا سەردەمێن بەرێ، ل نك خودێ یێ هەمی تشت ئافراندین، مایە ڤەشارتی،

ئەفەسۆس 4:21

بێگۆمان هەوە ل دۆر وی بهیستیە و ل گۆر وێ راستیا د عیسای دا، هوین دەربارەی وی هاتینە فێركرن.

ئەفەسۆس 4:7

لێ بۆ هەر ئێك ژ مە، ل دویڤ پیڤانا دیاریا مەسیحی، كەرەم هاتیە دان.

كۆلۆسی 1:4

چنكو مە دەربارەی باوەریا هەوە ب مەسیح عیسای و حەزژێكرنا هەوە بۆ هەمی پیرۆزكریان بهیست.

1 تیمۆتاوس 1:11

فێركرنا ساخلەم ئەوە یا گونجای ل گەل وێ مزگینیێ یا بۆ من هاتیە سپاردن، مزگینیا ب روومەت یا خودایێ پیرۆز.

1 تیمۆتاوس 1:4

هەروەسا ئەو خۆ ب چیڤانۆك و نەژادنامەیێن بێ دویماهی ڤە مژویل نەكەن، ئەڤ چەندە دبنە ئەگەرێ بگروڤەكێشێ ل شوینا بجهئینانا نەخشەیێ خودێ یێ كو ب رێكا باوەریێیە.

1 تیمۆتاوس 2:7

بۆ وێ شاهدەییێ ئەز یێ كریمە راگەهێنەرێ پەیامێ و هنارتی و مامۆستایێ مللەتان یێ باوەری و راستیێ، دەربارەی ڤێ چەندێ ئەز راستیێ دبێژم و درەوان ناكەم.

2 تیمۆتاوس 1:11

بۆ ڤێ مزگینیێ ئەز وەكو راگەهێنەر و هنارتی و مامۆستا هاتیمە دانان.