ئەفەسۆس 3:19 - ئنجیلا پیرۆز

¹⁹ و هوین حەزژێكرنا وی یا بلندتر ژ ئاستێ زانینا مرۆڤی بزانن، هۆسا هوین ب هەمی تژیاتیا خودێ تژی ببن.

ئەفەسۆس 3:19 ပူးပေါင်းရင်းမြစ်များ

مزگینیا مەتتای 5:6

خوزیكێن برسی و تێهنیێن راستداریێ، چنكو ئەو دێ هێنە تێركرن.

مزگینیا یوحەننای 1:16

ژ پڕبوونا وی مە هەمیان كەرەم ل سەر كەرەمێ وەرگرت.

مزگینیا یوحەننای 17:3

ژیانا هەروهەر ژی ئەڤەیە: ئەو تە، ئانكو خودایێ راستەقینە یێ ئێكانە، و عیسایێ مەسیح یێ تە هنارتی، بنیاسن.

رۆما 8:35

كی دێ حەزژێكرنا مەسیحی ژ مە ڤەكەت؟ ئایا دژواری، تەنگاڤی، تەپەسەری، كولب، رویساتی، مەترسی یان شیر؟

رۆما 8:39

نە بلنداهی، نە كویراتی و نە ژی تشتەكێ دی یێ هاتیە ئافراندن دێ شێت حەزژێكرنا خودێ ژ مە ڤەكەت، ئەوا ب رێیا خودانێ مە مەسیح عیسای دهێت.

2 كورنتۆس 5:14

حەزژێكرنا مەسیحی مە نەچار دكەت وێ چەندێ بكەین، چنكو ئەم گەهشتینە وی ئەنجامی كو ئێك ژ پێخەمەت هەمیان مر، لەوما هەمی مرن.

گالاتیا 2:20

ئێدی نە ئەزم یێ دژیت، لێ مەسیحە د ناخێ من دا دژیت. ئەو ژیانا نوكە ئەز ب لەشی دژیم، ئەز ب باوەریێ ب كوڕێ خودێ دژیم، ئەوێ حەز ژ من كری و خۆ گۆری من كری.

ئەفەسۆس 1:23

ئەو جڤاك لەشێ ویە، ئانكو تژیاتیا ویە یێ كو هەمی تشتان ب تەمامی تژی دكەت.

ئەفەسۆس 3:18

دا هەوە ل گەل هەمی پیرۆزكریان شیان هەبیت د فرەهی، درێژاهی، بلنداهی و كویراتیا حەزژێكرنا مەسیحی بگەهن

ئەفەسۆس 5:2

د حەزژێكرنێ دا بژین، هەروەكو مەسیحی ژی حەز ژ مە كری و خۆ گۆری مە كری، ژ پێخەمەت مە بوویە پێشكێشی و قوربانیەكێ بێهنخۆش بۆ خودێ.

ئەفەسۆس 5:25

گەلی مێران، هەر ئێك ژ هەوە حەز ژ ژنا خۆ بكەت، كا چەوا مەسیحی حەز ژ جڤاكێ كر و خۆ گۆری وێ كر،

فیلیپی 1:7

بۆ من دروستە كو ئەز ڤێ هزرێ دەربارەی هەوە هەمیان بكەم، چنكو هوین یێ د دلێ من دا. هوین هەمی د كەرەما خودێ دا هەڤپشكێن منن، د گرتنا من دا، هەروەسا د بەرگریكرن و سەلماندنا مزگینیێ دا.

فیلیپی 4:7

هۆسا ئاشتیا خودێ ژی، ئەوا د سەر هەر تێگەهشتنەكێ را، دێ دلێ هەوە و زێهنێ هەوە د ئێكبوونا ل گەل مەسیح عیسای دا پارێزیت.

كۆلۆسی 1:10

دا ب شێوەیەكی بژین كو هەژی خودانی بیت و ژ هەمی لایان ڤە جهێ رازیبوونا وی بن، د هەر كارەكێ باش دا د بەرهەمدار بن و د نیاسینا خودێ دا وەرارێ بكەن،

1 پەترۆس 1:8

سەرەڕای كو هەوە ئەو نەدیتیە، لێ هوین حەز ژ وی دكەن و سەرەڕای كو نوكە هوین وی نابینن، لێ هوین باوەریێ پێ دئینن، ب دلخۆشیەكا پڕی مەزناهی و ناهێتە سالۆخدان دلخۆش دبن.

2 پەترۆس 3:18

لێ د كەرەم و نیاسینا خودان و قورتالكەرێ مە عیسایێ مەسیح دا وەرارێ بكەن. مەزناهی بۆ وی بیت، نوكە و هەتا هەتایێ. ئامین.