ئەفەسۆس 3:17 - ئنجیلا پیرۆز

¹⁷ ب رێكا باوەریێ مەسیح د دلێ هەوە دا ئاكنجی ببیت و هوین د حەزژێكرنێ دا ب رە‍‌ھ و ب بنیات بن،

ئەفەسۆس 3:17 ပူးပေါင်းရင်းမြစ်များ

مزگینیا مەتتای 13:6

لێ دەمێ رۆژ هەلاتی، سۆت و چنكو یێ بێ رە‍‌ھ بوو، هشك بوو.

مزگینیا لوقای 6:48

ئەو وەكو وی مرۆڤیە ئەوێ خانیەك ئاڤا كری، كو كویر كۆلای و بنیات دانایە سەر كەڤری. گاڤا ئاڤ رابووی و لافاوان ل وی خانی دای، نەشیا بلڤینیت، چنكو باش هاتبوو ئاڤا كرن.

مزگینیا یوحەننای 14:17

ئەو ژی گیانێ راستیێیە، یێ كو جیهان نەشێت وی قەبیل بكەت، چنكو جیهان نە وی دبینیت، نە ژی دنیاسیت. لێ هوین وی دنیاسن، چنكو ل گەل هەوە یێ بنەجهە و دێ د ناڤ هەوە دا بیت.

مزگینیا یوحەننای 14:23

عیسای بەرسڤ دا: «هەر كەسێ حەز ژ من بكەت، دێ پەیڤا من ب ج‍‌ھ ئینیت و بابێ من ژی دێ حەز ژ وی كەت، دێ هێینە نك وی كەسی و ل نك وی ئاكنجی بین.

مزگینیا یوحەننای 17:23

ئەز یێ د ناڤ وان دا و تۆ یێ د ناڤ من دا، داكو ئێكبوونا وان یا تەمام بیت، دا جیهان بزانیت كو تە ئەز یێ هنارتیم و تە حەز ژ وان كر هەروەكو تە حەز ژ من كری.

مزگینیا یوحەننای 6:56

هەر كەسێ لەشێ من بخۆت و خوینا من ڤەخۆت، ئەو د ناڤ من دا یێ بنەجهە و ئەز د ناڤ وی دا.

رۆما 5:5

هیڤی ژی مە شەرمزار ناكەت، چنكو حەزژێكرنا خودێ ب رێیا گیانێ پیرۆز، ئەوێ وی دایە مە، رژیایە دلێ مە.

1 كورنتۆس 3:6

من چاند و ئەپولۆسی ئاڤدا؛ لێ خودێ وەرار دایێ.

1 كورنتۆس 8:1

نوكە ژی دەربارەی قوربانێن بۆ پووتان دهێنە پێشكێشكرن: ئەم دزانین، كو مە هەمیان زانین هەیە. زانین دفنبلندیێ پەیدا دكەت، لێ حەزژێكرن ئاڤا دكەت.

2 كورنتۆس 13:5

نە من، لێ خۆ بپشكنن، دا بزانن كا هوین د باوەریێ دانە یان نە. نە من، لێ خۆ تاقی بكەن. یان هوین تێناگەهن كو عیسایێ مەسیح د ناخێ هەوە دایە؟ ژبلی ئەگەر هوین د پشكنینێ دا سەرنەكەڤن.

2 كورنتۆس 6:16

ما چ رێككەفتن د ناڤبەرا پەرستگەها خودێ و پووتان دا هەیە؟ چنكو ئەم پەرستگەها خودایێ زیندینە، هەروەكو خودێ گۆتی: «ئەز دێ د ناڤ وان دا ئاكنجی بم و د ناڤبەرا وان دا گەڕیێم. ئەز دێ خودایێ وان بم و ئەو دێ گەلێ من بن.»

گالاتیا 2:20

ئێدی نە ئەزم یێ دژیت، لێ مەسیحە د ناخێ من دا دژیت. ئەو ژیانا نوكە ئەز ب لەشی دژیم، ئەز ب باوەریێ ب كوڕێ خودێ دژیم، ئەوێ حەز ژ من كری و خۆ گۆری من كری.

گالاتیا 5:6

چنكو د ئێكبوونا ل گەل مەسیح عیسای دا، سونەتبوون و سونەتنەبوون هەردوو د بێ مفانە، لێ ب تنێ ئەو باوەریا ب حەزژێكرنێ كار دكەت، یا ب مفایە.

كۆلۆسی 1:23

ب تنێ ئەگەر هوین د باوەریێ دا د بەردەوام بن، دموكم و قاییم بن و خۆ ژ هیڤیا مزگینیا هەوە بهیستی لانەدەن، ئەوا بۆ هەمی ئافراندیێن د بن ئەسمانی دا هاتیە راگەهاندن، ئەوا ئەز، پاولۆس، بوویمە خزمەتكارێ وێ.

كۆلۆسی 1:27

خودێ بڕیار دا بۆ پیرۆزكریێن خۆ بدەتە زانین كا دەولەمەندیا مەزناهیا ڤێ نهێنیێ د ناڤ مللەتێن نەجوهی دا چەندا مەزنە. نهێنی ژی ئەوە كو مەسیح د ناخێ هەوە دایە و ژ بەر هندێ مسۆگەرە كو هوین دێ د مەزناهیا وی دا پشكدار بن.

كۆلۆسی 2:7

ب وی ڤە رە‍‌ھ داهێلای و د ئاڤاكری بن و د باوەریێ دا د موكم بن هەروەكو هوین هاتینە فێركرن و بلا هوین ژ سوپاسیكرنێ د سەر دا بڕژن.

1 یوحەننا 4:16

ئەڤجا ئەم وێ حەزژێكرنا خودێ بۆ مە هەی دزانین و باوەر ژێ دكەین. خودێ حەزژێكرنە. ئەوێ د ناڤ حەزژێكرنێ دا بنەج‍‌ھ دبیت، د ناڤ خودێ دا یێ بنەجهە و خودێ د ناڤ وی دا.

1 یوحەننا 4:4

هوین ژ خودێنە گەلی زاڕۆكان و هوین ل سەر پێغەمبەرێن درەوین ب سەركەفتن، چنكو گیانێ پیرۆز یێ د هەوە دا مەزنترە ژ گیانێ ئبلیسی یێ د جیهانێ دا.

ئاشكراكرن 3:20

ئەڤە ئەز یێ ل بەر دەرگەهی راوەستیایمە و دەرگەهی دقوتم. ئەگەر ئێك دەنگێ من ببهیسیت و دەرگەهی ڤەكەت، ئەز دێ ب ژۆر كەڤمە نك وی و خوارنێ ل گەل خۆم و ئەو ل گەل من.